Арам Хачатурян шығармалары бойынша ашық сабақ материалы

Тайпақова Гулфайраз Руқызы

Ақтөбе облысы

Темір ауданы

Кеңқияқ музыка мектебінің фортепиано класының мұғалімі

Сабақтың тақырыбы: А.И.Хачатурян "Андантино"

Сабақтың мақсаты: Фортепиано аспабында ойнау арқылы оқушының ойнау техникасын дамыту, музыкалық сауатын арттыру. Шығарманы нотамен талдау арқылы техникалық қиындықты меңгеруге, жеңе білуге үйрету.

Білімділік : Әлем музыкасының өнер қуаты мен қасиетін аспап арқылы оқушы сезіміне жеткізе отырып музыкалық сауаттылығын арттыру. Тәрбиелік: Музыкаға , аспапқа деген қызығушылығын оята отырып, эстетикалық тәрбие беру.

Түрі: жеке сабақ Сабақта қолданылатын әдіс-тәсілдер: Сұрақ-жауап, өз бетімен жұмыс істеу, іздену, шығарманы тыңдау.

Сабақтың көрнекілігі: композитор портреті, аудио, нота дәптері, ноталардың қолмен көрсетілген бейнелері, фортепиано .

Сабақтың барысы:

Ұйымдастыру кезеңі.

Психологиялық дайындық.

Оқушымен амандасып , сабаққа дайындығы тексеріледі.

Үй тапсырмасын тексеру.

Бағдарлама бойынша өткен Л.В.Бетховеннің «К Элизе» шығармасы туралы сұрақ қойылады.

М. Бетховен кім?

О. Немістің ұлы композиторы Людвиг Ван Бетховен 1770 жылы 16 желтоқсанда Рейн өзенінің жағасындағы Бонн қаласында әншінің семьясында дүниеге келген. Болашақ композитор жас уақытынан-ақ материалдық мұқтаждықта өсті. Жас кезінен скрипка, фортепиано және органда ойнады. Ал, 1792 жылы Венаға келді. Бұнда атақты пианист-импровизатор деген атақ алды. Венада 2 симфония, 6 квартет, 7 фортопьяноға соната және көптеген шығармалар жазады. Осы уақытында творчествосының өрлеген тұсында композитор құлағынан айрылады. М.Қандай шығармасын өттік, бұл шығармасы туралы не айтуға болады?

О. 1865 жылы биограф, композитор, әрі музыкант Людвиг Ноль, Мюнхень қаласынан «К. Элизе» деген Бетховеннің жеке қолжазбасы мен ноталарын тауып алады. Бұл қолжазбада «Элизаға мәңгілік ескерткіш» деген Бетховеннің қолы қойылған ноталар жазылған еді. 1867 жылы Людвиг Ноль бұл шығарманы жарыққа шығарады, бірақ осыдан соң бұл қолжазба жоғалып кетеді. «К. Элизе» шығармасының шығу тарихында Бетховен бұны өзінің өте жақсы оқушысы және шығармаларының ерекше, тамаша орындаушысы Элизабет Рекельге арнаған. Тіпті ол қызды қатты ұнатып, үйленуге ұсыныс жасаған, бірақ ол жақтан қарсы жауап алады. Бұл шығарманың нотасы көпке дейін Элизабеттің қолында болған.

Үй тапсырмасын пысықтау.