Аналарды ардақтайық ашық сабағы мектепке дейінгі топқа

«Аналарды ардақтайық!»Мақсаты: Балаларға 8 - наурыз халықаралық мейрамы екенің ұғындыра отырып, аналарын ешқашан ренжітпеуге, қолғанат болуға, әрқашан құрметтей білуге тәрбиелеу.Жүргізуші: Қымбатты балалар, сүйікті апалар, құрметті әріптестер!Бүгін біз көктемнің алғашқы мерекесі күні 8 - наурыз аналар мерекесін тойлауға жиналып отырмыз. Мерекелеріңіз кұтты болсын!Бала, бала, бала деп,Түнде шошып оянғанТүн үйқысын төрт бөліп,Түнде бесік таянған.Қаймақты сүттей қалқытқанСуық болса жөргегіҚорғасындай балқытқанАйналасына ас қойып,Өзенді көлдей шалқытқан.Қолын қатты тигізбей,Иісін жүпар аңқытқанБұл кім?Балалар: Ана, ана, ана!Жүргізуші: Құрметті аналар, қадамдарыңа гүл бітсін, сіздерге арналған мерекемізді бастаймыз.Бүгін наурыздің 8 - іСүлулықтың негізіӘдемі сөз адамныңАнаға айтар лебізі.Тақпақтар:Айдана:

Менің анам ардақты,

Алтыннан да салмақты

Жақсы көріп баласын,

Мәпелейді анашым

Нұртас:

Қуанамыз сыйлаймыз

Қуаныштың мың гүлін

Аналарды құттықтап

Жырдан шашу арнаймыз

Инабат:

Жақсылыққа шақырып,

Жамандықтан тыяды.

Мейіріммен тәрбиелеп

Иман нұрын құяды

Жансен:

Әр сөзімді жаттаған,

Жүрегімде сақтаған,

Анашым деп мақтанам,

Айналайын ақ анам!

Айару:

Ақ анашым, аппағым,Өзің жайлы тақпағым,Өзің жайлы әнім де,Арнадым саған бәрін де.

Ал енді құрметті аналар біздің балаларымыздың биін тамашалаңыздар!

Би «Вальс»

Жүргізуші:

Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке! Әлемдегі ең асыл жан ол – Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Баланың тілі шыққаннан – ақ бірінші сөзін «Ана» деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару - ана, Ару - асыл жар, Ару – көңілдің гүлі, Ару - өмірдің жыры, тіпті айта берсең сөз жетпейді. Олай болса,біздің кішкентай бүлдіршіндеріміздің өздеріңізге арналған лебіздерін тыңдасаңыздар

Айкөркем:

Анам менің сүйіктім

Тек өзіңе табынам.

Дарын:

Мен анамды сүйемін

Құшағына енемін.

Айбибі:

Құтты болсын, анашым,

Құтты болсын, мерекең!

Жансұлу

Анам, анам, ақ анам

Мен өзіңдей ақ балаң,

Айтқан тілінді аламын

Жұмсағанда барамын.

Айша:

Әлпештеген баласын,

Айналайын анашым

Хор «Ақ мамам»

Жүргізуші: