Асар тренингі сынып жетекшілеріне арналған тәрбие материалы

Тараз қаласындағы физика-математика бағытындағы Назарбаев Зияткерлік мектебі

«Асар» тренингі

Тақырыбы: «Асар»

Уақыты:

Тәрбиешілердің аты-жөні: Бекбауова А.А.

Тобы:

Мақсаты

Тәрбиеленушілерге ортақ жұмысты бірлесе атқаруда әркімнің үлесі бар екендігін сезіндіру, бірлескен іс-әрекет дағдыларын арттыру.

Күтілетін нәтиже

Топтық жұмыс арқылы ұйымшылдыққа, бірін - бірі тыңдай білуге тәрбиеленеді.

Тәрбие сағатында қамтылатын тәлім-тәрбие беру құндылықтары

Құрмет;

Сана-сезім;

Патриотизм

Пәнаралық байланыс

«Өзін- өзін тану», әдебиет, тарих

Ресурстар

Маркер, түрлі-түсті қағаздар, фломастер

Жоспар

Уақытты жоспарлау

Тренинг барысы

Ұйымдастыру кезеңі

5 минут

Негізгі бөлім

30 мин

Қорытынды

5 минут

Рефлексия

Кіріспе

Тәрбиеленушілермен амандасу. Тәрбиеленушілер шеңбер болып тұрып, бір-біріне жылы тілектерін айтады.

Негізгі бөлім:

1.Тақырыпты хабарлау, мақсатын түсіндіріп өту.

Асар – бұл қазақ халқының ертеден келе жатқан әдет-ғұрыптың бірі. Бұл адамдардың жиналып, бір адам я болмаса бір отбасының шамасы келмеген ісіне көмек қолын шынайы ұсыну, ақы-пұлсыз көрсету.

2. Ойын

Бөлме ішінде еркін қозғалып жүрген қатысушылар жүргізушінің шапалағын естіген кезде тоқтайды. Қасындағы көршісіне бетпе-бет тұрып, амандасқан соң сұрақ қояды.

Қойылатын сұрақ үлгілері:

Айналысатын сүйікті ісіңіз не?

Қасыңыздағы адамдармен немесе командаңызбен қандай фильмге барар едіңіз?

Қандай музыка ұнайды?

Бірлескен командалық жұмыстан кейін қалай күш жинар едіңіз?

Қандай командалық ойындар ұнайды? (футбол, баскетбол)

3. «Сөзді тыңда!» ойыны

Тәрбиеленушінің біреуі аудиториядан шығып кетеді. Топ позитивті бір сөз тіркесін құрастырады да, 3 топқа бөлініп соны дауыстап айту қажет. Аудиторияға ойыншы кіргізіледі, сонда әрбір топ өзінің сөзін дауыстап айтады. Ойыншының міндеті- сөз тіркесін табу.

4. Шармен ойнау. Тәрбиеленушілер шеңберге тұрады. Ортаға бір шар беріледі. Бір шармен ойнап жатқан ойыншыларға кезек-кезек шарлар ортаға тасталады. Топтың мақсаты көп шарды жерге түсірмей ойнау. Ойын барысында тәрбиеленушілер ұйымшылдыққа, тығыз қарым-қатынасқа түседі.

5. «Көңіл-күй жаттығуы» Тәрбиеленушілер бір-бірлеріне жақсы көңіл күй тілеп, тренингті бір-біріне мақтау айтумен аяқтайды.

Ойын барысы: Жүргізуші қатысушылардың арқасына А4 форматты парақтарды жабыстырады, қалам таратады. Әр қатысушы бір-бірінің арқасына мақтау сөздер жазады.

Әрі қарай дөңгелене тұрып, өзінің парағындағы мақтау сөздерді оқиды.