Ар-ұждан – адамдық өлшемі сабақ жоспары 11 сынып

№ 9 сабақ

Тақырып: Ар-ұждан – адамдық өлшемі

Құндылық: Ақиқат

Қасиеттер:өз бойынан ақиқат іздеу; тек жақсы және қажет заттарды ғана айту; шындықты жалғаннан ажырата білу;

Сабақмақсаты: «Ар-ұждан» құндылығы туралы түсініктерін кеңейту, адам туы ар-ұждан туралы түсінігін дамыта отырып, ар-ұждан тазалығына баулу.

Міндеттері:

Адам өміріндегі ар ен ұжданның мәнін аша отырып, адам өмірін реттеуші, адами абзал қасиеттердің өлшемі екенін таныту.

Ар тазалығына жету үшін өз әрекетін талдап кемшілігін танып, жан сұлулығы арқылы адамдық биігіне өздігінен көтерілуге баулу.

Өмірлік әрекетіне, өз мінез-құлқына сараптама жасап, өзіндік бағдарын анықтай алу, мүмкіндігін дамыту.

Ресурстар:(құралдар, мәлiметтер)

Интарактивті тақта.

Сабақ барысы:

Ұйымдастыру кезеңi.

Оқушылармен амандасып, «Өзін-өзі тану» сабағының ережесін «5-Т» қайталап, сабаққа қатысқаны үшін әр балаға 20 ұпайдан беремін.

Т-тәртіп

Т-талап

Т-тыныштық

Т-тазалық

Т-татулық

Оқушыларды оқу құралдарын «5- затты» тексеріп, ұпайларын түгендейміз.

Тыныштық сәтi«Нұрға бөлену»

Ыңғайланып отырыңыз,денелеріңізді түзу ұстаңыздар. Аяқ –қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз, Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан . Гүлдің түйнегі нұрдан баяу ашылып келеді. Балғын және әсем гүл сіздің әр ойыңызды, әр сезіміңізді, эмоциаңызбен тілек - қалауыңызды шайып жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп сәуле шашуда. Қолымыз тек жақсы, ізгі істер істейді, және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін, жақсы жерлерге апарады. Олар нұр мен махаббат құралына айналды. Одан әрі сіздің ауызыңызға, тіліңізге, тарады. Тіліңіз тек шындықты және жақсы ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек сәулелі ой келеді.

Нұр бірте – бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз, нұрды уақытша түсініспей ренжісіп жүрген адамадарға да бағыттаың, олардың да жүрегі нұрға толсын. Осы нұр бүкіл әлемге: барлық адамдарға, жан –жануарларға, өсімдіктерге, барлық тірі жанға таралсын .Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын.... Нұр менің ішімде.... Мен нұрмын....