Алтын күз мерекесіне арналған тәрбие сағаты, 6-сынып

Алтын күз

Мақсаты: Мектебімізде өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылдық, күз-шаттық, күз-қуаныш екеніні оқушы санасына жеткізу. Өздеріне ерік бере отырып, ауызбіршілікке, ынтымақтастыққа баулу.

Көрнекілік : слайдтар, суреттер , шарлар.

Музыка :(сахна сыртында « күз» туралы өлең оқылады.)

Алтын, алтын сары алтын,

Алтын күзде нұр жатыр.

Мектептегі дәстүрлі .

Мерекеміз бұл да бір.

Берекесін сыйлауға ,

Өлкемізге күз келді.

Күзгі балды тойлауға ,

Шақырамыз сіздерді.

1 – жүргізуші: Армысыздар, мейірімді ата - аналар, қымбатты ұстаздар, оқушылар! бүгінгі 5-6-7 сынып оқушыларының бірлесе өткізгелі отырған «Алтын күз» мерекелік шарасын ашық деп жариялаймыз.

2 – жүргізуші: Табиғат - күллі тіршілік атаулының қуатты қонысы, алтын ұя бесігі, құт берекесі. Осы табиғаттың төрт мезгілінің алатын орны ерекше. Күз адам баласына молшылық, береке әкелетін мезгіл. Сондықтанда да, адамдар күзді берекелі күз, алтын күз деп баға береді. Алтын дейтін себебі, біріншіден, айналаның бәрі сап - сары түске боялады, екіншіден, алтын байлықтың белгісі. Күзде егінді жинап алатын болған ата - бабаларымыз «Сабан той» өткізіп, күз берекесін тойлап отырса, әрбір мектепте осы күз мерекесін тойлау, кештер өткізу дәстүрге айналған. Сол дәстүрді жалғастыра отырып,«Аяулы күз-2016 » мерекесімен құттықтаймын

1 – жүргізуші: Не үшін «Алтын күз» деп атайды?

1 – оқушы: Күз біріншіден байлық, молшылық, қап – қап астық.Айнала

сары түске боялады.

2 – оқушы: Екіншіден күз ет пен май.Мал мен құстар күзге дейін әбден

семіріп алады.

3 – оқушы: Күз- қауырт жұмыс кезі.Бұл кезде аянбай еңбек етсек, қыста

қысылмаймыз.

2 – жүргізуші: Ия, күзге берілетін анықтамалар көп екен.Күз мезгілінде жұмыс көп,ауылда көкөністермен жемістерді жинап, қысқа дайындалады, астықты орып алады.

1 – жүргізуші: Ал, балалар сендер күзді жақсы біледі екенсіңдер, ендігі кезекті тақпақ, өлеңдерге береміз.

1 – оқушы: Жаз өтті, жаз өтті.

Қызықпен алақай.

Дархан шақ күз жетті,

Қарашы балақай.

2 – оқушы: Уылжып бақтарда

Жемістер пісіп тұр

Бұтағы қақ барда

Үзіліп пісіп түр.

3 – оқушы: Бір – бірлеп жапырақ.

Сыбдырлап ұшады

Сарғайған атрап

Күз нұрын құшады.

4 – оқушы: Жемісі мол беретін,

Күз дос екен бізбенен

Бәрін тауып беретін

Жомарт екен күз деген.

2 – жүргізуші: Көп сөйлеп жөн – жобадан аспайық біз.

Ән шырқап, күй төгуге қашпайық біз

Сонымен сіздер рұқсат етіңіздер.

Ал, енді сабан тойды бастайық біз.

1 – жүргізуші

Алтын, алтын сары алтын,

Алтын күзде нұр жатыр.

Мектептегі дәстүрлі .

Мерекеміз бұл да бір.

Берекесін сыйлауға ,

Өлкемізге күз келді.

Күзгі балды тойлауға . Музыка қосылады әуенмен бірге Ортаға Алтын күз /Сап сары жапыраққа оранған / және Жер ана, Дихан ата, Дихан бала) шығады.

Жер ана: Той құтты болсын, дастархан мол болсын, молшылық береке болсын.

1 – жүргізуші: Уа, халайық алыс жерден келіпті біздерге сәлем бергелі, сабан тойды көргелі.Жер ана, Дихан ата, Дихан бала.Сөз берейік қонақтарға келген мына.

Жер ана: Жер анамын, көпті көрген анамын.

Ғасырлардың сақтап қалған дерегің

Кімдер мені мәпелесе, мейіріммен

Соған ғана байлығымды беремін.

Дихан ата: Осы болды Оралға жеткенім,

Сендерге айтар аманатым көп менің

Қаладағы өрендерім, ешқашан

Ұмытпаңдар бабалар кетпенін

Дихан бала: Маңдай тері дихан деген қауымның

Берекесі қала менен ауылдың

Сабантойда айтар тілек ешқашан

Үсті менен жүрмеңіздер ауырдың.

Дихан баба: Өрендерім, сендер биылғы жылы астығымнан дәм таптыңдар, дихан қауымі артылған мына астықты келесі жылғы тұқымдыққа қалдырайын балам қайдасың?

Дихан бала: Жарайды бұл астық қанбада сақталсын.

Жер ана: Ия, өрен достарым.

Өмірге көп қосқанын

Қымбатты сый сый алыңдар

Қызығына қалыңдар.

Молайыңдар шаттақты

Ән айтыңдар бақытты.