Арайлы алтын күз ертеңгілігі мектепалды даярлыққа

Алтын күз

Мақсаты: Балаларды күз әлемімен таныстыру. Күз туралы балалардың дүние танымын арттыру,күз мезгілінің қоршаған ортаға әсерін таныту.Күз мезгілінде болатын ерекшеліктерді сахналандыру. Тапқырлық,жылдамдық,ұшқыр ойлау қабілеттерін дамыту.Табиғатты сүюге,қорғауға тәрбиелеу.

Көрнекілігі: мерекеге сай безендірілген сахна.

Хор: « Қазақстаным менің»

Жүргізуші:

- Қуандырып біздерді

Мерекелі күз келді.

Кел,жемісті алтын күз

Кемелденсін халқымыз!

-Қайырлы күн! Армысыздар құрметті ұстаздар, ата-аналар мен балалар! Мерекелеріңіз құтты болсын! Күз барлығымызға молшылық, ырыс,қуаныш әкелетін мезгіл. Күзіміз әрдайым берекелі,ырысты болсын!

Жүргізуші: -Балалар,ненің даусы? Бірден –бірге күшейіп келеді?

Балалар: - Жел.

Жүргізуші:- Жел қатты болғанда қандай өзгерістер болады?

-Иә,жапырақтар ұшады.(желдің даусымен ортаға жапырақтарын жан-жаққа шашып Алтын күз келеді)

Алтын күз:

Сәлем,өрен достарым

Алақанды тос бәрің

Қымбатты сый алыңдар

Қызығыма қаныңдар.

Ән салыңдар, күліңдер

Жайнап гүлдей жүріңдер

Кел,күз тойын тойлайық

Би билейік,ойнайық!

Жүргізуші:

Жапқандай жапырағы іздерді,

Қуантып байлығымен ізгі елді.

Бір тойдырып қайту үшін елімді,

Сабырлы,сары Алтын күз келді!

Армысыз, Алтын күз.Біз сізді күтудеміз.

Алтын күз: - Ендеше неге тұрмыз,қане балалардың өнерлерін тамашалайық.

«Күз-күз» әнімен Сезімді қарсы алайық.

Нұрбек:

Күз айы тамаша

Ән айтайық жаңаша.

Би билеп бәріміз,

Қуанайық балаша.

Айару:

Көркі әсем гүлдей жайнап,

Жарқырады алтын күз.

Сайран салып , күліп ойнап,

Рахмет саған алтын күз.

«Ұстаз ана» әні: орындайтын Тыныштық пен Айару

Нұрнияз:

Алма пісіп,алмұрт түсіп,

Күзгі бақтар жайнайды.

Құстар қайтып, қош айтысып,

Қимас үнмен сайрайды.

Нұрсая:

Күздің мынау сыңайы

Күміс селеу самайы.

Сәукеленіп қамысы

Судың салқын маңайы.

Тыныштық:

Ағаштардан жамырап,

Ұшты кенет жапырақ.

Ой алақай тамаша,

Шашу шашты жапырақ.

Би: «Қырманға кел қалқатай» қыздардың орындауында қабыл алыңыздар!

Сезім:

Келді міне алтын күз,

Сары шашты жарқын күз.

Мол өнімді ісімен

Таңдандырып халқын күз.

Азамат:

Айнала жым-жырт,

Көк аспан сұрғылт.

Жер жыртқан тыңда,

Трактор қырда.

Айфелиз:

Күздің мынау айында

Алма,алмұрт піседі,

Жапырақтар сарғайып,

Сылдыр-сылдыр түседі.

Ән: «Әке-Ана» орындайтын Жансерік

Жасұлан:

Көк майсалы көрікті,

Алқаптағы көп егін.

Бұл күндері киіпті,

Сары жібек көйлегін.

Жансая:

Көбейді құт-береке,

Астық толы қоймамыз.

Құтты болсын мереке,