Ар-ұждан үні тақырыбына 8-сынып ашық сабақ жоспары

Өзін-өзі тану пәні сабақ жоспары

Мектеп:№90 Мерзiм:17.09 2018 №3 сабақ

Мұғалім Н.Рахманберген сынып 8 Оқушы саны-14

Тақырып:Ар-ұждан үні

Құндылық:дұрыс әрекет

Қасиеттер:адалдық,шынайылық

Сабақ мақсаты: оқушыларға ар-ұждан туралы әңгімелей отырып,дұрыс әрекет құндылығының мәнін ашу.

Міндеттері:

-Ар,ұждан ұғымдарының мәнін түсіндіру

-оқушылардың бойындағы адалдық қасиетін дамыту

-оқушыларды адалдыққа тәрбиелеу

Ресурстар:(құралдар, мәлiметтер)

Слайдтар.

Жағымды күйге келу.Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Сұрақтар:

Қандай күйде болдыңыздар?Пікірлеріңізбен бөліссеңіздер.

Сабақ барысын талдау:

әуен ойналады

Дәйексөз.

«Арлы адам-ардақты,ар-ардақтың анасы.» Б.Момышұлы

Ұлдар қайталайды.Қыздар қайталайды.

Сұрақтар:

Мағынасын қалай түсінесіңдер?

Өзін-өзі тану пәні 8 сынып

Оқып үйренейік

«Менің әкем,халық ұлы-Шәкәрім» (үзінді) Ахат Шәкәрімұлы

«Ойланайық,пікірлесейік.

Абайдың көксеген қандай арманы бар еді?