Ақиқат пен адалдық құндылықтарына арналған 1-сынып сабағы

Өзін – өзі тану сабағының жоспары

Бекітемін:

Мектеп: №22 жалпы орта білім беретін мектеп.

Мерзімі:

Тақырып: № 2 сабақ. Ақиқатты жолға алып, адалдықпен өмір бастаймыз!

Құндылық: Ақиқат

Қасиеттер: ақиқатты айту, тек жақсы нәрсені айту, басқалардың бойында жақсылықты көру.

Мұғалiм: Атапкекл Жанаргүл Әділханқызы

Сынып: 1

Сабақ мақсаты: Оқушыларға ақиқатты жолға алып, адалдықпен өмір бастауды әңгімелеу арқылы ақиқат құндылығының мәнін ашу.

Сабақтың міндеттері:

- оқушыларды ақиқатты айтуға үйрету;

- оқушылардың тек жақсы нәрсені айту қасиетін дамыту;

- оқушыларды басқалардың бойындағы жақсылықты көруге тәрбиелеу.

Ресурстар:(құралдар, мәлiметтер)

Оқулық, дәптер, күнделік, АҚТ, түрлі түсті дөңгелекшелер

Сабақ барысы:

Ұйымдастыру кезеңi.

Өзін-өзі тану сабағының ережесі «5-Т» қайталау, «5» жұмыс құралын түгендеу: күнделік, оқулық, жұмыс дәптері, қаламсап, қарындаш.

Сабақ барысын талдау:

Үнтаспа

2. Үй тапсырмасын тексеру

№ 2сабақ 9-10 бет «Түлкі мен ешкі».

Талқылауға арналған сұрақтар:

Түлкінің айтқаны шындыққа жата ма? Неліктен?

Әрдайым шындықты айтқан жөн бе? Неліктен?

Өз өмірлеріңнен шындықпен жол тапқан мысалдар келтіріңдер.

Оқулық

3. Дәйексөз

«Ақиқат- адалдықтың бастауы»

Нақыл сөз

Оқулық

4. Әңгiмелеу. Мұғалімнің сыйы.

Екі дос

Ел аузынан

Ертеде,ел арасында жаугершілік жиі болған кезде қазақтың екі жауынгері төс қағысып дос болады.

Бірде әскерлер бір өзеннің бойына шатыр тігіп дамылдайды.Сонда тұтқиылдан жаудың қаптаған қалың тобы шабуыл жасайды.Тонаған мал-мүліктерін тиеп кетеді.Қолға түскен қазақ жасағын айдап әкетеді.

Әлгі екі достың біреуі жау қолына түседі.Досының қолға түскенін естіген екінші батыр күздің қара суығын елеместен өзенді малтып өтіп,жау жатқан жағаға келеді.Анталаған жау әскерлері оны тарпа бас салады.Жауынгер өзін қолбасыларына алып баруын өтінеді.Алып барған соң ол жаудың қолбасына:

-Мен қолдарыңа түскен бір жауынгерге құн төлеп,сатып алуға келдім.Менің оған айырбасқа берер мал-мүлкім жоқ.Бір-ақ нәрсе беремін. Ол—өзімнің өмірім.Досымды босатсаңдар, ол үшін өзімнің өмірімді қияр едім,-дейді.

Қолбасы ойланып отырып,оны сынамақ болады да:

-Жарайды,мен сені қыршыныңнан қимай-ақ қояйын.Маған сол өміріңнің бір бөлшегін ғана берсең болды,-дейді.

-Ол не?-деп сұрайды досын құтқаруға келген жігіт.

-Маған сенің көздерің керек,-дейді қолбасы.

-Ол да болсын,көзімді ал да,досымды босат,-дейді жігіт.Ол бұл сыннан тоқтаусыз өтеді.

Әлгі жауынгер тұтқыннан босанған досының иығына қолын артып ,зағип күйі қуана күлімдеп келе жатады. Мұны көрген жаудың қолбасшысы: "Мұндай ерлері…