Аққала тақырыбындағы балабақшадағы ашық сабақ

Білім беру саласы: Шығармашылық

Ұйымдастырылған оқу қызметі: Аппликация

Тақырыбы: «Аққала»

Мақсаты: Балалардың қыс мезгілі және оның ерекшеліктері туралы түсініктерін бекіту. Сурет бойынша әңгіме құрастыруға баулу, аққала туралы мағлұмат бере отырып, аққала суретін жапсыруды үйрету.

Көрнекілік құралдары: қыс суреті, желім, қатты қағаз, мақта .

Шаттық шеңбер:

Жарқын, жарқын үніміз Болашақтың күніміз, Жайнап тұрған гүліміз. Сәлеметсіз бе, қонақтар! Хош келдіңіз бәріңіз! Жарайсыңдар, балалар! Орындарыңа отыра қойыңдар.

Тәрбиеші: Балалар мен сіздерге жұмбақ жасырғым кеп тұр, ал тыңдаңыздар. Шелек қақпақ басында Сәбіз екен танауы Қыста қардан туатын Тауып көрші сен оны. (Аққала)

Тәрбиеші: Дұрыс, жарайсыңдар, балалар! Балалар, мына суреттерге қараңдаршы, бұл суретте не бейнеленген?

Балалар: Аққала бейнеленген.

Тәрбиеші: Аққала қандай геометриялық пішіндерден құралған екен?

Балалар: Дөңгелектерден!

Тәрбиеші: Дұрыс! Аққаланың түсі қандай екен?

Балалар: Ақ!

Тәрбиеші: Дұрыс! Ал, аққаланы неден жасаймыз? Жылдың қай мезгілінде жасаймыз?

Балалар: Қыста қардан жасап ойнаймыз! Осы кезде топқа аққала кіреді әндетіп. Аққала: Аққала, ақ бала Келіп қалдым бақшаға Екі козім қап-қара Көргің келсе сен қара. Сәлеметсіңдер ме, балалар.

Балалар: Сәлеметсіз бе. Тәрбиеші: Балалалар бізге не келді? Балалар: Аққала.

Аққала: Балалар мені сендердің топтарыңа жел алып келді. Балалар мен сіздерге құр қол келген жоқпын, тапсырмалар алып келдім, тапсырмалар орындауға дайынбыз ба?

Тәрбиеші: Әрине, балалар дайын, ендеше 1-ші тапсырмаң қандай екен?

Аққала : 1-ші тапсырма: Қазір қандай мезгіл, қыс мезгілінде ойналынатын ойындарды білесіңдер ме?

Қыс мезгілінде ойналынатын ойындар аталады, сурет арқылы көрсетеді.

Балалар: Қар лақтыру, шана тебу, конькимен сырғанау, аққала соғу.

Аққала: Жарайсыңдар, жарайсыңдар!

Ал, енді 2-ші тапсырмам қыс туралы қандай тақпақтар, мақал-мәтелдер білесіңдер?

Тәрбиеші: Ал, балалар өнерімізді көрсетіп отырайық.

Балалар тақпақтар, мақал-мәтелдер айтып береді.

Аққала: Мен балаларға риза болып қалдым, қыс туралы біраз біледі екен, рақмет сіздерге. Әлі 3-ші тапсырмам бар. Мен жалғыз өзім, ойнайтын досым жоқ, сол себепті маған аққала бейнесін жасап беріңіздер, өтінемін көмектесіңдерші маған.

Тәрбиеші : Балалар бұл өте қызық болайын деп тұр, көмектесеміз бе?