Әсем қалам Ақтөбем тақырыбындағы 4-сынып тәрбие сағаты

«Әсем қалам-Ақтөбем» атты танымдық кеш

Жауаптылар:Бисенгалиева А.Ш,Сыдыкова Б.Ж,Сельбаева Ж.Е

Кештің мақсаты:

Оқушыларды Ақтөбе қаласының тарихы,географиялық ерекшелігі ,мәдени орындары мен оқу орындары ,ескерткіштері туралы мәліметтер мен таныстыру.Ақтөбе өңіріне еңбегі сіңген әйгілі тұлғаларымен таныстыра отырып ,Оқушылардың Отанына,туған жеріне деген сүйіспеншілігін арттыру.

Кешке қолданылатын материалдар:Слайдтар, «Ақтөбе-құтты мекен» атты кітап,әндер мен өлеңдер

Кештің барысы:

Кеш «Қазақ биімен» ашылады.

1-жүргізуші Қайырлы күн! Құрметті ұстаздар, оқушылар мен қонақтар! Бүгінгі «Әсем қалам-Ақтөбем» атты танымдық кешке хош келдіңіздер!

2-жүргізуші:Барлықтарыңызға белгілі биыл жарты миллионнан астам халықтың құт мекені,туған өлкенің бас қаласы,қойыны кенге толған сүйікті қаламыз-Ақтөбе 150жасқа толмақ.

1-жүргізуші:Ендеше осынау қаламызды жақын таныстыру үшін барлықтарыңызды саяхатқа шығуға шақырымыз. Бірінші аялдамамыз «Ақтөбе тарихы»деп аталады.

(Слайд көрсетіледі оқушылар шығып Ақтөбе туралы мәліметтермен таныстырады.)

1-оқушы:Ақтөбенің алғашқы аты-Илецк.Елек өзенінің жағасындағы қала.О баста1896жылы 28 мамырдаәскери бекініс боп тұрғызылған.

2-оқушы:1891 жылдың 25 наурызында Ақтөбе Актюбинск болып өзгертіліп, 1999 жылға дейін қаланың орыс тіліндегі атауы «Актю́бинск»түрінде жазылып келді.

3-оқушы:Қала атауы көне түркі тіліндегі aq («ақ») және töpü («төбе») сөздерінен құралған. Бұл атау орыс тілінде «белый холм» мағынасын білдіргендіктен, кейде Ақтөбені орысша «Город на белом холме»] немесе «Беловершинск»деп те атайды.

4-оқушы:1998 жылы қала әкімшілігі жаңа елтаңбаға сайыс жариялады. 50 жұмыстың арасынан үздік деп ақтөбелік суретші, Қазақстан суретшілер Одағының мүшесі Сағынтай Әлімбетовтың эскизін таңдады. Таңба ресми түрде 1998 жылдың 24 шілде күні бекітілді.

5-оқушы:Ақтөбе елтаңбасы «мәңгіліктің нышаны» болып саналатын дөңгелек пішінінде жасалған. Қала атауы «тазалық» пен «қасиеттілікті» білдіретін ақ түспен жазылған, көк түсті ою-өрнек «табиғаттағы судың мәңгілік қозғалысын», қызыл түсті ою-өрнектер қызғалдақтарды білдіреді ,қызғалдақ — Ақтөбенің бейресми символы. Елтаңбаның нақ ортасында бүркіт басты, арыстан денелі, арқасында қанаты бар мақұлық бейнеленген.

6-оқушы:Қала Ақтөбе облысының солтүстік бөлігінде, Жайық сағасы Елек өзенінің жағалауында, Қарғалы өзені келіп құятын тұсында, теңіз деңгейінен 250—400 м биіктікте орналасқан

7-оқушы:Ақтөбе Қазақстанның ірі өндіріс орталықтарының бірі болып саналады.Онда Ұлы Отан соғысы кезінде ашылған :«Казхром»,Ферроқорытпа зауыты мен Рельс зауыттары,АЙС сүт зауыты,Рамазан нан комбинаты,Кірпіш зауыттары,түрлі көкөніс өсіретін жылыжайлар бар.

8-оқушы Ертөре:Ақтөбе қаласында көптеген ескерткіштер бар. Олар: Кіші Жүз ханы – Әбілхайыр ханға, қазақ халқының батыры – Тама Есет батыр Көкіұлы кесенесі, Ұлы Отан соғысында ерлік көрсеткен батыр қыз – Әлия Молдағұловаға, Бөгенбай батыр,Сәңкібай батырға арналған ескерткіш

9-оқушы Жантөре :Қазақ халқының билері - Әйтеке би, Мөңке биге,әйгілі музыканттар А.Жұбанов, Ғ.Жұбановаға, жазушылар Тахауи Ахтанов пен Қуандық Шаңғытбаевқа арналған ескерткіштер , өлкеміздің атақты ақыны Н.Байғанинге арналған да ескерткіштер бар.

10-оқушы Диана : Сонымен қатар біздің қаламызда Мәңгілік алау мемориалдық кешені «Әбдіжәміл Нұрпейісовтың «ҚАН МЕН ТЕР» РОМАНЫНЫҢ кейіпкерлеріне арналған ескерткіштер бар.

11-оқушы:Досжан- Ақтөбе қаласындағы ең көне оқу орнының бірі-Ә.Молдағұлова атындағы Ақтөбе гуманитарлық колледжі.Осы оқу орнында кезінде лингвистика ғылымының көш бастаушысы-Құдайберген Жұбанов дәріс берген.

12-оқушы Кәусар:Сонымен қатар біздің қаламызда Екі мәрте Кеңес Одағының батыры халық қаһарманы Талғат Бигелдинов атындағы Әуе қорғаныс күштерінің Әскери институты ,А.Жұбанов атындағы музыкалық колледжі және де тағы да басқа оқу орындары бар.

13-оқушы Дана : Шежірелі шаһарымызда Құдайберген Жұбанов атындағы Ақтөбе өңірлік педагогика университеті, Сақтаған Бәйішев атындағы университет,Марат Оспанов атындағы медицина университеті ,Халықаралық Нұр университеті бар.

1-жүргізуші:Ақтөбенің сұлу көркіне тәнті болмай оны жырға ,әнге қоспау мүмкін емес.Ендеше Ақтөбені жырға қосқан ақындардың өлеңімен бүлдіршіндерді қарсы алайық!

1-оқушы:Ақтөбе - ару қалам, неткен көркем!