Ақпараттық технология мен мұрағат тоғысқанда мақала

IT мен Архив тоғысқанда...

әл-Фараби атындағы Қазақ Ұлттық

университетінің 2 курс

Магистранты Бақтыбек Н.М.

Бүгінде әл-Фараби атындағы Қазақ ұлттық университеті – Қазақстандағы ең ірі және беделді жоғары оқу орындарының бірі. 1934 жылы негізі қаланған бұл оқу ордасы бүгінде халықаралық деңгейде мойындалған, әлемдік білім беру мен ғылым кеңістігінде өз орнын тапқан мекеме. Университет түрлі рейтингтерде алдыңғы қатардан көрініп, әлемнің үздік 200 университетінің қатарына енген. Ғылым мен инновацияны ұштастырған бұл университет еліміздің интеллектуалдық капиталының дамуына өлшеусіз үлес қосуда.

Әл-Фараби атындағы ҚазҰУ-дың басты мақсаты – бәсекеге қабілетті, жоғары білімді, заманауи технологияларды меңгерген, ел болашағы үшін аянбай еңбек ететін мамандарды дайындау. Осы орайда, университет қабырғасында Тарих факультеті, Дүние жүзі тарихы, тарихнама және деректану кафедрасында оқытылып жатқан «IT-архивтану және құжаттану» мамандығы бүгінгі күні ерекше өзектілікке ие. Ендеше, мамандықтың маңыздылығын шолып өтелік.

Цифрлық дәуірде ақпараттың рөлі орасан зор. Мемлекеттік басқарудан бастап жеке кәсіпкерлікке дейінгі барлық салаларда құжат айналымын жүйелеу, мәліметтерді сақтау және өңдеу – аса маңызды міндетке айналды. Осы тұста IT-архивтану және құжаттану саласы еліміз үшін ерекше стратегиялық маңызға ие болып отыр. Бұл мамандық иелері:

Электронды құжат айналымын ұйымдастырады;

Ақпараттық жүйелерді пайдаланып архивтерді сандық форматқа көшіреді;

Ұйымдардағы құжаттарды жүйелеу, сараптау және қауіпсіз сақтау жұмыстарын жүргізеді;

Ақпараттық қауіпсіздік пен деректердің сақталуын қамтамасыз етеді.

Мемлекеттік басқару саласында, ірі компаниялар мен ұлттық корпорацияларда құжатпен жұмыс істеу мәдениетін жаңа деңгейге көтеретін білікті мамандар – ел дамуының кепілі. Мемлекеттік архивтер мен ведомстволық мекемелерде ақпаратты цифрландыру жұмыстары қызу жүріп жатыр. Осы салаға қажетті заманауи ІТ-білімі бар құжаттанушы-архивистерге деген сұраныс жылдан-жылға артуда.

Әл-Фараби атындағы ҚазҰУ осы сұранысты ескеріп, білім беру бағдарламаларын үздіксіз жетілдіріп, студенттерге теория мен тәжірибені ұштастыруға мүмкіндік береді. Университет базасында заманауи зертханалар, архивтік платформалар мен ІТ-сыныптар ашу жоспарлануда.

IT-архивтану және құжаттану мамандығы – тек бүгінгі емес, болашақтың да кәсібі. Ақпараттық қоғамда құнды деректерді дұрыс сақтау мен басқару – мемлекеттің қауіпсіздігі мен тиімділігінің кепілі. Әл-Фараби атындағы ҚазҰУ осы бағытта елімізге қажетті жоғары…