Арпа сеуіп үйренеміз мектепке дейінгі ашық сабақ

Білім беру саласы: Таным, Әлеумет.

Ұйымдастырылған оқу қызметі: Экология

Тақырыбы: Арпа сеуіп үйренеміз

Мақсаты: Арпа сеуіп үйрету. Зерттеу, тәжірибе жасау қорытындысын шығару. Өзіне, өзінің мүмкіншілігі мен күшіне сенуіне жағдай жасау, белсенділігін арттыру, өзін және өзінің еңбегін бағалауға дағдыландыру.

1.Ұйымдастыру кезеңі:

Шаттық шеңбері:

Балаларды шеңбер бойына тұрғызып, табиғаттың өсіп – өркендеуі үшін жылы лебіздер мен тілектер айтуды ұсынамыз.

2.Жыл мезгілдеріне тоқталу: (Сурет бойынша әңгіме)

-Балалар, біз бүгін арпа себеміз.

Арпаны көктемде сеуіп, күзде жинап алатынын түсіндіру.

Миға шабуыл:

Міне, мынау – арпаның дәнегі. Арпаны көшет арқылы отырғыза алмаймыз. Оны тек себуге ғана болады. Біз арпаны сепкенде жай сеуіп қана қоймаймыз, біріншіден зерттеу жүргіземіз, екіншіден бақылаймыз.

Ол үшін сендер алдыларыңа алжапқыштарыңды киіп алыңдар.

-Сендердің алдыларыңдағы 2 ыдыста арпаның дәнегі жатыр. Екі ыдыстағы арпаның дәнегінен қандай өзгеріс байқалады.

-Енді құрғақ дәнді қолдарыңа алып, оның екі жақ ұшына назар аударыңдар.

Миға шабуыл:

Тәрбиеші:

-Қалай ойлайсыңдар , суда тұрған арпа қатты ма, жұмсақ па?

-Не себепті суға салынады?

-Балалар, арпаның біреуін суға салған себебім; сендер зерттеп, бақылап көрсін дедім. Қазір сендер екі орталыққа бөлінесіңдер.

-Арпаны отырғызбас бұрын не істейміз?

-Стақандарға топырақ саламыз.

-Дұрыс айтасыңдар, бәрің бері жақындап жәшіктегі топырақтан стақандарыңа кішкене ғана топырақ салыңдар.

Бірінші орталық: құрғақ арпаны

Екінші орталық: сулы арпаны алып топыраққа жаншу арқылы себеміз де үстін топырақпен жабамыз. Сеуіп болғаннан кейін екі жәшікке салып қоямыз.

-Арпа тез өсіп шығу үшін не істейміз?

-Дұрыс айтасыңдар, құрғатпай суғарып тұрамыз. Және әркім өзінің сепкен арпассын бақылайды.

Сергіту сәті:

Орнымыздан тұрайық,

Алақанды ұрайық.

Бір отырып, бір тұрып,

Орнымызға барайық

«Арпа» туралы тақпақтар мен мақал – мәтелдер айтайық:

1.Күрт – күрт шайнап арпаны,

Торы ат тауға тартады. (Әліби)

2.Арпа көже тоқ екен,

Одан дәмді ас жоқ екен. (Ибрахим)

3.Арпа, бидай ас екен,

Алтын, күміс тас екен. (Карина)

«Санмен сәйкестендіру» ойыны

Ойын шарты: қанша ыдыс арпа болса сондай санды тауып сәйкестендіріп сызықша арқылы қосу.