Берекелі алтын күз ертеңгілігі мектепалды даярлыққа

Тақырыбы: Алтын күз.

Мақсаты: Алтын күз мерекесін өткізу. Күз туралы түсініктерін кеңейту. Балаларға мерекелік көңіл-күй сыйлау.

Көрнекіліктер: Залдың іші күз мерекесіне сай безендірілген. Шарлар,жапырақтардың суреттері, күз жармеңкесі, яғни жемістер мен көкөністер салынған себеттер.Күзгі көрме.Жапырақтардан жасалған грилянда.

Әдемі сазды әуен ойналып тұрады, балалар қолдарына жапырақ ұстап залға кіреді.Жапырақтар биін орындайды.

Жүргізуші: Құрметті қонақтар, ұстаздар! «Алтын күз» атты ертеңгілігіне қош келдіңіздер!

Армысыздар, халайық,

Бармысыздар, халайық!

Күзгі тойды жұп жазбай,

Бірге қарсы алайық!

Жүргізуші: Балалар, бүгін барлығымыз күз мерекесіне жиналдық.Күз мерекесі кай кезде тойланады?Күзде қандай жемістер мен көкеністер піседі?Күз айларын атап беріңдерші.Сендерге күз мезгілі ұнай ма?Несімен ұнайды.Жақсы ,жарайсыңдар рахмет.

Жүргізуші:

Шоғы толған гүлдей жайнап

Шақырады жарқын жүз

Сайрандаған күліп-ойнап,

Келді міне Алтын күз!

Мен сендерге бір жұмбақ жасырайын.

Ағайынды бәрі

Шықса жасыл

Түссе –сары. Бұл не?

Балалар: Жапырақ.

Жүргізуші: Дұрыс таптындар, жарайсындар!

Жүргізуші: біздің балалар күз туралы өлен, тақпақтар біледі. Балалардың өнерін тамашалаңыздар.

Ән «Күз»

Жүргізуші: Қане, балалар, осындай молшылық күз айында бір ойын ойнап жіберейік. Ол ойын «Кім жылдам?» деп аталады. Ойынның шарты бойынша картопты кім көп жыинайды.

Балалар жемістер туралы тақпақтарын айтады.

Жүргізуші: Жемістерді қарсы алайық (Осы кезде әуен ойналады, ортаға жемістер шығады)

Алмұрт Мен алмұртпын, алмұртпын

Аузындамын бар жұрттың.

Жүзім Мен жүзіммін, жүзіммін

Моншақ болып тізілдім .

Өрік Мен өрікпін, өрікпін

Табиғатқа көрікпін.

Алма Мен алмамын, алмамын

Тандайда қалар бәр дәмім.

Өте тамаша, балалар! Кәзір менімен ойын ойнайсындар ма? Ойынның шарты: Қолшатырды кім жылдам көтереді? Шалқан ертегісін тамашалаңыздар.

Жүргізуші: Жарайсындар, балалар! Ал енді қонақтарымызды сынап көрейік «Картоп жинау» ойыны.

Балалардың күз туралы тақпақтары тыңдалады.

«Бауырсақ» ертегісін тамашалыныздар.

Жүргізуші: балалардың өнерлері ұнады ма?Балалар сендерге орман жануарлары қоян мен қасқыр сендерге күз сыйын акеліпті,қарсы алайық.Қоян мен қасқыр балаларға таратып береді.

Жүргізуші: Осымен, Алтын күз мерекесіне арналған ертеңгілігіміз аяқталды. Тамашалағандарыңызға көп рахмет!