Ақын көп, Фариза жалғыз атты әдеби сценарий

Ақын көп, Фариза жалғыз

Мақсаты: біздер үшін күні кеше ғана дүниеден кеткен поэзия падишасы Фариза Оңғарсынованың шығармашылық өміріне талдау жасай отырып, балалардың сөз өнеріне деген сүйіспеншілігін арттырып, ақынның шығармаларын насихаттау.

Сахнаның ашылуы: Фариза Оңғарсынованың өмірі мен шығармашылығынан үзінді бейнеролик 5 минут.

І жүргізуші: ПрологОртада әйелі мен күйеуі отырады.Отағасы қолында домбыра, отанасы қолында кесте.Әйелі: Отағасы, бүгін бір ғажап түс көрдім. Түсімде саялы бақтың ішінде қыдырып жүр екенбіз. Айналамызда албырап пісіп тұрған алма ағаштары. Мен сол алмаларға қызығып біреуін ағаштан үзіп алғым келді. Бір уақытта көзіме бір алма ағашы түсті. Ол ағашта алманың орнына том – том болып кітаптар ілініп тұр екен. Сол кітаптардың арасында қып – қызыл алма көздің жауын алатындай болып тұр екен. Мен қуанып кетіп, сол алманы алып, рахаттанып жеп жатқан жерімде оянып кеттім. Отағасы (күліп): Ай, тәйірі – ай. Алла бұйыртса, екеуміз армандап жүрген қып – қызыл алмадай қызымыз дүниеге келеді екен. Қызымыз жай қыз емес, том – том кітаптарды жазып қалдыратын ақын ба, жазушы ма болатын сияқты.Әйелі: Айтқаныңыз келсін, отағасы, айтқаныңыз келсін!Кадрдан тыс дауыс: Қазақ даласын өзінің құнарлы жырымен сусындатқан қазақтың ерке, ақын қызы Фариза туған елін өз жырларына қосып, әр қазақтың жүрегіне салмақты ой сала білген, қайталанбас дарын иесі. Оның өлеңдері арқылы күш алып болашаққа нық сеніммен аттанған бүгінгі ұрпағымыз Фариза Оңғарсынованың шығармашылығы алдында тағзым етеді.Жүргізушілер ортаға шығады

ІІ жүргізуші: Аманбысыз бүгінгі кешке жиналған жұртым.

І жүргізуші: «Болашаққа бағдар: Рухани жаңғыру» мақаласы аясында, ұлттық бірегейлікті сақтау бағыты бойынша «Жас әдебиетшілер» үйірмесінің жанынан ұйымдастырылған, ақын Фариза Оңғарсынованың шығармашылығына арналған «Ақын көп – Фариза жалғыз » атты әдеби - сазды кешке қош келдіңіздер!ІІ жүргізуші: Кешімізді Фариза ақынды бір минуттық еске алумен бастасақ. Орындарыңыздан тұруларыңызды сұраймын. (бір минут үнсіздік)

І жүргізуші: Поэзия – қасиетті ұғым. Ол — адамның ішкі сезімінің тіл жетпес тылсымында жатқан әсем әлемі. Жеке адамның ешкімге айтпас құпия қастерлі ішкі сыры.

ІІ жүргізуші: Поэзия тек қана ішкі дүние ғана емес, адам жанының алаулаған алтын жалыны. Поэзия – тарихтан да, тіпті философиядан да жоғары екенін бағзы заманнан - ақ ұлы Аристотель айтып бергені мәлім.

І жүргізуші: Поэзия – әлемнің жыршысы, ақылдың айнасы, халық мұңы, өнердің шыңы.ІІ жүргізуші: Ғабит Мүсірепов айтқандай: «Біреудің бағы – тілінде, Біреудің бағы – уысында»- демекші осы аталған бақтар бұйырған поэзия ауылындағы қарагөз нәзік жандылар қаншама десеңші!

І жүргізуші: Қазақ қыздарының поэзиясы туралы тілге тиек еткенімізде алғашқы болып, поэзия шолпаны Фаризаны атаймыз. Фариза туралы пікірлер толассыз.

Кезекте ақын апамыз жайлы айтқан пікірлерге кезек берейікү

Ұлдана, Ақерке

ІІ жүргізуші: Соның бірі жазушы президент: «Фариза апамыз поэзияға қанат қағып алғаш қосылған кезден бастап, бүгінгі қазақ поэзиясының падишасына айналып, бүкіл өмірін шығармашылыққа арнады» (Нұрсұлтан Назарбаев)

І жүргізуші: Шерхан Мұртаза: Қазақта ақын көп, Фариза жалғыз. Жаңа туған айдың жанында жалғыз жұлдыз ерекше жарқырап тұрады. Періште жұлдыз сияқты. Ақындығы да, жаратылысы да ерекше, ешкімге ұқсамайды. Ақын жалғыз. Перзенттері сансыз. Олар миллиондардың жүрегін жылытады, жандарын жадыратады. Перзенттері сонысымен құдіретті.ІІ жүргізуші: Фариза сонау Нарын құмының арасында, асып - тасқан байлығы болмаса да өзіндік дәулеті бар отбасында дүниеге келген. Әкесі еліне сыйлы, ашық - жарқын адам болған.

І жүргізуші: Өлең - өмір, өлең - сезім десек, сырлы лирикаға тән ерекшелік өмір құбылысын жүрек толқынысы мен шынайы тербеліс арқылы жеткізу болып табылады. Ендігі кезекті Фариза ақынның оқырман жүрегінен орын алған жырларына кезек береміз. Кезекте әдеби монтаж.«Абыройы күнмен жарысқан» Ұлдана

«Ақжайық» Мереке

«Ағалар» Балғынбек

« Жүрсем деймін көңілі шат гүлді алаңдай» Әсел

« Құлыншағым , сөйледің! Шықты-ау тілің,» Зарина

«Нұрғалиға» Нұрлы

«Құпия ғой, құпия адам деген» Дильназ

«Ақын» Ақерке

«Өлген ойлар» Айман

«Анамен қоштасу» Шолпан

«Шырқайын сазды сырнай досым қайда» Жеңісбек

«Дүние бос қалды ғой сен кеткелі» Зарина

«Жетімхана» Асылзат

ІІ жүргізуші: Мен қорықпаймынсұсты тұлғаларыңнан, асқарларым,Жанартаулардан лапылдап шашқан жалын.Көңіл - сұңқар емес пе – келеді ылғиасқарлардан да әрі асып аспандағым.Өршіп қайта жаныма от алмасам,Мен әйтеуір құздардан жасқанбадым.І жүргізуші: Сезем – талай жанардан жас парларын.Тарлау жолда тайғанақ тастар барын.Шырқау деген шыңдардан құлау емес,Жасыма тек,жас құсым – жақсы арманым!ІІ жүргізуші: Жастар –жара түспеген жанына әлітүсінгендей жанымды табынады;менің асқақ әм мұңды жырларымдыіздеуі хақ солардың, сағынары...Мен кешпеген дүние жоқ екенінсезеді олар. Сезеді бәрі - бәрі,- дей келе кезекте «Күй». Орындайтын ЖеңісбекІ жүргізуші: Фариза өлеңге о бастан ешкімге ұқсамайтын күрделі де құдіретті болмыспен, тұлғаға тән тұтастықпен келді. Фариза әлемі — әлі өзіміз сырына тереңдей қоймаған, бірақ айтулылардың бірі болып қазақпен бірге мәңгі жасайтын әлем.ІІ жүргізуші: Шын өнер жайшылықта емес, жан дүниенің қайшылығында туады. Ал дарын – Алланың айрықша мейір – шапағаты түскен пендесіне қиял – ғажайып нұры.