Ақша қар тақырыбындағы балабақшаға арналған жазба

Білім беру саласы: «Шығармашылық»

Бөлімі: Сурет салу

Тақырыбы: «Ақша қар»

Мақсаты: Қардың жауып тұрған бейнесін беру; Бұлттардың суретін салу үшін суық түстерді таңдап, ақшыл түстермен араластыра білуді меңгерту. Қардың ерекшеліктері жайында түсініктерін қалыптастыру. Суретке көркемдік элементтерді кіргізе білуді үйрету, әдемілікке тәрбиелеу. Сурет салуда дәстүрден тыс сурет салу (тіс щеткасымен сурет салу)әдістерін меңгерту.

Қоланылған көрнекі құралдар: Қардың жауып тұрған суреті, қыс мезгілі туралы және қауіпсіздік шараларына байланысты суреттер.

Алдын-ала жұмыс: Қыс мезгілі туралы өлең шумақтары

Қостілділік: қыс-зима, қар-снег

Өту барысы:

-Балалар қазір жылдың қай мезгілі?

-Қыс мезгілінің айларын атайықшы?

-Қыс мезгілінде қандай өзгерістер болады?

Балалардың жауаптары:

-Қыс мезгілі.

-Желтоқсан, Қаңтар, Ақпан.

-Балалар мен сендерге жұмбақ жасырайын, шешуін таба алама екенсіңдер?

Аппақ,аппақ көбелек,

Жерге қонар көлбеңдеп.

Ақ жұлдызша себелеп,

Ұстатпайды, не керек?

Балалардың жауабы: -Қар

Дұрыс, қар екен.

-Қар қандай балалар?

Балалардың жауабы: (ол жып- жылтыр, жұмсақ, жұлдызшаға ұқсайды, түсі ақ, ақша қар, аппақ).

-Балалар біздер далаға серуенге шыққанда немен ойнаймыз?

Балалардың жауаптары: (шана,шаңғы, коньки, )

-Балалар біз қармен Аққала жасап ойнаймыз иә.

Серуен кезінде шана тепкенде абай болу керек, қатты құласаңдар мұз беттерінді, қолдарынды жырып кетеді.

-Ал, мұзды жеуге бола ма?

Балалардың жауабы: -Жоқ болмайды, ауырып қаламыз.

-Балалар біз серігіп алайықшы.

Сергіту сәті:

Әппақ, әппақ, жапалақтап,

Қар жауып тұр далада.

Әппақ дала, барлық бала,

Қуанып жүр далада.

-Балалар, бүгін біздер барлығымыз суретшіге айналамыз. Біздер сіздермен сурет салу оқу қызметінде бұлттың, жауып тұрған қардың суретін салып қыс мезгіліне сыйлаймыз.

Ол үшін ақ түске умаждалған қағазды малып бұлттың суретін саламыз. Тіс щеткасымен жағу арқылы жауып тұрған қарды бейнелейміз.

Балалар жұмыстанады. Балалардың жұмыстарын бақылау.

-Балалар бүгін біздер қандай сурет салдық?

Балалардың жауабы:қардың, бұлттың суретін салдық.

-Біздер осы суретімізді қыс мезгіліне сыйлаймыз.

Күтілетін нәтиже:

Біледі: қардың ерекшеліктері жайлы қарапайым түсініктерді.

Игереді: дәстүрден тыс сурет салуды.

Меңгереді: қардың суретін салуды.

Келісілді: _____________ Бекітілді: _____________

№28 «Қарлығаш» МКҚК №28 «Қарлығаш» МКҚК

әдіскері Арышева А.Т. директоры Мусина С.К.