Заманауи ғылым мен білімнің басымдылықтары туралы мақала

ЗАМАНАУИ ҒЫЛЫМ МЕН БІЛІМНІҢ БАСЫМДЫЛЫҚТАРЫ

Қызылорда облысы, Қызылорда қаласы, «Өркениет» медицина колледжі физика пәнінің оқытушысы Әбдуәли Әйгерім

Білім саласындағы жаңа озық жүйеге бейімделу - шешуші рөлге ие. Әрбір бүгінгі студент -ертеңгі педагог ел тізгінін ұстайтын жеткіншектің бойына тек білім беріп қана қоймай, өздігінен білім алу негізінде оқушы қабілеттері мен икемділік, іскерлік дағды қалыптастыруына жағдай жасау. Студенттің басты мақсаты көптеген пәндерден, олардағы ұшан теңіз ақпараттардың ішінен ең негізгісін, мәндісін таба білу. Мақалада студенттің алғашқы шығармашылық толғанысы, білімдегі жаңа бағдарламаның мәніне, оның басымдылықтарына мықты негізділік (фундаменталдық) көзқарасы көрінеді.

Барлық жастағы азаматтарды қамтитын білім беру ісінде өзіміздің озық жүйемізді құруды жеделдету қажет.

Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс.

Елбасымыз "Рухани жаңғыру" жолдауының Адами капитал – жаңғыру негізі атты жетінші басымдылығында атап көрсеткендей еліміздегі білім беру мәселесі әлемнің алдыңғы қатарлы мектептердің тәжірибелерін жинақтап, құнды бағыттары мен идеяларын ұлттық психологиямызға сәйкес пайдаланып, жаңа жолға қойып отырғаны белгілі. Олай болса, бұл бағыттағы келелі істердің бірі және бірегейі жаңартылған бағдарлама екенін орта мектепте машықтану кезеңінде көзім жетті. Бұл бағдарлама - Қазақстандық мұғалімдерге кәсіби біліктілігі мен педагогикалық тәжірибесін жетілдіріп отыруды, өзгерістерге үнемі бейім болу және жаңа білімді меңгеру қабілетін дамытуды қажет етеді.

Осы баяндамамда жаңартылған білім мазмұнын игерудегі ізденістер мен тәжірибелерімді ұсынғым келеді.

Білім мазмұнының барлық элементтерінде және оның барлық деңгейлерінде заманауи білімнің жалпы мақсаттарына сәйкестігі; оқытудың негізгі және рәсімдік аспектілерінің бірлігін есепке алып отыруы; жалпы білімнен нақты және нақты нысандарға көшу кезінде білімнің мазмұнының әртүрлі деңгейлеріндегі құрылымдық бірліктерді сақтауы сынды білім мазмұнын қалыптастыру .

Конфуций: "Маған айтып берсең- ұмытып қаламын, көрсетсең- есімде сақтаймын, өзіме жасатсаң үйренемін" дегенді өз дәуірінде айтып өткен данышпанның ойы қазіргі білімнің мәні болып қалғандай. Себебі XXI ғасыр мектебі жедел өзгеріп жатқан заманға бейімделуге мүмкіндік беретін түбегейлі өзгерістер енгізуді, өз кәсіби шығармашылығымызды шыңдауды талап етеді. Ойы жүйрік, ақылы жетік, бәсекеге қабілетті, өзгерістерге бейім жеке тұлғаны тек қана жаңа тұрпатты педагог қалыптастырады. Сондықтан Елбасы жолдауында педагогтарды оқыту және олардың біліктілігін арттыру жолдарын қайта қарау керек екендігін басты назарда ұстауды қадағалайды

Президент Н.Назарбаев: Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс. Оларды оқыту нәтижесі оқушылардың сындарлы ойлау, өзіндік ізденіс пен ақпаратты терең талдап, машығын игеруі тиіс» деп атап көрсеткеніндей, қазіргі таңда еліміздегі білім беру бағдарламасы аясында үш тілде білім беру мәселесі де білім берудегі негізгі басымдықтардың бірі.

2019 жылдан 10-11-сыныптардағы жаратылыстану ғылымының жекелеген пәндерін оқытуды ағылшын тіліне көшіру басталатын болады.

Нәтижесінде, біздің барлық түлектеріміз елімізде және жаһандық әлемде өмір сүріп, жұмыс істеуі үшін қажетті деңгейде үш тілді меңгеретін болады.

Осыған орай, 15.01.2018-25.03.2018 ж Қазалы қаласы, М.Горький атындағы өндірістік-педагогикалық машықтану кезінде 9 «б» сыныбымен «Ғажайып физика» тақырыбында сайыс сабақ өткіздім. Сайыс кезеңдері төмендегі турлардан тұрды.

І. «Сәлем сөздің анасы» (топтардың сәлемдесуі)

ІІ. «Физика біздің айналамызда» (физикалық жұмбақтарға жауап беру)

ІІІ. «Бұл не?» (физикалық құралдарды таныстыру)

ІV.«Бәрін білгім келеді!» (текшелердегі сұрақтарға жауап беру)

V. «Жүйрік болсаң озып көр» (әр топқа 10 сұрақ қойылады)

VІ. Тобыңды шыңға шығар (есеп шығару)

ІІ кезең. «Физика біздің айналамызда»

ІІ кезеңде 6 жұмбақ берілен. Жауабын қазақша, орысша, ағылшынша айту керек.