Ақылдың көркі – шешендік тіл, 7 сынып

ІЛИЯС ЖАНСҮГІРОВ АТЫНДАҒЫ ЖЕТІСУ МЕМЛЕКЕТТІК

УНИВЕРСИТЕТІ

«Ақылдың көркі – шешендік тіл»

( авторлық бағдарлама)

«Қаракемер орта мектебі,

мектепке дейінгі шағын орталығымен»

коммуналдық мемлекеттік мекемесінің

қазақ тілі мен әдебиеті пәнінің мұғалімі Мерекенова

Орынгүл Оразалықызының «Ақылдың

көркі – шешендік тіл» қолданбалы курсының

бағдарламасына

Пікір

Курстың білім мазмұны ұрпақтан – ұрпаққа жеткен, от ауызды, орақ тілді шешендердің асыл мұрасын терең де, жан – жақты таныту арқылы елжанды, халқымыздың әдебиетін, өнерін, салт – дәстүрін, мәдениетін, тілін ұлттық құндылық ретінде бағалайтын, эстетикалық талғамы жоғары, білім, білік, дағдылармен қаруланған, түйген ойларын іс жүзінде өз кәдесіне жарата білетін, ұлттық сана – сезімі қалыптасқан, өркениетті қоғамда өмір сүруге лайықты, терең ойлайтын дара тұлғаны қалыптастыруға бағытталған.

Елбасымыздың «Мәңгілік ел» ұлттық идеясын қазақстандық патриотизм мен азаматтық жауапкершілік, ынтымақтастық, шығармашылық, ашықтық, өмір бойы білім алу тәрізді құндылықтарды дарытуға бағытталған.

Курс жүктемесінің көлемі 7 – сынып оқушыларының жас ерекшеліктеріне сай құрылған. Аптасына 1 сағат, оқу жылында – 34 сағатты құрайды. Бағдарлама мазмұнында берілген тақырыптар, әдеби мұраларды дәуірлеу кезеңдерін оқып білу арқылы қоғам мен адамзат тарихының кезеңдерімен бірге қарастырылған.

Шешендерің ой елегінен өткізіліп, ғасырдан – ғасырға жеткен сөз маржандары арқылы жас ұрпақтың бойында адами құндылықтарды дарытуға арналған. Мұғалім көп ізденген, тақырыптар тізбегі жүйелі құрылған, тарихи кезеңдер тұтастығы сақталған. Қазақ тілі мен әдебиеті пән мұғалімдеріне осы «Ақылдың көркі – шешендік тіл» қолданбалы курсының бағдарламасы әдістемелік құрал ретінде пайдалануға болады деген сенім білдіремін.

Пікір беруші: І.Жансүгіров атындағы ЖМУ қауымдастырылған филология

ғылымының докторы М.М.Имангазинов

«Қаракемер орта мектебі,

мектепке дейінгі шағын орталығымен»

коммуналдық мемлекеттік мекемесінің

қазақ тілі мен әдебиеті пәнінің мұғалімі Мерекенова

Орынгүл Оразалықызының «Ақылдың

көркі – шешендік тіл» қолданбалы курсының

бағдарламасына

П І К І Р

Президент Н.Ә.Назарбаев «Әлеуметтік-экономикалық жаңғыру-Қазақстан дамуының басты бағытты» атты Қазақстан халқына Жолдауында оқыту үдерісіне заманауи әдістеме мен технологияны енгізу, педагогикалық құрамның сапасын арттыру, біліктілікті растайтын тәуелсіз жүйені құру, жастар үшін білімге қолжетімділік аясын кеңейту қажет. Жолдауда: «...білім тек білім беріп қана қоймай, сондай-ақ алған білімін әлеуметтік бейімделу үдерісінде пайдалануға икемделуі керек деп жазған. Елбасымыз меңзеп отырған әлеуметтік бейімделу оқушылардың қарым-қатынас мәдениеттілігін қалыптастырудың өзегінде жатыр. Сонымен бірге жоғарыда аталған құжаттардан көріп отырғандаймыз, бүгінгі күнде мектеп оқушылардың тіл мәдениетінін қалыптастыру мәселесі күн тәртібінде кезек күттірмейтін проблемалардың бірі екенінің дәлелі.

Қазіргі білім беру саласының басты міндеті, білім беру мазмұнын жаңарту мен оқытудың белсенді, инновациялық әдіс-тәсілдерді сабақтарда тиімді пайдалана білу және жоғары нәтижеге қол жеткізу.

Бұл авторлық бағдарламада қазақ тілі мен әдебиеті пәнінің мұғалімі Мерекенова Орынгүл Оразалықызының озат іс-тәжірибесінде қолданып, өзіндік оң нәтиже берген бағдарламасы. Осы бағдарламаны оқу үдерісінде қолдану нәтижесінде оқушының шығармашылық, ойлау қабілеті дами түседі. Оқушының шығармашылық пен ойлау қабілетін дамыту үшін үнемі іздену, жаңалық ашу, басқаша ойлай білу әрекеттеріне тікелей байланысты болғандықтан мұғалім тапсырма мен өзіндік жұмыс түрлерін қызықты, әрі деңгейлік түрде қарапайымнан күрделіге қадам басып құрастырған.

Таңдау пән бойынша материалдар базалық оқу бағдарламаларында кездескенімен де, оқушы шығармашылығы кеңінен қамтылып, практикалық тұрғыдан сабақ түрінде жүргізіледі. Оның негізгі ерекшелігі аталған қолданбалы курс бағдарламасы бойынша сабақ жүргізген мұғалімге негізгі оқу материалын іздестіру қиынға соқпайды. Сол себептен, алып отырған материал оқушының жеке тұлға ретінде қалыптасуына ықпал ететін стратегияларды сабақта қолдана білу қажеттілігі артып келе жатқан уақытта біз оқып танысқан бағдарламаның жас ұстазтар үшін маңызы зор. Сондықтан да осы бағдарламаны көмекші ретінде қолдану оң нәтиже берері сөзсіз.

Мектеп директоры

А.Н.Жазылбекова

«Өмірдің екі тірегі бар: үйренуден жалықпау мен үйретуден аянбау» Дінмұхамед Қонаев

Алғы сөз Қай кезеңде болсын азамат баласының алдында тұрған мақсаттарының бірі-сапалы білім мен саналы ұрпақ өсіру

екені бәрімізге аян. Сол себепті де бала тәрбиесінде ұстаздар қауымының атқарар міндеті де ауқымды. Әр оқушы ғылыми негіздерде ғана мектептерде дәріс алып қоймай, сонымен қатар адами қасиеттерді де бойына молынан сіңіріп өсуі аса пайдалы. Сапалы білім мен адамгершілік қасиеттерді көкірегіне ұялатып отырсақ, ертеңгі күні егеменді елімен жұмақ жерін адал сүйетін және бәсекелестікке қабілеті жоғары айтулы азамат болып қалыптасуы сөзсіз.

О.О.Мерекенова

Түсінік хат Қазақ әдебиеті пәні гуманитарлық білім берудің бастапқы өзегі болып табылады. Бұл авторлық бағдарламада сөйлеу әрекетінің түрлері: тыңдалым, айтылым, оқулым, жазылымды дамыту арқылы тіл туралы бастапқы білімді меңгерту және тілдік нормаларды сақтай отырып, шешендікке баулу, күнделікті өмірде қолдану.

Тіл қашанда ұлт мәдениетінің, өнер-білімнің ұлы қаруы, алтын тұғыры. Осы тұрғыдан алғанда сабақ оқушының талабын ұштап, шығармашылық, тұлғалық шарықтауына мүмкіндік береді, тіл байлығын, сауаттылық деңгейін биіктетеді. Қазақ әдебиеті пәнінен жүргізілетін практикалық жұмыстарға қойылатын талап ерекше. Практикалық сабақта әр оқушының белгілі тақырыптардан өзінше жұмыс жасауына мән беріледі. Бұл оқушының қабілетін дамытады, белгілі тақырыптардан терең теориялық білім алып, оны іс жүзінде қолдануға дағдыланады. Негізгі мақсаты — оқушылардың материалды жүйелі түрде меңгеруіне жағдай жасау, қазақ әдебиетіндегі шешендік өнердің теориялық негіздерін меңгерту.

Курстың мақсаты: