Аққала мүсіндеу мектепке дейінгі балаларға

І сәбилер «Айгөлек» тобы Ұйымдастырылған оқу іс-әрекеті конспекті

Күні:

Білім беру саласы: Шығармашылық. Таным.

Бөлімдері: Мүсіндеу.

Тақырыбы: «Аққала».

Мақсаты: ақ түсті ермексаздың кесегін екі алақанмен домалақтау дағдысын дамыту, екі бөліктен тұратын аққала сомдауды, аққаланың бейнесі айқындалу үшін қосымша заттарды пайдалануды үйрету; ойын арқылы мүсіндеу дағдыларын ұштау; тілін дамыту; саусақтың ұсақ бұлшықеттері қимылын жетілдіру; ұқыптылыққа тәрбиелеу.

Қажетті құралдар: демонстрациялық көрнекіліктер, ақ түсті ермексаз, кесуге арналған құрал, тұғырық, үлестірмелі материал.

Алдын ала орындалатын жұмыс: домалақ мүсіндер суреттелген кітапшаларды қарау.

Сөздік жұмыс: аққала

Тілдің үштұғырлығы: аққала – снеговик-snowman сәбіз – морковь-carrot

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Тәрбиеші М.Макатаевтың «Аққалам» өлеңінен үзінді оқиды.

Ақ балам менің, ақ балам

Аққала жаса, ақ балам.

Тәрбиеші балаларға шар тәрізді екі бөліктен тұратын ойыншық аққаланы ұсынады.

Сөздік жұмыс: аққала

-Аққаламыз қандай түсті?

-Ол неге ақ?

-Біздің аққаланың басы қандай?

-Ал мынау не?

-Сұлбасы қандай?

-Үлкендігі қандай?

-Ермексаздан аққаланың домалақ денесін қалай жасайтынымызды кім көрсетеді?

Билингвальді компонент:

Аққала – снеговик,

Сәбіз - морковь

Тәрбиеші балаларға домалақ мүсін сомдау амалдарын пысықтату үшін пластмассадан жасалған шарларды таратып береді.

Сергіту сәті

Аппақ қарды уыстап

Алақанға саламың.

Оңға бір рет,

Солға бір рет

Мойын бұрып алайың.

Домалақтап аппақ қармен

Біз аққала жасайық!

Тәрбиеші балаларға ақ ермексаздан жасалған «Аққаланы» көрнекілік ретінде көрсетіп, жасау жолдарын түсіндіреді.

Балалармен жұмыс.

-Қолымызға ақ ермексаздың бір кішкене кесегін аламыз – бұл біздің сомдайтын аққаланың басы болады.

Енді осы кесекті екі алақанымызбен домалақтап, шар жасаймыз. Балалар, аққаланың басы дайын.(көрсетеді)

-Ал енді денесін дәл осылай сәл үлкендеу етіп жасап, басы мен денесін бір-біріне жабыстырамыз. Ал енді біздің аққалаға не жетіспейді?

-Қолдарын сомдау үшін ақ түсті ермексаздың кішкене бөлшектері керек. Осы бөлшектерді де алақанымызбен домалақтап, екі жағына жабыстырып орналастырамыз. Ал мына түймелерден – көз, сәбізден мұрын жасаймыз.

Жеке жұмыс жүргізіледі.

Сабақтың соңында тәрбиеші балаларды мадақтайды.

Балалар мүсіндеген «аққалаларын» тәрбиеші көрмеге қояды.

Балалардың іс-әрекеті