Ақиқат пен адалдық туралы сабақ жоспары 1-сыныпқа

Тақырыбы: Ақиқатты жолға алып,адалдықпен өмір бастаймыз 1сынып

Құндылық:ақиқат

Қасиеттер: адалдық

Мақсаты: «Адалдық»ұғымының ақиқат құндылығы ретіндегі мәнін ашу.

Міндеттері:

-«Өзін-өзі тану» пәні туралы түсінік беру;

- Оқушыларға адал өмір сүрудің мәнін түсіндіре отырып, адалдық қасиеті туралы түсінік беру.

- Оқушыларды қарапайымдылыққа, адалдыққа, шыншылдыққа баулу.

Ресурстар:/құралдар,мәліметтер/

Барысы:1)Ұйымдастыру бөлімі.1.Сәлемдесу. 2.Оқушыларды түгіндеу Сәлеметсіздер ме, оқушылар!

Мен бүгін сіздерді көргеніме өте қуаныштымын!

Менің аты – жөнім Шолпан Каратевна. Өзін – өзі тану пәні мұғалімімін.

Оқушылар, қанеки сіздермен танысып өтейік. Қазір кезек – кезекпен өзіміздің аты – жөнімізді содан кейін сүйікті ісімізді айтамыз. (Мысалы: Мен,Ажарлым би билегенді ұнатамын)

Сіздермен танысқаныма өте қуаныштымын.

2)Тыныштық сәті:- Қане, балалар, ыңғайланып, еркін отырыңдар. Көздеріңді жұмсаңдар да болады. Бізге күн жарқырап, сәулесін мол төгіп тұр. Ауа тап - таза. Көгілдір аспан. Құстар сайрап даланың сәнін келтіріп тұр. Осылардың бәрі өз жақсылығын барлық адамға, барлық тіршілік иелеріне бірдей көрсетіп тұр. Адамдар да сондай болса екен, шіркін.... Әрбір тірі жан иесі: кіп - кішкентай құмырсқалардан бастап құстар да, аңдар мен жануарлар да, адамдар да өзінің өмірі үшін құлшынып, ұрпағы үшін тіршілік етіп жүр. Бәрі де осы ашық аспан аясында, бейбіт елде өмірге келгеніне қуанышты, болашағына сеніммен қарайды. Осындай жақсы ниетпен бұрынғы қалпымызға келейік.Сұрақ:

1) Өзіңді қалай сезіндің?

2) Қандай жағымды әсерде болдың?

Мұғалім қорытынды жасайды: Әр күнде бір – бірімізге жақсылық тілейік. Көзіңізді ашып, күлімдеңіз!

Оқушының ойын жинақтау, серігу.

классикалық ән жазылған таспа.

Әннің сөзі мен әні жазылған таспа. Дәйексөз. Суреттер. Бояулар.

Дәйексөз.

Балалар, мен сіздерге қазір бүгінгі сабақтың дәйексөзін айтамын сіздерменімен бірге қайталап айтасыздар.

«Ақиқат – даналықтың бастауы»

Халық даналығы

Бүгінгі сабақтың дәйексөзі ретінде түсіндіріледі.

Оқушыларға 2 – 3 рет қайталатып, жатқа сұралады.

Сұрақ:

1) Ақиқат деген не?

2) Адами қасиетке нені жатқызуға болады?

Дана сөздер

Әңгімелесу (Мұғалімнің сыйы)

Түлкі мен ешкі

Ертегі

Бір түлкі жүгіріп келе жатып, абайсызда бір терең апанға түсіп кетіпті. Шыға алмай тұрғанда, бір ешкі су іздеп жүріп, әлгі апанға кез болып,түлкіні көреді. - Ей, түлкі батыр, не қылып тұрсың? – депті. - Ой, не қыласың, жаным жай тауып тұр. Қырда әрі сусап, әрі…