Ананы ардақтайық тәрбие сағаты мектепке дейінгі балаларға

№3 Красный Яр көпсалалы орта мектеп-гимназиясы.

Дайындаған: Ерғалиева Р.Е.

Дайындық «А» сынып мұғалімі.

2017 оқу жылы.

Аналар мерекесіне орай зал әсем безендірілген.

Мұғалім: - Сәлеметсіздер ме, құрметті қонақтар, ақжаулықты әжелер, асыл да, аяулы аналар, мектебіміздің ұстаздары, ару қыздар! Сіздерді 8 Наурыз халық аралық аналар күнімен құттықтаймыз. Зор денсаулық, ашық аспан, мол бақыт тілейміз!

1-жүргізуші: Бүгін наурыздың сегізі

Сұлулықтың негізі.

Әдемі сөз адамның

Анаға айтар лебізі.

Армысың әжелерім, аналарым,

Мейірбан аппақ көңіл даналарым.

Гүл көктемнің алғашқы мейрамымен

Құттықтайды сіздерді балаларың.

2-жүргізуші: Қадірлі аналар көңілі

Көктемдей жайнап гүл ашсын.

Бақытқа толып өмірі –

Шаттыққа шаттық ұлассын.

Ән ырғағымен Көктем айларымен келеді.

Көктем:- Сәлеметсіздер ме, құрметті балалар, қонақтар!

Жарқыраған қызыл гүлдей болсын әсем өміріңіз

Сәуле шашқан әсем күндей көтерілсін көңіліңіз-дегендей біз сіздерге құр қол келген жоқпыз өзімізбен бірге «Арулар сайысын» ала келдік.

2- жүргізуші: - Арайлы көктем, бізге жылу беріп, көңілімізді көтергенің үшін рахмет. Бірақ біздің мына гүліміз жарқырамай, ашылмай тұр. Жылу беріп көңілін көтерші.

Күтпеген сәт. Көктем жайқалған әдемі кәмпит гүл өсіреді.

1-жүргізуші: Ах- қандай тамаша. Балалар, қараңдаршы, қандай кәмпиттер, жай кәмпит емес, ғажайып кәмпиттер.

Сары кәмпитті ашайын.

Ән «Апатайым».

2-жүргізуші: Жасыл кәмпитті ашайын. «Арулар сайысы».

1-жүргізуші: Ақ кәмпитті ашайын. «Аналарға арналған тақпақ».

Раман. Той пердесін ашайық

Аналарды құрметтеп

Ән маржанын шашайық

Құтты болсын ардақты анам

Қуанышты мерекең.

Әліби: Сегізінші наурыз күнін

Мейрамдайды аналар

Аналардың шаттығын

Құттықтайды балалар.

Мұхаммед-Али: Құтты болсын ардақты анам

Асыл анам мерекең

Құтты болсын теңдік алған

Қуанышты мереке.

Б.Алихан: Бала, бала, бала – деп,

Түнде шошып оянған.

Түн ұйқысын төрт бөліп,

Түнде бесік таянған.

Әмірхан: Ақыл құйған санама

Күннен артық расында

Күн алыста, ал анам

Әрқашан менің қасымда.

Фариза: Сіздерден өскен балалар -

Батырлар мен даналар.

Құттықтаймыз мейраммен,

Құрметті абзал Аналар.

Аяулым: Ардақты ана, аяулы ана, қымбаттым,

Тірлік тілеп маған талай түн қаттың.

Өміріме азық болды ақ сүтің,

Кең құшағың аясындай гүл бақтың.

Уали: Мен өзіңмен қайда болсам біргемін,

Махаббатың жүрегімде жүр менің.

Түнергенде нұр жауатын жаңбырсың,

Жарқын сәуле жадырай бір күлгенің.

Сағындық: Бәрімізге анасың,

Маған шам боп жанасың.

Құтты болсын мерекең,

Құттықтаймын анашым!

2-жүргізуші: Қызыл кәмпитті ашайын, кәмпиттің қағазында: би «8-наурыз».

1-жүргізуші: Көгілдір кәмпитті ашайын. «Сән».

2-жүргізуші: Қына сары кәмпитті ашайын: ойын «Қуыршақ».

1-жүргізуші: Ашық қызыл кәмпитті ашайын. «Әжелерге тақпақ».

Данеш: Әже деген көп шығар,

Әжемдей менің жоқ шығар.

Мейірімді бұл кісі –

Қандай ғажап күлкісі.

Мейрамбек: Менің әжем, гүл әжем,

Алтын әжем, күн әжем.

Анам үшін, мен үшін,

Нағыз ана, ол әжем.

Мадина: Ақ әжемді әрқашан

Сыйлап жақсы көремін.

Қуантайық деп оны

Өлең айтып беремін.

2-жүргізуші: Көк кәмпитті ашайын «Арулар биі».

1-жүргізуші: Жылтыр кәмпитті ашайын. Ойын «Ботақаным».

2-жүргізуші:Жасыл гүлді ашайын. Ән «Ақ әжем».

1-жүргізуші: Сары гүлді ашайын. «Ас - адамның арқауы».

2-жүргізуші: ойын «»

1-жүргізуші: Сары кәмпитті ашайын. Әділ қазы алқасына сөз. (марапат). «Ең сүйкімді!», «Ең сымбатты!»,

«Ең мейрімді!», «Ең ақылды!».