Арайлы алтын күз ертеңгілігі мектепке дейінгі балаларға

Тақырыбы: «Арайлы алтын күз» (Ертеңгілік)

Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Ата - аналар қауымымен тығыз қарым – қатынас қалыптастыру.

Көрнекілігі:шардан тақырып,жалау,көкөністер,жемістер,көрме жасау.

Тәрбиеші:Армысыздар, халайық,

Бармысыздар халайық!

Күзгі тойды жұп жазбай,

Келіңдер қарсы алайық!

Құрметті ата-аналар,ұстаздар,бүлдіршіндер.Күз қандай керемет мезгіл.Қазан толып,еңбегіңнің жемісін көріп,адамзаттың нағыз той тойлар шағы емес пе?Бүгін берекелі де ырысты «Алтын күз» құрметіне арналған «Балапан» тобының «Арайлы алтын күз» атты ертеңгілігіне қош келдіңіздер.

Қазбек:Көңілдің ақ тілегін көл етеміз,

Тілектермен нығайсын мерекеміз.

Баршаңызға жолдаймыз аппақ алғыс,

Осыменен басталды мерекеміз.

Жеңіс:Уа халайық,халайық,

Мұнда назар салайық.

Алтын күзге арналған,

Кешімізді бастайық.

Тәрбиеші: - Қараңдаршы, бүгін біздің бүлдіршіндеріміз қандай әдемі болып кеткен.

-Балалар қазір жылдың қай мезгілі?

-Күз мезгілі.

-Күз мезгілінде неше ай бар екен?үш ай.Қалай аталады?

-Қыркүйек,қазан,қараша.Дұрыс айтасыңдар балалар.

-Күз мезгіліндегі табиғат құбылыстарын білеміз.Табиғат құбылыстарын біздің топтың бүлдіршіндері қимыл қозғалыспен,бимен көрсетіп береді,тамашалайық.

1.Жел-гу-гу-Әлинұр,Арнұр 4.Ағаш,жапырақ-Ақерке,Інжу

2.Бұлт-тарс-тарс- Қазбек,Нұрислам 5.Күн-күлімдеп-Айқаракөз,Жәния

3.Жаңбыр-сырт-сырт-Гүлназым,Жасмин

-Балалар күз мезгілінде осындай құбылыстар болып тұрады екен.

Ән салыңдар күліңдер

Жайнап гүлдей жүріңдер

Күздің тойын тойлайық

Би билейік,ойнайық

Алтын күз мерекесіне арналған өлеңімізді айтайық.Хор: «Алтын күз»

Күз мезгілінде нелер пісіді балалар?Жемістер мен көкөністер.Дұрыс айтасыңдар балалар.Біз күз мезгілінде көкөністермен жемістерімізді жинап алады екенбіз.Қане енді бүлдіршіндеріміздің дайындаған «Көкөністер дауы» ертегісінен көрінісін тамашалайық

Рөлдерде:Әжей-Жасмин,қызанақ-Гүлназым,қияр-Айқаракөз,қауын-Қазбек,сәбіз-Арнұр,қызылша-Жәния,картоп-Дильназ,жуа-Орынбасар.

Автор:Ерте-ерте ертеде Бағбан әжей болыпты.Бағбан әжей бақшаға көкөністер егіпті.Әжей бақшаның шөбін жұлып,су құйып көкөністерін күтіп баптапты.Әжейдің енді су құйғанын тамашалайық.(су құйып,шөбін жұлады.)

Көкөністер:Су құйғаннан кейін бастарын көтеріп,орындарынан жәймендеп тұра бастайды.Көкөністер билейді.

Автор:Бақшада қызанақ,сәбіз,қызылша,картоп,қауын,қияр,жуа өсіп шығыпты.Көкөністер жиналып қалып дауласа бастады.

Көкөністер:Қайсымыз ең дәмді,адамға пайдамыз көп тиеді.Тақпақтарын айтады.

Қызанақ:Гүлназым:Піскен кезде қызанақ

Көз тартар қызыл түсімін

Барма адам сүйсінбей,

Ішпеген томат шырынын.

Қауын:Қазбек:Қамба толы астыққа,

Алғыс саған алтын күз

Бір уыс дән шаштымда,

Қап-қап қауын алдық біз.

Сәбіз:Арнұр:Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Қияр:Айқаракөз:Дәмім тілді үйірген,

Мен тұздалған күйімде

Жаңа піскен кезімде,

Жейді бәрі сүйсіне.

Қызылша:Жәния:Қызылша деген атым бар.

Қант берер затым бар

Адам қанын көбейтем

Ал сендер,соны біліңдер

Картоп:Дильназ:Мен ұялшақ картопын

Мен емеспін мақтанар

Мені жақсы көреді.

Үлкендер мен балалар.

Жуа:Орынбасар:Боламын мен дәмдеуіш

Барлық-барлық тағамға

Көкөністер ішінен,

Мен пайдалы адамға.

Көкөністер:Дауласа бастайды.(бір-бірін ұрып)Мен дәмдімін,адамға пайдылымын.