Спорт және мен спорттық сайысы 2 сыныпқа

Н.Ж.Ибраемова, М.Бегалиева атындағы

ЖОББМ-нің бастауыш сынып мұғалімі

Батыс Қазақстан облысы

Бөкей ордасы ауданы

Бөрлі ауылы

Тақырыбы: «Спорт және мен» спорттық сайысы

Мақсаты:

Балалардың арасында салауатты өмір салтын қалыптастыру.

Балалардың ойлау, сөйлеу қабілетін дамыту, спортқа қызығушылығын, күш-қуаттары мен ептіліктерін арттыру.

Балаларды достыққа, ұйымшылдыққа тәрбиелеу.

Өту барысы:

І. Ұйымдастыру бөлімі.

Жүргізуші:

Құрметті балалар және ұстаздар! Бүгін бізде екінші сынып оқушыларының қатысуымен спорттық-танымдық сайыс өтеді. Балаларымыз өздерінің білімді, жылдам, епті, ұйымшыл және көңілді екендіктерін көрсетпекші. Қазір осы екі сынып оқушыларынан құралған құрама командалар сайысқа дайын тұр. Сайыскерлерімізді қошеметтеп ортаға шақырайық (үш команда ортаға шығады).

(Жүргізуші сайыскерлерге қарап:)

Балалар, бүгін бізде сайыс өтеді. Біз ойланамыз, ойнаймыз, жүгіреміз, жарысамыз.

Сайысымыз алты кезеңнен тұрады:

Топты таныстыру.

«Кім күшті?».

«Шеңбермен жүгіру»

«Достық жұбы».

«Шаңғышылар».

«Арқан тарту».

ІІ. Негізгі бөлім.

Сайысымызды бастаймыз.

1 кезең – Топты таныстыру.

1 топ. Топ басшысы: Топ мүшелері (хормен):

-Топтың аты - Жұлдыз.

- Топтың ұраны - Біз кішкентай жұлдызбыз

Өнегелі ұл-қызбыз.

-Қандаймыз? - Татумыз!

-Спортқа қалаймыз? - Жараймыз!

2 топ. Топ басшысы: Топ мүшелері (хормен):

-Топтың аты - Балапан.

- Топтың ұраны - Балапанбыз, балдаймыз,

Бақытты өмір таңдаймыз!

-Қандаймыз? - Балдаймыз!

-Спортқа қалаймыз? - Жараймыз!

3 топ. Топ басшысы: Топ мүшелері (хормен):

-Топтың аты - Ұлан.

- Топтың ұраны - Талпынған жас ұланбыз

Биікке әліде самғаймыз

-Қандаймыз? – мықтымыз!

-Спортқа қалаймыз? - Жараймыз!

2 кезең «Кім күшті?». Қатысушылар теннис ракеткасы мен добын кедергілер арасынан құлатып алмай өтеді.

3 кезең – «Шеңбермен жүгіру». Шарты: 3 топ қосылып ойнайды. Шеңбер бойымен иығынан бірін-бірі ұстап бір аяқтап секіріп шеңберді айнала жүреді. Кімде-кім ілесе алмай аяғын түсіріп немесе құлап қалса, сол ойыншы ойыннан шығады. Осылайша ойын жалғаса береді. Ең соңына дейін құламаған ойыншы жеңіске жетеді.

4 кезең –«Достық жұбы» деп аталады. Қатысушылар баскетбол допбын кезекпен бір-біріне береді, белгіленген қашықтықта допты жерге түсірмей өтуі қажет.

5 кезең – «Шаңғышылар». Балалар аяқтарына қап киіп секіріп жарысады.