Қадірі бөлек қаламгерлер оқырмандар конференциясы

«Қадірі бөлек қаламгерлер» атты оқырмандар конференциясы

(Әбіш Кекілбаев, Фариза Оңғарсынова, Мұқағали Мақатаев шығармашылығына арналған)

Өтетін орны: Мектеп кітапханасы

Өткізген: Мұрсалова Жұмагүл №21 жалпы білім беру орта мектебінің қазақ тілі мен әдебиеті пәні мұғалімі

Мақсаты: Қазақ әдебиетінің көрнекті өкілі, қазақ поэзиясының хас шеберлері Әбіш, Фариза, Мұқағали шығармашылығымен сусындау, өлең-жырларын оқушыларға жаттатып, білімдерінің одан әрі шыңдауына үлес қосу, поэзияға деген сүйіспеншіліктерін арттыру, шығармашылыққа баулу, оқырмандық мәдениет қалыптастыру.

Жүргізуші: Қайырлы күн, ойлы оқырман қауымы! Таланттар сапындағы қаламы қарымды,шабыты арынды Әбіш Кекілбаев, Фариза Оңғарсынова, Мұқағали Мақатаев шығармаларына шолу жасап, парасатты поэзияның, мәртебелі поэзияның салтанат құруына бәріміз үлес қоспақпыз. Ендеше, «Қадірі бөлек қаламгерлер» атты оқырмандар конференциясына қош келдіңіздер, көзі қарақты көрермен, ойлы оқырман!

Сұрақ-жауап: Ал, оқушылар, бүгінгі конференциямыздың басты кейіпкерлері Әбіш, Фариза, Мұқағали есімдері сіздерге таныс па?

Қандай шығармаларын білесіздер?

«Әдебиеттік оқу», «Қазақ әдебиеті» пәндерінен осы қаламгерлердің шығармаларын оқыдыңыз ба?

Бәрекелді, жарайсыңдар! Олай болса, оқығанымызды тоқып, қаншалықты көңілге түйіп, жүрек түбіне бекітіп жүргенімізді қазір белгілі болады.

Жүргізуші: «Ол – ақылдың, мол білімнің, терең сезімнің тұнбасы. Тұнба қашанда салмақты, қашанда баяу. Ол ақса ырғып ақпайды, ырғалып ағады, көпірудің орнына тұңғиықтана түседі.Алыстан орман қып көрсетіп, жетіп келсең, бес түп ши тұратын сағым мінез оның талантына жат. Онда жалтылдап көрінетін жез-құбылмалық жоқ. Ол көңілді арбайды, бірақ көзді арбамайды, ал шынайы өнердің асыл мұраты – сол, кімді де болса алдамау ғой. Алдамаған жерде ақиқат бар» дейді бұл қаламгер туралы Жұмекен Нәжімеденов. Осындай биік шығармашылық мінездеме алған қаламгер ол кезде небәрі 29 жаста болған.

Кейін ғалым, түркітанушы Мырзатай Жолдасбеков «Маңғыстаудың көзі тірі 363-ші әулиесі» деп бағалады. Бұл кім?

Жүргізуші: Дұрыс-ақ, олай болса, Әбіш Кекілбаев туралы қысқаша мағлұмат беру Әнебаева Меруертке сөз ұсынамын.

Жүргізуші: Осы Әбіш атамыз шығармашылығын әуелде өлең жазудан бастағанын біреу білсе, біреу білмейді. Қане, ендеше, үлкен роман, көлемді хикаяға бойламас бұрын поэзия әлеміне ат басын тіреген қаламгердің өлеңдерін кім жатқа оқиды?

Жүргізуші: 10 «Б» сынып оқушысы Бекбосынова Шынар «Қаратау»

7 «В» сынып оқушысы Басықара Нұрсұлтан «Мезгіл, мені көрген жоқсың мезі қып»

7 «А» сынып оқушысы Сабыр Таңсамал «Кітап дүкені»

Жүргізуші: Осыдан тура үш ай бұрын Әбіштің 80 жылдығына арналған қалалық қатысқан оқушыларымыз да бар арамызда. Солардың бірі 7 «А» сынып оқушысы Сақтап Әмина Әбіш атасына арнаған өз туындысын да ұсынып, жүлделі орын алған. Сол шығармасын тыңдасақ қалай болады?

Жүргізуші: Поэзия деген – халық ханы,

Қасіреті, мұрасы, жарық таңы;

Ол – сезімнің оралмас мөлдірлігі,

Уақыт шаңын бойына дарытпады.

Жыр – таңбадай қасиет халықтығы,

Ақын – заман, дәуірдің алыптары,

Ұрпақтардың, ортаның шын сенімі –

Ақынның шабыт нәрі, -