Армысың, алтын күз мерекесіне арналған тәрбие сағаты 4-сынып

Армысың, Алтын күз!

Мақсаты: Мектебімізде өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылдық, күз-шаттық, күз-қуаныш екенін оқушы санасына жеткізу. Өздеріне ерік бере отырып, ауызбіршілікке, ынтымақтастыққа баулу.

Көрнекілік: шырша ағаштары, талдар, жапыраққа жазылған нақыл сөздер, жапырақ, құстар.

1 - жүргізуші: Армысыздар, құрметті қонақтар! «Армысың, Алтын күз!» мерекесін бізбен бірге өткізуге қош келіпсіздер. Қасиетті күз мезгілінің бір сөзбен айтып жеткізу мүмкін емес. Күз дегеніміз-жазира даланың дархан дастарханы. Күз дегеніміз- байлық, молшылық.

Олай болса, ортаға күз бен күз айларын шақырайық.

Күз, Қыркүйек, Қазан, Қараша шығады

Күз:

Сәлем, өрен достарым,

Қымбатты сый алыңдар,

Өмірге көп қосқаным.

Молайтыңдар шаттықты,

Ән айтыңдар бақытты!

Ерінбестен еңбек етіп келетін,

Еңбекшіге бар жемісін беретін

Мен мырза күз ынтымақты еліңе

Берекелі ырыс болып енетін.

Нағыз сары алтындай күз айы -қыркүйек айы. Ол-еңбек айы.

Қыркүйек:

-Алтын күз! Сіз бен бізге шуақ шашсын,

Көңілдің серіппелі күйін ашсын.

Бақ пен шаттық бізге қатар қонып,

Береке бірлікпенен ортақтассын.

Күз:

Күз маусымының екінші айы – қазан. Бұл ай – мереке басы. Өйткені, дихандар сабантой жасайды.

Қазан:

-Қазан айы басталады,

Құстар қайта бастады.

Туыстық адал достықпен,

Жалғасып күндер барады.

Күз:

Күздің соңғы айы-қараша. Қараша десе дегендей, айнала теп-тегіс сүреңсіз. Жапырағынан айрылған ағаш қара суыққа қалтырап, жүдеу далаға өң бере алмай селтиеді.

Қараша:

Күздің қараша айында,

Алма, алмұрт піседі.

Жапырақтар сарғайған,

Сыбдыр, сыбдыр түседі.

Күз:

Мен – Күзбін. Өте еркемін, сәл нәрсеге ренжіп бұртиып қабағымды түйе қаламын. Кейде болмашыға өкпелеп, көз - жасымды аямай төгіп - төгіп жіберемін. Әйтсе де менің жомарттығым, ақкөңілдігім үшін халық мені ұнатады.

Күз:

Барлығыңды қимаймын,

Бір айға нәр бір демім,

Барымды мен сыйлаймын.

Өздеріңмен біргемін – (деп себетке салынған жеміс - жидектерін, балаларға таратады, әділқазыларға да береді).

2 - жүргізуші:

Қош келдіңіз көрермен,

«Алтын күз» кешіне.

Шат күлкіге бөлене.

1 - жүргізуші:

Бүгін мейрам, бүгін той,

Қуаныш күн, біліп қой!

Күзгі бақтай сыңғырлап,

Алақанды соғып қой!

2 - жүргізуші:

Бүгін, міне, қуандырып біздерді,

Берекелі күз келді, мерекелі күз келді!

1 - жүргізуші:

Көбейді құт - береке,

Құтты болсын мереке,

Астық толы қоймамыз.

«Алтын күзді» тойламыз!

Жүргізуші:

Әділқазы, ақ қазыға бір сәлем,Әділдікке бас иеді күллі әлем.Жүйрік озар сайыстарда неше бір,Сарапқа сал, әділдікпен шеше біл, - дей келе, бүгінгі сайысымызға қазылық жасайтын әділқазылар алқасымен таныс болыңыздар!Құрметті көрермендер, «Жапырақтар» 4 сынып, «Алтын дән» 3 сынып, «Жеміс-жидектер» 2 сынып топтарын ортамызға шақырайық. (Топтар ортаға шығады)

Жүргізуші:

Сайыстың шарттарымен таныстырып өтейін, сайыс 8 кезеңнен тұрады:

кезең: «Мерекелі, берекелі күз!». Таныстыру. Әр топ өздерін таныстырады.

2 – кезең: «Бар сыйымыз саған, Алтын күз!». Өз өнерлерін көрсету (күз туралы өлең оқу);

3- кезең: «Білгенге маржан». (мұнда әр топқа жұмбақтар жасыру);

4 – кезең: «Жаңылмай айт». ( жемістер мен көкөністердің аттарын әр адым сайын жаңылмай айту керек);5 – кезең: «Кім бұрын?». (Оқушылар себеттің суретін салады және оны жемістер мен көкөністерге толтырады);

Көрермендермен ойын: 3 оқушы шығып шашылған картоптарды шелекке жинайды, қай сыныптың оқушысы көп жинаса ұпай саны сол сыныптың тобына қосылады)

6 – кезең: «Қас-қағым сәт». (Әр топқа бір сөз беріледі, сол сөзді жобалап бір-біріне айту); мысалы, күз – жыл мезгілі, балалар мектепке барады, ауа райы құбылмалы болып тұрады т. б.)

«Пантомимо»: Топ басшысы шығып жеміс немесе көкөніс жеуді мимика, қимыл арқылы көрсету және топтағы оқушылар қай жеміс не көкөніс екендігін айтады.

7 – кезең: Үй тапсырмасы: «Күз – береке, күз - мереке» тақырыбына сурет және қол еңбек көріністері (әр топтан 1 шығармадан);

8 - кезең: «Күз сыйы». (Күзгі көкөністерден, жеміс - жидектерден дайындалған салат, оның жасалу жолы туралы айту)1 - жүргізуші:

Өлең сөздің патшасы, сөз сарасы,Қиыннан қиыстырар ер данасы.Тілге жеңіл жүрекке жылы тиіп,Теп – тегіс жұмыр келсін айналасы, – дей отырып, алғашқы кезеңіміз «Мерекелі, берекелі күз!» атты таныстыру бөліміне береміз.Жүргізуші: Мінекей, таныстыру кезеңінде артқа қалдырдық. Құрметті әділқазылар өтілген таныстыру кезеңінің нәтижесін білсек.Жүргізуші:

Асыл тастан, өнер жастан,

Шығады деп дарынды.

Халық айтса, қалт айтпас,

Әрқашанда нанымды

Сол шындықты күнделікті,