Анам, ағам және мен спорттық сайысы

Сабақтың мақсаты: салауатты өмір салтын сақтау, дені сау, рухы таза ұрпақ тәрбиелеу.

Міндеттері: балалардың дене қимылдарын дамыту, ұлттық ойындарға деген қызығушылығын арттыру. Шапшаңдық, ептілікке үйрету. Жаны таза ұрпақты салауатты өмір салтына тәрбиелеу.

Қажетті құралдар: доптар, секірме доптар, таяқшалар, ракеткалар, т.б.

Әдіс-тәсілдер: эстафеталар, би, ойын.

Мұғалім: Құрметті ата-аналар, ұстаздар, балалар! Бүгінгі қоғам мүддесіне лайықты, жан-жақты жетілген, парасатты, мәдениетті, дені сау азамат өсіру отбасының, мектептің, жалпы халықтың қасиетті борышы екені баршамызға аян. Мектебіміздің де негізгі мақсаты – болашақта жас ұрпақты халқына қалаулы, ата-ананың мақтанышы, дені сау, сымбатты, шыныққан, адамгершілігі мол азамат етіп өсіріп тәрбиелеу. «Анам, ағам және мен – спортшымыз шетінен» атты отбасылық сайысқа қош келдіңіздер!

Әр таңды бақытпенен атырамыз,

Өнерді ой көгінде бақылаңыз.

Сайысқа қатысуға енді ортаға

Үлгілі де өнегелі, жылдам да шапшаң,

Отбасыларымызды шақырамыз.

Сайыскерлер музыка ырғағымен ортаға шығады.

Мұғалім: Әділқазы бағалар

Жеңімпаз болу-үлкен сын

Ойыншылар сайысын

Ешкімнің жоқ алалар – деп әділқазы алқасымен таныс болыңыздар.

Мұғалім: Ал, құрметті халайық!

Жарысты енді көріңдер

Әділқазы алқасы

Әділ баға беріңдер.

Уақыт, уақыт, куәсің сен бәріне

Нұр төгеді күн шуағы біздерге.

Денсаулықтың әліппесі бұл сайыс,

Жігерлене, бастайықшы, ал-қане! – деген өлең жолдарымен сайысымыздың 1-кезеңі «Таныстыру».

Шарты: бұл кезеңде топтардың аты, ұраны киімі және эмблемасы бағаланады.

Қазылар алқасының бағасы.

Мұғалім: Спорт – денсаулық кепілі десек, «Анам, ағам және мен – спортшымыз шетінен» отбасылық сайысы отбасылық тәрбие мен салауатты өмір салтын насихаттау мақсатында ұйымдастырылып отыр.

2-кезең. «Ағам және мен».

Шарты: әр команданың ұлдары қарындастарын арқалап, кедергілер арасымен өтіп, мәредегі шелектерді айналып, кері қарай тура жүгіріп келеді. Сөреге бірінші болып жеткен және жарыс ережесін дұрыс орындаған топ жеңімпаз болып есептелінеді.

Бағалау.

Мұғалім: Денсаулық – басты байлық өмірдегі

Нәр беретін асыл ғой көңілдегі

Салауатты өмір салтын насихаттап

Атанайық жақсы азамат өңірдегі.

3-кезең. «Отбасылық портрет».

Шарты: әр команда құрамы кезектесіп допты баскетболша ұрып, кедергілер арасымен өтіп мәредегі плокатқа 1-топ «қоянның», 2-топ «аюдың», яғни аналары басын, ұлдары денесін және аяғын, қыздары қолын салады.

Бағалау.

Мұғалім: Салауат бағы баулиды бізді жақсылыққа,

Жетелейді елдің сәні ынтымаққа.

Денсаулықтың түсіндіріп әліппесін,

Жол салады айдын шалқар болашаққа.

4-кезең. «Вело жарыс»