Ару-ана мерекесіне арналған тәрбие сағаты

«Ару-Ана-2016»

Мақсаты: Балаларды ұлттық тәрбие негіздері мен салт-дәстүрді білуге, халықтық әдеп пен өнерді дәріптеуге үйрету. Әдемілікке, ұқыптылыққа, тазалыққа тәрбиелеу.

Көрнекіліктері: Тақырыпты ашатын нақыл сөздер, презентациялар, мақал-мәтелдер.

1-жүргізуші: Құрметті ақ жаулықты асыл аналар, қыз-қызғалдақтар, қадірлі ұстаздар!

2-жүргізуші: Көктемде жарқыраған гүл мерекелеріңіз, күн мерекелеріңіз құтты болсын!

Анаң барда көңілің тоқ, Жамандыққа сенгің жоқ.

Өміріңе гүл болған, Қадірін біл сондықтан.

Ана құтың, ырысың, Онсыз өмір құрысын. Жамандыққа қимайық

Тірісінде сыйлайық.

Айналайын адамдар, Анаң барда панаң бар Анаң барда данаң бар,

Көңіліне қараңдар! 1-жүргізуші: Сіздерге тек қана дүниенің жақсылығын, атқан таңның арайын, күн сәулесінің шапағын тілейміз! Мереке құтты болсын құрметті аналар!

2-жүргізуші: Құрметті қауым, бүгін біз 2 «А» сыныбында өтетін «Ару-Ана 2016» атты мерекелік сайысымызды бастағалы отырмыз.

Қош келіпсіздер ақ жаулықты аналар, Жүздеріңнен мейірім мен нұр тамар. Алдарыңда жауқазындай құлпырған Біз алаңсыз балғын шақта балалар.

1. Еркелесем күлімдейтін Ұрысқаны білінбейтін Маңдайымнан иіскеп менің «Құлыншағым, күнім» дейтін

2. Жамандықтан сақтандырып Жақсы ісімді мақтан қылып Мәпелеген ақ мамамды

Жүрсем деймін шаттандырып

3. Алақаны ақ самал Мәпелеген жан ана Көкте күнің батса да Өзінің күнің балаңда.

4. Тендесі жоқ данасың Арқа тұтар панасың. Еңбегіңді ақтайын, Аман болшы, анашым!

5.Бала, бала, бала деп, Түнде шошып оянған. Түн ұйқысын төрт бөліп, Түнде бесік таянған.

6.Аялы қолда талпынтқан, Қаймақты сүттей қалқытқан, Суық болса жөргектеп, Қорғасын оқтай балқытқан.

7.Айналасына ас қойып, Айдынды көлдей шалқытқан. Қолын қатты тигізбей, Кірлі көйлек кигізбей, Иісін жұпар аңқытқан.

Хор «Анаға сәлем»

Ананың сүюі 8.Кім сендерді, балалар, сүйетұғын, Қуанышына қуанып, қайғыңа күйетұғын? Түн ұйқысын төрт бөліп, кірпік қақпай, Шешең байғұс дамылсыз жүретұғын.

9.Кім сендерді, балалар, тербететін, Еркелетіп, ойнатып, сергітетін? Жалқау болсаң, балалар, жаман болсаң, Қамқор анаң көз жасын көлдететін.

10.Кім сендерді сағынар шетке кетсең, Ғылым іздеп, тез қайтпай, көпке кетсең? Ұмытпа ең кемінде ай сайын, Хат жазып тұр, төбесі көкке жетсін.

11.Кім сағынар сендерді келгеніңше, Құлындарын көзімен көргенінше? Сендер қайтып келгенде адам болып,

Еш арманым болмас дер өл-өлгенше.

12. Әлпештеген анамыз Біз бақытты баламыз. Оқып білім аламыз Жұлдыз болып жанамыз.

13.Сенен өскен балалар, Батырлар мен даналар. Құттықтаймыз мейраммен Құрметті аналар!

Ән «Құттықтаймын сені туған күніңмен!» 14. Аналарды сүйеміз, Сөзін ойға түйеміз. Әжені де ардақтап Әдеппен бас иеміз.

15. Өнерлі боп өсеміз, Өмір сырын шертеміз. Өсіріп ой-сананы, Қуантамыз ананы.

16.Әлпештеген, аялаған, Ақ сүт берген апатайым. Сәлем айтып бүгін саған, Мейрамыңмен құттықтаймын!

17. Ана еңбегін ардақтаған Біздің елдің Заңы ғана. Ана орденін беріп саған Деп атады «Ардақты ана».

18.Ана-жарық сыйлаған жан екенсің, Ана-шуақ шашатын таң екенсің. «Ана-өмір, ана-бақыт, ана-жүрек» Деп соққан жүрегімнің әні екенсің.

19.Ана дейміз бәріміз де аңқылдап, Ана дейміз бәрімізде жарқылдап,. Ана деген – бәйтерегі өмірдің, Ана деген- алтын қазық, алтын бақ.

20.Ана деген асыл жандар болаттай, Ана деген мөлдір жандар бұлақтай. О, адамдар қадірлей біл ананы, Жат қылыққа ақыл-ойды тонатпай.