Әсемдік – өмір жарасымы тақырыбына 9-сынып сабақ жоспары

Өзiн-өзi тану сабағы

Мектеп_______________Мерзiм____________№_____

Тақырып: Әсемдік- өмір жарасымы

Құндылық: сүйіспеншілік

Қасиеттер: мәдениеттілік, әдептілік, тәрбиелілік

Мұғалiм______________________________Сынып_____Оқушылар саны____

Сабақтың мақсаты: оқушылардың сұлулық, табиғат, өнер туралы түсініктерін кеңейту.

Міндеттері:

а) табиғат, өнер, өмір әсемдігінің адам үшін маңыздылығын жан-жақты ашу;

ә) сұлулықты, әсемдікті сезіну және қолдану іскерліктерін дамыту;

б) әсемдікке тәрбиелеу.

Сабақ барысы:

Ұйымдастыру кезеңi. Тыныштық сәтi.

Нұрға бөлену

Ресурстар:(құралдар, мәлiметтер)

Үй тапсырмасын тексеру.

«Сүйкімі дүниенің сұлулықта» ертегісін талдау.

Жігіт неліктен қызды таңдады?

Әсемдіктің адам өміріндегі маңызы қаншалықты терең деп ойлайсыздар?

Сабақ барысын талқылау:

3.Дәйек сөз.

«Адам бойындағының бәрі де – бет-пішіні де, киім-киісі де, жан дүниесі де, ақыл-ойы да сұлу болуға тиіс».

А.П.Чехов

4.Әңгiмелеу (сұхбат). Баяғы өткен заманда бір патша базардан екі құл сатып алыпты. Құлдарының бірі сиықсыз, тістері шірік әрі аузы сасық екен, ал екіншсі болса келбетті, маржандай тістері бар әрі аузынан хош иіс шыққан жағымды адам екен. Патша келбетті құлын сыйға бөлеп, моншаға жібереді. Аузы сасыған екінші құлды қасына шақырып: – Сені ұнатып-ақ едім, бірақ ана моншаға кеткен досың сен туралы көп жаман нәрселер айтты. Сен де қаласаң маған оның жаман тұстарын айтып бер, -дейді. Құл болса жолдасына шаң жуытпай, ол туралы еш жаман сөз айтпады. Патша қалай тырысса да, мақтаудан басқа ештеңе айтқыза алмапты.

Екінші құлы моншадан қайтып келгенде, патша оны да сынамақ болып қасына шақыртты. Біраз мақтау сөз айтқан соң: -Ана досың айтып берген жаман мінездерің болмаса, жап-жақсы жігітсің,- депті. Сөйтсе әлгі ашуланып, жолдасы туралы қайдағы жоқты айтып, жамандай бастайды. Патша біраз тыңдаған соң: -Доғар сөзді, кімнің кім екенін енді білдім. Сен жамандаған жолдасыңның аузы сасыса, сенің ішің сасыған, шірік екенсің. Бар, сол жамандаған досыңның қол астында жұмыс істейтін боласың, – депті. Адамның ішкі дүниесі, мінезі жаман болса, сұлу келбетіңнің құны көк тиын.

Шығармашылық жұмыс, топтық жұмыс.

«Табиғат-әсемдік-өмір» сұлбасымен үш баған түзіңдер. Бірінші бағанға сұлбаның мағынасын ашатын сұрақтар қойыңдар. Екіншісіне қойылған сұрақтарға жауап беріңіздер. Үшінсінде қорытынды шығарыңыздар.