Аққала тақырыбындағы балабақшаға арналған ашық оқу қызметі

Білім беру саласы: Коммуникация Ұйымдастырылған оқу қызметі: Көркем әдебиет

Тақырыбы: Аққала

Мақсаты: Балаларға қыс мезгілі туралы түсінік беру. Балалардың сөздік қорын дамыту.

Көрнекіліктер:Қыс мезгілі және аққаланың суреті

Шаттық шеңбер

Біздің топта балалар,

Тату-тәтті ойнайды.

Дос көңілі әрқашан,

Тек жақсылық ойлайды.

Суретпен жұмыс

-Балалар,суреттен нені көріп тұрмыз?

-Қыс мезгілінің суретін.

-Қыста ауа-райы қандай болады?

-Салқын.

-Қыста жерде не жатады?

-Қар

-Қардан не жасауға болады?

-Аққала

-Аққала соғып көрдіңдер ме?

Балалардың жауаптары

Сергіту сәті:

Ауыл сырты баққа да,

Тұрғызамыз аққала.

Аққаланы айналып,

Би билейміз шаттана.

Балалар,қыс мезгілі өте тамаша кезең. Қар жауады,ауа тазарады. Балалар аққала жасап қармен ойнайды. Олай болса,мен сендерге аққала туралы өлең оқып беремін.

Аққала

Ауыл алды ақша қар,

Ақша қарда балалар

Соғып жатыр аққала.

Бірі-инженер,бірі-ұста,

Жалқауы жоқ жұмысқа.

Бірі әкеліп қар үйіп,

Бірі қарға су құйып,

Күліседі күлімдеп:

«Бітірейік»,-деп қана.

Біреуі әйнек ойыпты,

Біреуі есік қойыпты,

Өздеріне шақ қана.

Тыныс алу жаттығулары

Қар ұшқындарын ұшырамыз

Дидактикалық ойын: «Аққала құрастыр»

Ойын шарты: Балалар екі топқа бөлінеді. Әр түрлі қиып дайындалған геометриялық қиындылардан аққала құрастыру керек.

Қорытынды

Ұйымдастырылған оқу қызметін қорытындылау. Сұрақ қою,жауап алу. Балаларды жұлдызша беру арқылы мадақтау.

Күтілетін нәтиже:

Біледі: Қыз мезгілінің қандай болатынын;

Игереді: Аққала неден жасалатынын;

Меңгереді: Суреттер арқылы сұраққа жауап беруді;