Аққала туралы мектепке дейінгі ашық оқу қызметі

Тақырыбы:Аққала

(Сөйлеуді дамыту және сурет кіріктірілген оқу қызметі)

Мақсаты:Қыс мезгілінің ерекшелігін,табиғаттағы маусымдық өзгерістер туралы білім беру.Балалардың сөйлеу қабілетін дамыту,аққала суретін салуға үйрету және аққаланы мақтадан жасап үйрету.Ұқыпты жұмыс жасауға тәрбиелеу.

Көрнекілігі:Қыс мезгілінің және аққаланың суреттері.

Билингвальды компонент:Қыс-зима,аққала-снеговик.

Шаттық шеңбері:

Арайлап таң атты,

Алтын сәуле таратты

Қайырлы таң достарым!

Қайырлы таң апайым!

Сұрақтар қою:

-Қазір жылдың қай мезгілі?

-Қыс мезгілі неше айдан тұрады?

-Қыста не жауады?

-Қыста жерде не жатады?

-Қыста қардан не жасауға болады?

-Аққала жасап көрдің бе?

Жұмбақ:Мені ешкім өсірген жоқ

Қыста ғана боламын

Көздерім қара көмірден

Мұрным менің сәбізден

Суықпын,аппақпын

Мен кім екенмін? (аққала)

Аққала қардан домаланып жасалады.Ол 3 бөліктен тұрады.Негізгі үш бөлігін бірінің үстіне бірін қояды.Көзін тастан,мұрнын сәбізден,аузын ағаштан,қалпағын шелек кигізу арқылы жасайды.

Тәрбиеші:Балалар,біз бүгін аққаланың суретін салайық.Аққаланы мақтадан жапсыру арқылы жасап көрейік.

Дидактикалық ойын:Аққала құрастыр.

Мақсаты:Қиылған суреттерден аққала бейнесін жасап шығару,балалардың ойлау қабілетін дамыту.

Сергіту сәті:Аула сырты,баққа да

Тұрғызамыз аққала

Аққаланы айналып,

Би билейміз шаттана(Қимылмен көрсетеді).

Оқу қызметін сұрақ-жауап арқылы қорытындылау.

Күтілетін нәтиже:

Біледі:Қыс мезгілі туралы,аққала туралы білді.

Игереді:Аққаланың қардан жасалатындығын.

Меңгереді:Аққаланың суретін салуды.