Артық ғылым кітапта оқырмандар конференциясы 9 сынып

Алматы қаласы КММ «№84 жалпы білім беретін мектеп»

ОҚЫРМАНДАР КОНФЕРЕНЦИЯСЫ

Тақырыбы: «Артық ғылым кітапта, ерінбе оқып көруге...»

(«Алпамыс батыр» жыры бойынша)

Дайындаған: қазақ тілі мен әдебиеті пәнінің мұғалімі Бактыбаева Д.А

Мақсаты: оқушылардың кітап оқуға деген қызығушылықтарын дамыту.

Міндеттері:

Оқушылардың тіл байлығын, сөйлеу мәдениетін қалыптастыру;

Өз бойына жақсы оқырман тәжірибесін жинақтауға ынталандыру;

Өз пікірлерін айтуға дағдыландыру, ойлау, жүйелі салыстыру қабілеттерін жетілдіру;

Көркем шығарманың тәрбиелік мәнін жеке өмірінде қолдануға бағыт беру.

Бағалау: Оқырман күнделіктері, эссе арқылы іске асады.

КОНФЕРЕНЦИЯ БАРЫСЫ

1) Қызығушылықты ояту сатысы:

Наркенже Серікбаеваның орындауындағы «Алпамыс батыр» әні тыңдатылады.

Бүгінгі конференциядан не күтесіздер?

Жеке ойларыңызды айтыңыздар және топта бөлісіңіздер.

5минут

1- жүргізуші: «Алпамыс батыр» жыры – қазақтың қаһармандық эпосы, батырлар жырының көне әрі көркем үлгілерінің бірі. Жырдың бүгінгі айтылып жүрген нұсқаларының негізі – патриархалдық – рулық құрылыстың ыдырауы кезінде пайда болған. Кейінгі зерттеулерде жыр оғыздарда, қоңырат тайпасында, екінші жағынан қыпшақтар арасында жырланған. Жырдың тууына түрік қағанаты дәуірінде Алтайдың Оңтүстік беткейін мекендеген тайпалар қатысты деген пікір бар. 2- жүргізуші: Жырда қазақ халқының тұрмыс – күйі, әлеуметтік қарым – қатынасы, әдет – ғұрпы, дүниетанымы айқын бейнеленген. Жырдың негізгі идеясы – халықтың тәуелсіздігі, бейбіт, тыныш өмірі, адамдар арасындағы достық қарым – қатынас, әділет адамгершілік жолындағы күрес. Жыр қазақтан басқа түркі тілдес өзбек, қарақалпақ, татар, башқұрт, алтай, тәжік т. б. кездеседі. Жыр тұңғыш рет 1899 жылы Қазанда «Қисса – и – Алфамыш» деген атпен басылды. Жырды халық арасынан жинап, бастыруда, таратуда және насихаттауда Ә. Диваев еңбектерінің маңызы ерекше. 1- жүргізуші: Әдебиет тіліне негіз етіп ел аузындағы тіл алынбаса, ол әдебиет адасып кетпек. Ел аузындағы тіл дегенімізде нені үлгі, өрнек етіп аламыз? Әрине... жырларды, жоқтауларды, мақалдарды, жұмбақтарды,

Жыршы достарымыздың шеберлігіне тәнті болайық, сұрақтарға жауап беру үшін, зер салып тыңдайық.

2) Жаңа мағынаны ашу сатысы:

Оқырмандар «Алпамыс батыр» жырын жаттаған оқушыларды тыңдайды.

25 минут.

Оқырмандар оқырманға сұрақтарын қояды.

Оқушылардың «Оқырман күнделігін» жүргізуге арналған сұрақтар: