Аналар мәңгі жасасын балабақшаға арналған сценарий

Тақырыбы: Аналар-мәңгі жасасын!

Мақсаты: Анаға деген сүйіспеншілік сезімдерін арттыру, Ананы құрметтеу, сыйлай білуге, балалар бойындағы жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.

Жүргізуші: Аяулы біздің аналар мен әжелер, Сіздерді бүгінгі көктемнің алғашқы мерекесі – 8 Наурыз Халықаралық әйелдер күнімен құттықтаймыз.

Армысыздар, аяулы аналар,

Армысыздар әжелер мен апалар!

Мерекемен құттықтайды сіздерді,

Шашу шашып, өнерімен балалар.

Біздің балаларымыз сіздерге, аналарға деген ыстық лебіздері мен шексіз махаббатарын ән мен тақпақ арқылы жолдамақ. Қабыл алыңыздар! Ортаға Ислам, Бекжанды шақырамын.

Ислам: Жанымызды жайнатқан,

Сіздерсіз ғой аналар!

Зор денсаулық, мол бақыт,

Тілейміз біз балалар!

Бекжан: Восьмое марта- день хороший!

Он- чтобы женщин поздравлять!

И взрослых, и девчонок – крошек,

Всего им лучшего желать.

Жүргізуші: Ендеше ортамызға тобымыздың ұл балаларын қол соғып қошеметпен қарсы алайық. ( Ұлдар музыка әуенімен би билеп шығады).

Әділбек: Ортамызға Ару қыздарымызды шақырайық. (Қыздар музыка әуенімен келіп, ұлдардың қасына тұрып, балалар орындарына отырады).

Жүргізуші: Аналарға енді жырдан шашу шашайық. Ортаға: Айтбек, Гауһар, Аяулым, Айқын, Бағылан, Мадияр, Мадина.

Айтбек: Құтты болсын осы шаттық күніңіз,

Бақытты да ұзақ өмір сүріңіз,

Қуанышты жүзіңізбен әр дайым,

Бұл өмірде күліп қана жүріңіз,

Ақ анашым ұзақ өмір сүріңіз.

Гауһар: Ана біздің күніміз,

Ананың біз гүліміз.

Құрметтейміз ананы,

Құттықтаймыз бүгін біз.

Ұландарды қуантып,

Ұзақ өмір сүріңіз.

Аяулым: Еркелесем, күлімдейтін,

Ұрысқаны білінбейтін.

Маңдайымнан иіскеп мені,

«Құлыншағым», «Күнім» дейтін.

Жамандықтан сақтандырып,

Жақсы ісіңді мақтан қылып.

Мәпелеген ақ мамамды,

Жүрсем деймін шаттандырып.

Айқын: Мейірімді, сымбатты,

Қадірменді қымбатты.

Ең жақын жан балаға,

Кім десеңдер! Ол- АНА!

Бағылан: Баланың да тірегі,

Дананың да тірегі.

Шаншымасын ешқашан,

Аналардың жүрегі.

Мадияр: Түнде сергіп жатпаған,

Күндіз тыным таппаған.

Менсіз тамақ татпаған,

Айналайын, ақ мамам!

Мадина: Әлпештеген, аялаған,

Ақ сүт берген апатайым.

Өлең айтып бүгін саған ,

Мейрамыңмен құттықтаймын.

Жүргізуші: Жыршы құстар көп келді,

Гүлдер жапты бөктерді,

Кел балалар бәріміз,

Қарсы алайық көктемді. (Музыка әуенімен Көктем келеді)

Жүргізуші: Көктем келді, балалар,

Жердің беті жаңарар.

Ақ сүт беріп өсірген,

Аман болсын аналар!- деп көктемнің құрметіне балалардың орындауында «Көктем келді» атты әнін қабыл алыңыздар

Ән: «Көктем келді»

Жүргізуші: Ендігі кезекті балалардың тақпақтарына беремін. Ортаға: Альфия, Рахман, Дархан , Назерке, Ғалымжан, Кәусар, Нұразиз.

Альфия: Қадірлі аналар көңілі,

Көктемдей жайнап гүл ашсын,

Бақытқа толып өмірі,

Шаттыққа шаттық ұлассын!

Рахман: Гүл- гүл жайнап әріміз,

Кіреді біздің сәніміз.

Аналарды тойымен

Құттықтаймыз бәріміз.

Қуанышта болайық,

Жақсылықты тойлайық.

Аналармен қуанып,

Асыр салып ойнайық.

Дархан: Шалқып тасып әніміз,

Жадырасын жанымыз.

Ана, сені құттықтап,

Әндетеміз бәріміз.

Назерке: Анам менің аппақ,

Үйретеді тақпақ.

Анам оны жаттап,

Айтып берем өзіне,

Қуанады мақтап.

Ғалымжан: Наурыздың сегізі,

Сұлулықтың негізі.

Әдемі сөзі баланың,

Анаға айтар лебізі.

Анасыз жоқ бір күнің,

Әжесіз жоқ бір күнің.

Ұсынамыз біз бүгін,

Жырдың сұлу шоқ гүлін.

Кәусар: Мен мұғалім анамның,

Өнегесін аламын.

Ертең менде анамдай,

Оқытушы боламын.

Нұразиз:Үн қатасың бал тілмен,

Еркелеймін әркүн мен.

Құттықтаймын анашым,

Сегізінші Наурызбен!

Жүргізуші: Күнінде гүл көктемнің нұрын шашып,

Жасқанбай әр қадамын нық - нық басып,

Биімен көрерменді тәнті ететін

Арулар келді міне толқып, тасып –дей келе, Көктеммен бірге ару қыздарымыздың орындауында «Гүлдер» биі тамашалаңыздар.

Би: «Гүлдер»

Жүргізуші: Шай ішетін қоюлап,

Жақсы көрем апамды.

Сырмақ сырған оюлап,

Жақсы көрем әжемді, - деп,балаларымыздың әжелеріне арнаған тақпақтарына кезек береміз. Ортаға: Нұртілек, Жанарыс, Гүлжанат, Әділбек.

Нұртілек: Таусылмайды өлеңі,

Күнде айтып береді.

Барған сайын бір жаққа

Кәмпит алып келеді.

Әжем мені өйткені

Өте жақсы көреді.