Арқаның әншілік дәстүрі ашық сабақ жоспары

Сабақтың тақырыбы: «Арқаның әншілік дәстүрі» Сыныбы: 4 сынып Өткізілетін күні:» 01.03.2018. Сабақтың мақсаты:

 Білімділігі:  Оқушыларға Арқа әншілік мектебінің дәстүрімен таныстырып, әншілердің өмірі мен шығармашылығынан мағлұмат бере отырып,әрбір әншінің өзіндік ерекшеліктерімен таныстыру.  Дамытушылық:  Оқушылардың сөйлеу,тыңдау мәдениетін қалыптастыра отырып,қазақ халық әндерін тыңдау арқылы мағынасын ажыратуға үйрету.  Тәрбиелік:  Оқушылардың патриоттық сезімін оятып,әділетсіздік пен озбырлықтан аулақ болып,халық қамын ойлайтын рухы биік намысты,мейірімді,иманды болуға тәрбиелеу.

Сабақ түрі: аралас сабақ.

Көрнекілігі: Слайд, үнтаспа, дабыл аспабы, кітаптар,кесте.

Сабақ барысы:

I.Ұйымдастыру бөлімі: - Сәлеметсіздер ме, оқушылар,ұстаздар! Бүгінгі сабағымыз басқа сабақтарымыздай емес ерекше, қызықты өткелі отыр. Себебі, сабағымызға өздеріңізге жақсы таныс ұстаздарыңыз қатысып,сіздердің сабаққа қатысым үлгерімдеріңізді байқағысы келіп отыр. Сондықтан сабақты жақсы өткізіп,өз өнерлеріңізді көрсетіп атсалысуларыңызды сұраймын. (Күн жады сұралып,журналға жазылады. Оқушыларды түгендеу.)

II. Өткен тақырыптарды пысықтау. - Біздің осы тоқсандағы негізгі тақырыбымыз қалай аталады? -Олай болса сіздердің алған білімдеріңізді тексеру үшін бірнеше әншінің суретін көрсетейін, сол әнші туралы түсінік беріп өтейік. (Слайд арқылы композитордың суретін көрсетіп, оны оқушылардың өздері кім екенін дұрыс тауып, сол туралы қысқаша түсінік беруін қадағалау.)

1) Біржан сал Қожағұлұлы 2) Жаяу Мұса Байжанұлы

3) Ақан сері Қорамсаұлы 4) Әсет Найманбайұлы 5) Ыбырай Сандыбайұлы

Музыка табу. - Балалар, сіздердің жауаптарыңызға қанағаттандым көп-көп рахмет! Ал, енді өздеріңіз өмірі мен шығармашылығынан мәлімет берген әншілердің әндерін тыңдатқанмын сол әндерді табу үшін ортаға әр қатардан бір-бір оқушы шыға қойсын. Мен тыңдатқан әнді қандай ән және кімнің әні екенін білсе бірінші болып мына дабылды соқсын, сол оқушыдан жауабын сұрайық. Егер әнді дұрыс тапса сол жауап қабылданады. (Дабыл аспабын ортаға шығарып, екі оқушыға таяқшаны беріп, бірнеше ән тыңдату арқылы шығарманың дұрыс табуын қадағалау.)

- Мінекей, оқушылар! Біздер Арқа әншілік мектебінің негізін қалаушы әнші- композиторлардың өмірі мен шығармашылығын толықтай пысықтадық деп ойлаймын.

III. Жаңа сабақ.

- Бүгінгі жаңа сабағымыздың тақырыбы «Арқа әншілік мектебінің дәстүрін жалғастырушы әнші- композиторлар» деп аталады. (Слайд арқылы әншілерді көрсете отырып, оларға қысқаша мәлімет беріп, оқушылардың өздерінің дәптерлеріне жазып алуын бақылау.)

- Оқушылар, мына көріп отырған өнер иесі - Әміре

Қашаубаев. Ол 1888 жылы қазіргі Шығыс Қазақстан облысы Абай ауданы Қайнар ауылында дүниеге келген- әнші, актер, әрі музыкант. 1925 жылы Париж қаласында өткен Бүкіл дүниежүзілік көрмеде қойылатын этнографиялық концертке қатысып, екінші орынды иеленіп, күміс медаль таққан. 1934 жылы Алматы қаласында қайтыс болған. - Келесі өнер иесі Манарбек Ержанов 1901 жылы Қарағанды облысы Ақтоғай ауылында дүниеге келген - әнші, композитор, күйші, актер, Қазақстанның халық әртісі. Арқа әншілік дәстүрінде өз мектебін қалыптастырушы. 1966 жылы 65 жасында Алматы қаласында өмірден өткен. - Жүсіпбек Елебеков 1904 жылы Қарағанды облысы қазіргі Қарқаралы ауданы Қаратау ауылында дүниеге