Армысың, Наурыз тәрбие сағаты мектепке дейінгі балаларға

«АРМЫСЫҢ, НАУРЫЗ!»

Мақсаты: Балалардың Наурыз туралы түсініктерін арттыру,ой-өрісін, тілін дамыту. Халқымыздың салтын, әдет-ғұрпын құрметтеп, өнегелі, өнерлі азамат болып, бірлікке достыққа тәрбиелеу. Өз ұлтына деген сүйіспеншілігін арттыру.

Жүргізуші: Уа, халайық! Бүгін ұлыстың ұлы күні. Ата-бабаларымыздың сөзімен айтсақ, ақ түйенің қарны жарылған күн. Наурыз мейрамы. Наурыз салтанаты. Бұл күні ата-әжелеріміз «Ұлыс күні қазан толса, ол жылы ақ мол болар, ұлы кісіден бата алса, сонда олжалы жол болар» деп нақыл айтып, ауыл арасын ауыз бірлікке, татулыққа, ынтымаққа шақыратын.

Ғасырлар бойына атадан балаға мұра болып жатқан дәстүрлі осы наурыз тойы бүгін, міне тағы есігімізді ашып отыр.

Жүргізуші:

Армысыздар ағайын!

Наурыз тойын жұп жазбай

Қошеметпен қарсы алайық!

Досқа құшақ ашайық,

Өлең жырға басайық!- дей келе бүгінгі «Армысың Наурыз» атты мерекелік концертімізді ашық деп жариялаймыз! Наурыз жыл басы құтты болсын! Жаңа жыл тек қана жақсылығын, жаңалығын әкелсін! Ақ мол болсын! Халық тоқ болсын! Еліміз тыныш болсын! Баршаңызға бақ қонсын!

Жүргізуші:

Қадірменді халайық, кішкентай бүлдіршіндеріміздің де тілегіне құлақ салайық. Кәнекей, оларды қошеметпен қарсы алайық! (балалар өлеңдерін айтады)

Жүргізуші:

Қазақ елі – қашаннан да жыр елі,

Тарихында тұлғалар көп киелі

Қазақстан аясында бұрыннан

Бірнеше ұлт бірге өмір сүреді.

Бір-бірімен тату-тәтті тұрады,

Бәрінің де Қазақстан тұрағы

Туған жерге тебіренген сәттерде

Ағылады өлең-жырдың бұлағы! – деп, сахнада «Кәріс» биі. Ду қол шапалақ!

Жүргізуші:

Наурыз тойы салтанат,

Наурыз тойы мархабат.

Әр жүректен ән тарап,

Шаттанады шартарап,- деп мерекелік концертімізді әсем әнмен жалғастырамыз.

Жүргізуші:

Қазақтан жері Достық Отаны

Барлық ұлтты өз баласындай жақсы көреді

Ынтымақ-достық, береке,

Шаттыққа толы айналам,- дей келе, «Калинка»орыс халық биін тамашалаңыздар!

Жүргізуші:

Жаңғыртқан дәстүрімді рахмет елім,

Тербетсің шаттық әні қазақ жерін.

Той бастаған қадамын құтты болсын,

Жалғайтын дәстүрімді бөбектерім, - деп, қазақтың салт-дәстүрін тамашалаңыздар! (Ересек топ ата-аналарының көрінісі)

Жүргізуші:

Уа, халайық, халайық,

Ақ сандықты ашайық.

Бұл мереке, бұл тойдың,

Жыр шашуын шашайық!- деп сахна төрінде «Сәбилер» тобы ата-аналарының орындауындағы әсем әнді қабыл алыңыздар!

Жүргізуші: