Ақиқатқа бастар адалдық жолы, 1-сынып сабақ жоспары

Өзiн-өзi тану сабағының жоспары

Мектеп :Ғ.Сланов атындағы орта мектеп Мерзімі:14.09.2018ж № 2

Тақырып: Ақиқатты жолға алып, адалдықпен өмір бастаймыз!

Құндылық: ақиқат

Қасиеттер:қарапайымдылық, адалдық, шыншылдық

Мұғалім: Қазмағанбетова А Сынып: 1 Оқушылар саны:18

Сабақ мақсаты:

Оқушыларға адалдықпен өмір сүрудің маңыздылығын ұғындыру арқылы ақиқат құндылығының мәнін ашу.

Сабақ міндеттері:

Білімділігі: оқушыларға адал өмір сүрудің мәнін түсіндіре отырып, қарапайымдылық қасиеті туралы түсінік беру.

Дамытушылығы: оқушыларды шынайы қарым-қатынас жасауға үйрету арқылы адалдық қасиетіне баулу.

Тәрбиелілігі: оқушыларды қарапайымдылыққа, адалдыққа, шыншылдыққа тәрбиелеу

Ресурстар (материалдар, дереккөздер):

1.bilim-all.kz

2.https://infourok.ru

Сабақ барысы:

1. Ұйымдастыру кезеңi.

а)оқушылармен амандасу

ә)оқушыларды түгендеу

б)5Т-ны еске түсіру.

1. Тәртіп.

2. Талап.

3. Тыныштық.

4. Тазалық.

5. Татулық.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үй тапсырмасын тексеру.

Ертегі «Түлкі мен ешкі»

-Түлкінің айтқаны шындыққа жата ма?

-Әрдайым шындықты айтқан жөн бе? Неліктен?

-Өз өмірлеріңнен шындыққа жол тапқан мысалдар келтіріңдер.

Сабақ барысын талқылау:

3. Дәйексөз.

«Ақиқат-адалдықтың бастауы»

-Хормен оқыту.Ұл балаларға бөлек, қыз балаларға бөлек оқыту.

-Жұмыс дәптерге жаздыру.

-Осы дәйексөз сендерге қандай ой салды?

-Оқушылардың жауаптары негізінде дәйексөздің мағынасын толық ашып, қорытындылау.

4.Мұғалім сыйы «Адалдық» М.Дүйсенов

Танаш пен Игілік Нарима апайдың үйіне жиі келіп тұрады. Көршісінің балалары. Игілік бүгін сөйлей кірді.

-Нарима апай, бірдеңе айтсам, сіз Танашқа айтып қоймайсыз ба?

-Ол не?

-Жоқ, сіз айтыңызшы, Танашқа түк те, тіпті мынадай да айтпайсыз ба?-деп, Игілік шынашағының тырнағын көрсетті.

Нарима апай:

-Жарайды, айтпай-ақ қояйын,-деп уәде етті.

-Мен кешегі кәмпиттердің бәрін де өзім жеп қойдым. Танашқа бергенім жоқ.

Кеше Нарима апай дүкеннен кәмпит әкеле жатып:

-Мынаны өзің же, ал мынаны Танашқа апарып бер,-деп Игілікке екі кәмпит беріп еді. Игілік «жарайды» деп, томпаңдай басып кеткен. Нарима апай ойланып:

-Бүгін кешегіден де тәтті кәмпит әкеліп саған апарып бер деп Танашқа беріп жіберіп едім,-деді. Игіліктің көзі шаттанып кетті.

-Апай рас айтасыз ба?

-Рас