Армысың алтын күз ойын-сауық шарасы

2-сәбилер тобына арналған күзгі ойын сауық шарасы

«Армысың алтын күз!»

Мақсаты:Табиғаттың күз мезгіліндегі өзгерістері жайлы балалардың білімдерін кеңейту;

Күз мезгілі берекелі екенін айтып,түсінік беру,ойлау қабілетін дамыту;

Балаларды еңбекқорлыққа тәрбиелеу.

(Топ іші күзгі суреттермен,мерекеге сай сарғайған жапырақтармен безендірілген.)

Музыка ойнап,әсем безендірілген залға балалар келіп кіреді.

Жүргізуші:-Армысыздар,ағайын! Сәлеметсіздер ме,қадірлі қонақтар! Бүгінгі берекелі де ырысты алтын күз құрметіне арналған мерекемізді бастаймыз.

Жүргізуші:Балалар казір жылдын қай мезгілі?

Балалар: Күз

Күзде қандай өзгерістер болады?

Балалар: күн суытады,жаңбыр жауады,жапырақтар сарғаяды.

Жүргізуші:

Сары жібек көйлегін желбіретіп

Жапырағын ағаштың селдіретіп

Тойға бөлеп елімізді күзім келді.

Нұр тамшысын аспанның селдіретіп.

Ж:-Балалар,бүгінгі біздің мерекеміз көңілді өту үшін күзді шақырып алайық.

Б:Күз,күз кел бізге!!!

Күз кіріп,балалармен амандасады.

Күз:-Сәлеметсіңдер ме балалар? Мен сендермен би билеп,ән салуға келдім.

Ж:-Ондай болса күзге арналған балалардың тақпағын тыңдаңыз.

Али

Түсті алтын жапырақ

Ағаштан үзіліп

Ұшты ұзақ сапарға

Тырналар тізіліп

Алим

Алтын сары,қызыл көк

Алуан-алуан жапырақ.

Күзгі бақта күлімдеп,

Көз тартады атырап.

Бекарыс

Жемісі мол теретін

Күз дос екен бізбенен

Бәрін тауып беретін

Жомарт екен күз деген

Рамазан

Күз келді

Көп жеміс піседі

Сарғайып жапырақ

Саудырап түседі

Күз : Жарайсындар балалар ал енді менімен ойнағыларын келеме?

Балалар : Иә

Ойын «Күн мен жаңбыр

Залға білдірмей Саңырауқұлақ келеді

Жүргізуші: Жаңбырдан кейін үлкен саңырауқұлақ өсіп қалыпты деп

Саңырауқұлақ ұстамақшы болады.Саңырауқұлақ қашады.

Саңырауқұлақ: Сәлеметсіңдерме балалар менде сендердің мерекелерінді көргім келеді.

Жүргізуші: Олай болса бізбен бірге қалып балалардың өнерін тамашала

Саңырауқұлақ балармен бірге билейді

Би «Саңырауқұлақтар»

Саңырауқұлақ: қандай тамаша биледі менін достарым

Жүргізуші: Сендерге біздің балалардың өнері ұнады ма? Біздің бүлдіршіндеріміз әнде біледі.

Ән «Саңырауқұлақ тереміз

Күз: Саңырауқұлақ балалармен бір ойын ойнасақ қайтеді.

Саңырауқұлақ: Әрине ойнайық мен ойнағанды жақсы көрем.

Күзбен Саңырауқұлақ ойын ұйымдастырады.

Ойын « Жемістер мен көкөністер жинау »

Жүргізуші: Жарайсыңдар балалар біздің қонақтарымызда бір сергіп қалды

Күз: Мен сендермен би билеп көңіл көтергім келеді.

Жүргізуші: олай болса балалармен бірге Топ-топ топ биін билейік.

Би «Топ-топ топ»