Арқалықтағы мобилография бастауы туралы мақала

Арқалық қаласындағы мобилография бастаушысы

Гүлбану Алтынбековна

Арқалық қаласындағы мобилографияның бастауы болған Гүлбану Алтынбековамен сұқбат.Ең алғашқы сұрақ: -Мобилография жайында қайдан білдіңіз жәнек мобилограф болу деген ой қалай келді? Гүлбану Алтынбековна:

-Мобилография жайында мен Instagram әлеуметтік желісінен 2019 жылдың аяғы 2020 жылдың басында білдім. Сол уақыттарда өзің білетіндей Instagram қатты дамып кеткен болатын. Сол кездерде «adilet art» парақшасын қарап жүретінмін. Өзім видео түсіруді , монтаждауды ұнататынмын. Мобилографияға байланысты түрлі курстар оқып , үй ішіндегі мерекелерді одан бөлек іс-шараларды видеоға түсіріп жүрдім. Негізінде мобилограф боламын деген ойым болмады. Видеоға түсіру , монтаждау ұнаған соң сол саламен айналысып , мобилограф болып кеттім.

-Мобилография курсын оқығансыз ба?

-Басында Әділет Қуаныш мобилографтың курсын оқыдым. Бірнеше уақыттан кейін сол кісінің екінші курсын оқыдым.Сол уақытта мен видеоны Inshot қосымшасымен монтаждайтынмын курс оқыған соң CapCut қосымшасын біліп , сол қосымшада монтаждайтын болдым. Курста оқу арқылы мобилографияға қажетті дүниелерді біліп алдым. Былтыр Қыран Талапбектің курсын онлайн оқыдым. Ол курстағы барлық нәрсені өзім біледі екенмін. Өзімнің деңгейімді білу үшін , бәлкім білмейтін дүнием бар шығар деп сатып алғанмын. Ішінен аларым болды , куратор ретінде өзіме жақсы дүниелер , инсайттар алдым.

-Мәссаған , біліміңізді толықтырып жүреді екенсіз ғой. Ал енді Гүлбану Алтынбековна сіз мобилография курстарын оқып , жұмыс істеп бастағанда бірден ақша таба бастадыңыз ба?

-Курстарды оқып болған соң тапсырыс қабылдайын деп шешім қабылдап , Публика ресторанының , Торғай Плаза орталығының , Жанұя емдеу орталығының парақшаларын жүргіздім. Өзім мобилография курсымен қоса СММ курсында оқып алған едім. Алғашында өз жұмысыма қандай баға қою қажеттігін білмедім. Өз жұмысымның қандай екенін біліп жұмыс істеп жүрген жерімде бағасын көтеруін сұрағанымда , келіспеді. Мен бастаған жылы Арқалық қаласында әлі мобилограф , парақша жүргізу түсінігі болмаған еді.. Содан әртүрлі бутиктерге , кафелерге барып ұсыныс тастадым. «Моблогрф боламын , Instagram парақшаларынызды жүргіземін» десем , «Жоқ , рақмет. Біз өзіміз жүргіземіз» деп шығарып салатын. Мобилография , парақша жүргізу , СММ деген түсінік біздің қаламызға 1 жылдан кейін келді. «Онлайн сату , мобилограф керек» деген түсінік келседе мобилограф іздемеді , өз беттерінше жүргізіп , түсіре бастады.

-Сіз мобилографияны бастап жатқанда отбасыныздың , құрбы-құрдастарыныздың , айналадағылардың көзқарасы қандай болды?

-Мен кез-келген істі бастамас алдын жолдасыммен ақылдасамын , ол менің қолымды ешқашан қаққан емес , жолымды жапқан емес. Күйеуімде , отбасымда…