Ақпараттық-коммуникациялық технологиялар туралы мақала

Ақпараттық –коммуникациялық

технологиялардың білім беру саласын

дамытудағы рөлі

Баяндама

Білім беру саласында ақпараттық-коммуникациялық технологияның келешек ұрпақтың жан-жақты білім алуына, іскер әрі талантты, шығармашылығы мол, еркін дамуына жол ашатын педагогикалық-психологиялық жағдай жасау үшін де тигізер пайдасы аса мол.

Қазақстан Республикасы Парламентінің бірлескен отырысыныда Елбасы Нұрсұлтан Назарбаев «Әлеуметтік экономикалық жаңғырту – Қазақстан дамуының басты бағыты» атты Қазақстан халқына жыл сайынғы дәстүрлі Жолдауын жариялады. Осы Жолдаудың жетінші бағытының бірінші тармақшасында: «Оқыту үдерісіне қазіргі заманғы әдістемелер мен технологияларды енгізу қажет», - деп айтылған. Мінеки, бүгінгі күні білім беру жүйесі жаңа педагогикалық технологияға негізделуін және ақпараттық құралдардың кеңінен қолданылуын қажет етеді. ХХІ ғасыр – ақпараттандыру ғасыры. Демек, оқу-тәрбие үрдісінде жаңа ақпарттық технологияларды пайдалану заман талабынан туындап отыр. Қазіргі кезеңде елімізде жаңа инновациялық инфраструктураны құру, сонымен қатар, инфраструктураларды дамыту мен пайдалануға мүмкіншіліктер және де ақпараттық-коммуникациялық технологияларды, ғылыми технологияларды дамытуға, оларды ғылыми-техникалық қызыметке және өндіріс үдерісіне ендіру жалғастырылуда. Осындай жаңашылдықтар әлемдік бәсекелестікті күшейте түсуде.

Ақпараттық-коммуникациялық технологиялар (АКТ) жеке тұлға теориясына сүйенеді, сондықтан кез-келген оқыту әрбір жеке тұлғаға бағытталған. Қоғамдағы әр тұлға қоршаған ортаға деген жеке көзқарасымен және өзіндік моральдық талаптарымен, белсенділіктің әр түрлі сатысымен және сонымен қатар, басқа да көптеген маңызды қасиеттермен сипатталады.

Ақпараттық – коммуникациялық технология жағдайындағы жалпы оқыту үдерісінің функциялары ретінде оқыту, тәрбиелеу, дамыту, сезімді ояту, бақылау-түзету анықталады. Ол оқушының ой-өрісін, жігерін күш-қайратын қажет етеді және олардың дамуына жағдай жасайды. Өйткені, электрнды оқулықтар өзінің негізгі ерекшіліктері бойынша оқушылардың өзбетінше жұмыс жасауына ықпал етеді. Бұл жағдайда мұғалім-тьютор, яғни кеңесші функциясын атқарады.

Ақпараттық – коммуникациялық технология электрондық есептеуіш техникасымен жұмыс істеуге, оқу барысында компьютерді пайдалануға, модельдеуге, электрондық оқулықтарды, интерактивті құралдарды қолдануға, интернетте жұмыс істеуге, компьютерлік оқыту бағдарламаларына негізделеді. Ақпараттық әдістемелік материалдар коммуникациялық байланыс құралдарын пайдалану арқылы білім беруді жетілдіруді көздейді.

Қазіргі заманда білім беру сферасы жаңа сапалы деңгейге еніп, оқу үдерісінде компьютерлік технологияны, желілік технологияларды, мультимедиялық технологияларды жаппай қолдану міндетін атқаруда. Компьютердің мүмкіндіктерін психологиялық және дидактикалық тұрғыда талдап, керек кезінде педагогикалық талаптарға сай қолдану, ішкі тиімділігіне көңіл бөлу мұғалімнің шеберлігі болып табылады.