Ақжар 2 мекенінің су кермектілігі туралы мақала

Мақала

Ақжар 2 жергілікті мекенінің су кермектілігі

Орындаған:Ауесбай.А & Жайшыбаева Д

Химия 05 301 топ

Тексерген:Тренова А.

Ақтөбе қаласы

2023 жыл

Ақжар 2 жергілікті мекенінің су кермектілігі

Су — сутегі мен оттегінің қалыпты жағдайларда тұрақтылығын сақтайтын қарапайым химиялық қосылыс. Ауыз су, тіршілік көзі, ол Жер шарының 3 / 4 бөлігін алады, тірі ағзалардың 60-70%-ы, ал өсімдіктердің 90 % -ы судан тұрады. Су — бүкіл тіршілік иелерінің негізгі құрамдас бөлігі [1].

Су — тіршілік көзі. Бүкіләлемдік денсаулық сақтау ұйымының мәліметтеріне сүйенсек, адамзат ауруының 90 пайызы сапасыз судың салдарынан туындайды екен. Жасуша ағзасына қорек заттарды (дәрумендер мен минерал тұздары) жеткізетін де, ағзаны лас заттардан тазартатын да — осы су[2].

Су кермектілігі – судың кальций, магний және темір (ІІ) катиондарының болуына байланысты туған қасиеттерінің жиынтығы. Еріген түрінде кальцийдің және магнийдің тұздары көп су кермекті су деп аталады. Кермек суда сабын аз көпіреді, ет және көкөніс нашар піседі, ондай суларды қайнатқанда қазандардың, самаурындардың ішіне су қағы тұрып алады. Су кермектілігі уақытша, тұрақты және жалпы болып үш типке бөлінеді. Уақытша кермектік су құрамында кальций және магний бикарбанаттары болуына тәуелді. Суды қайнатқанда ол тұздар суда ерімейтін тұздарға ауысып тығыз тұнба түзеді. Тұрақты кермектік, су құрамында кальций, магний, хлоридтер, сульфаттар, нитраттардың болуынан туады. Тұрақты кермекті су қайнағанда ешқандай химиялық өзгеріске ұшырамайды, тұздар су құрамында сол қалпында қалады. Жалпы кермектік – уақытша және тұрақты кермектік қосындысы.

Кермектік өлшемі – 1 л судағы кальций ионының немесе магний ионының миллиграмм эквивалент санына тең болады. Су кермектігі бірге тең 1 л суда 1 мг/экв 47 кальций ионы, яғни 20,04 мг немесе 12,16 мг катиондары болады. [3].

Ақжар 2 жергілікті мекені Ақтөбе облысы Ақтөбе қаласында орналасқан .

Мұнда тұрғын үй салуға жер телімдері 2008 жылы беріле бастаған.

Қазіргі таңда елді мекенде 21 мың халық тұрады.

Өзге қалалармен салыстырғанда біздің өңір ауызсу үшін негізінен жерасты суларын пайдаланады. Жерасты сулары 20-260 метр тереңдіктен алынады .

Елді мекеннің су тазарту станциясы бар. Ол жерде арнайы аккредиттелген, жабдықталған зертхана жұмыс істейді. Зертхана бес жыл сайын аккредитациядан өтіп тұрады. (Аккредитация- ұйымдардың, жеке тұлғалардың, тауарлардың, тұрғындарға көрсетілетін кызметтердің т.б. белгілі бір талаптарға сай келетіндігін, олардың осы тұрғыдан аса жауапты қызмет аткаруына мүмкіншілік тудыратын немесе қалыптасқан сапалық стандарттарға сәйкестігін куәландыратын, өкілетті органдар тарапынан жүргізілетін іс-шаралар.)Осы жерде арнайы технологиялар арқылы судың құрамы және сапасы зерттеледі. Темір, хром секілді металдардың судағы мөлшері анықталады, реттеледі. Сондай-ақ, заманауи технологияға сай тазалау, сүзгілеу секілді бірнеше процестерден өткеннен кейін барып тұтынуға жіберіледі.

Судың сапасы — судың халық шаруашылығында пайдаланылу мақсаттарын ескере отырып, оның физикалық, химиялық және бактериологиялық көрсеткіштеріне қойылатын талаптар жиынтығы. Судың…