Аналар күні ертеңгілігіне арналған ойындар жинағы

Аналар күні мерекесіне арналған

«Ардақтайық ананы!» ертеңгілігінің сценарийі.

Залдың іші мерекеге сай әдемі безендірілген.

Кейіпкелер: Жүргізуші; Көктем;

Жүргізуші: Қымбатты аналар, әжелер, құрметті қонақтар! Бүгінгі көктемнің алғашқы күндерімен бірге келетін сегізініші наурыз Аналар мейрамы құтты болсын! Баршаңызға отбасына береке, бірлік, бақыт тілейміз. Бүгінгі І-ші кіші

тобының Аналар күні мерекесіне арналған «Ардақтайық ананы!» ертеңгілігіне қош келдіңіздер!

Музыка ырғағымен балалар залға билеп кіреді, жартылай шеңберге тұрады.

Жүргізуші:Көңілді өскен бөбекпіз,

Шырқап әнге саламыз.

Анамызға ән сыйлап,

Алғысын біз аламыз.

Құрметті аналар, қонақтар мына тамаша әнді өздеріңіздің құрметтеріңізге тарту етеміз. Қабыл алыңыздар!

Ән: «Айналайын анашым»

(Балалар орындарына отырады.)

Жүргізуші:Таңдай қағар тамсана,

Тіршіліктің басы-Ана.

Құттықтаймыз қуанып,

Тақпақ айтып бәріміз.

Балбөбектеріңіздің сіздерге арналған тақпақтарын қабыл алыңыздар!

Аналарға арналған тақпақтар.

Жүргізуші: Бүршік шашып, ағаштар,

Орманда бұлбұл сайраған,

Жылғалардан су ағып,

Гүл құлпырып жайнаған.

Балалар, айтыңдаршы,

Бұл қай кезде болады?

Балалар: Көктемде!

Жүргізуші: Дұрыс айтасыңдар, көктемде.

Жүргізуші: Дұрыс айтасыңдар, көктемде. Ендеше «Көктем» ханшайымын шақырайық!

Балалар: Көктем, Көктем! Өлкемізге кел, Көктем!

Музыка әуенімен залға билеп, қолында бір себет гүлдері бар, Көктем кіреді.

Көктем: Шуақты көктем келді гүлін алып,

Көктемнің мерекесі бүгін анық.

Өмірдің көктемі де, гүлі аналар,

Ана деп бас иеді күллі халық.

Гүлге толы құшағым

Құлпырады кең далам.

Тіршіліктің бастауы.

Гүл көктемің мен болам.

Сәлеметсіздер ме, ардақты аналар, ақжаулықты апалар, құрметті қонақтар! (Қонақтар амандасады: - Сәлеметсіз бе!)

Сәлеметсіңдер ме, балалар?

Балалар амандасады: - Сәлеметсіз бе!

Көктем: Мен баршаңызды аналар күні мейрамымен құттықтаймын!!!

(Қонақтар амандасады: - Рахмет!!!)

Жүргізуші:Сәлеметсіз бе, көктем! Өзің келіп дала гүлге оранды, түрлі түске боянды,

Жылғалардан су ағып, табиғат та оянады.

Балалар, көктемге арнап тақпақ айтып берейік.

Көктем: Рахмет, мен балалардың өнерін қуана тамашалаймын. (Көктем микрофонды ұстайды.) Көктем туралы тақпақтар

Көктем: Ай, керемет, тақпақты тақылдап айтады екенсіңдер! Рахмет!

Жүргізуші: Қадірлі аналар көңілі,

Көктемдей жайнап, гүл ашсын!

Бақытқа толып өмірі,

Шатыққа шаттық ұлассын! Құрметті аналар өздеріңізге арналған біздің қуыршақтай әдемі қыздарымыздың«Қуыршақтар» биін қабыл алыңыздар!