Әні – бал, жыры – кәусар бұлақ еді туралы мақала

Сағынышпен еске аламыз ...

Қыркүйек айының 28-і күні Кішішыған орта мектебінде ауылымыздың мақтанышы талантты айтыскер, ақын, композитор, әрі әнші Бегімбетов Жандарбек Әкімбекұлының есімін мектептің директоры Дәулеткелді Мұхамерұлы 1 «Б» сыныбына салтанатты түрде табыстаған болатын.

Жас шәкірттер,ата-аналар және де мен сынып жетекшісі зор қуанышпен өз ризашылығымызды білдірген болатынбыз.Мінеки сол шәкірттер бір жыл ішінде өздерінің бойында тұрған үлкен міндеттерін сезіне отырып, сәуір айының 15-і күні мәдениет үйінде Жандарбек ағамыздың « Ақынның қызыр ие жолдасы бар» атты сағынышпен еске алу кешінде көрсете білді.Кештің барысында Жандарбек ағамыздың балалық,жасөспірімдік және жастық шақтарынан үзінді көріністер көрсетілді. Жандарбек ағамыздың өлеңдерін өздерінің бал тілдерімен Алтынай,Даниал,Мирас,Інжу,Сырым, Алғар,Мади,Дана,Жанерке т.б. оқушылар нақышына келтіріп мәнерлеп айтып берді.Кеш барысында Ерғали Санжар мен Нұртілеу Айзере атты шәкірттерім ақынға арнау айтыс тарту етіп,көрермендердің қошеметіне ие болды.Жандарбек ағамыздың әуеніне жазылған «Қолшатыр» әнін Қадырбеков Аслан мен осы сыныптың ұстазы шырқаса,оқушылар сол әннің керемет әуеніне қолшатырмен вальс биін биледі және де ағамыздың тағыда бір керемет «Ұстазым» әнін Сраил Арай қызымыз шырқап берді.Бір кереметі видеожазбадан Жандар ағамыздың өзі шырқаған «Сырғалым» әні тыңдатылып, ару қыздар сол әнге мың буралып қазақ биін билесе, жігіттеріміз «Бәйге» биін өз шабыстарымен таң қалдырды. Сонымен қоса

Кеш соңында Санжар мен Айзере ,барлық көрермендерге өмірлері әрқашанда бақытқа ,шаттыққа толы тәтті өмір болсын деген ниетпен,«Тәтті-тәтті» әнін шырқап аяқтаған болатын.

Сыныптың ата-аналары тарапынан Унғарбекова Тұрдыхан апамыз Жандарбек ағамыздың ата-анасы Әкімбек ата мен Шәкен апаны сахна төріне шақырып,осындай талантты ұлды дүниеге әкеліп,тәрбиелегеніңіз үшін деп тілегін білдіріп,орамал мен шапанды сыйға тартты.Ал Әкімбек ата мен Шәкен апа шәкірттеріме өз ризашылығын білдіріп,бұл сыныпта бір-бір Жандарым бар екен деп көзіне жас алды,ал атамыз барлығымызға батасын берді.Мектебіміздің директоры, Жандарбек ағамыздың туған-туыстары, достары, інісі Ғани Бегімбетов, қарындасы – Гүлістан Бегімбетова сөз алып,әрқашанда осы сыныптың ата-аналарымен,сынып жетекшісімен тығыз байланыста болатынын атап өтті. Еске алу кешіміз жақсы көңіл-күймен аяқталып,қошеметтерге толы болды.

«Кішішыған орта мектебі мектепке

дейінгі шағын орталығымен» коммуналдық

мемлекетік мекемесінің 1 «Б» сынып жетекшісі