Өмір шексіз керуен 11-сынып сабақ жоспары

№ 2 сабақ

Тақырыбы: Өмір – шексіз керуен

Құндылық:сүйіспеншілік

Қасиеттер: өмірдің мәнін түсіну, өмірге құштарлық, аянбай қызмет ету, жомарттық, ізгілік.

Мақсаты: «Өмір» құндылықтарының мәнін ашу арқылы адам өмірінің сипаты мен тірлігі туралы ұғымдарын кеңейту.

Міндеттері:

Өмір сырын түсіну, өмір сүру жолдары туралы ұғым беру;

Өмірден өзіндік орнын, өмірлік бағдарын айқындай алуға баулу;

Өзіндік ойлау, пайымдай алу, шешім қабылдай білуге тәрбиелеу.

Ресурстар: (құралдар, мәліметтер)

Сабақ барысы:

Ұйымдастыру кезеңі. Сәлемдесу

Оқушылардың құрал жабдықтарын түгендеу

5 «Т»ұстанымын еске түсіру.

Тәртіп

Талап

Тыныштық

Тазалық

Татулық.

Тыныштық сәті. «Нұрға бөлену»

Ыңғайланып отырыңыз,денелеріңізді түзу ұстаңыздар. Аяқ –қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз, Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан . Гүлдің түйнегі нұрдан баяу ашылып келеді. Балғын және әсем гүл сіздің әр ойыңызды, әр сезіміңізді, эмоциаңызбен тілек - қалауыңызды шайып жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп сәуле шашуда. Қолымыз тек жақсы, ізгі істер істейді, және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін, жақсы жерлерге апарады. Олар нұр мен махаббат құралына айналды. Одан әрі сіздің ауызыңызға, тіліңізге, тарады. Тіліңіз тек шындықты және жақсы ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек сәулелі ой келеді.

Нұр бірте – бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз, нұрды уақытша түсініспей ренжісіп жүрген адамадарға да бағыттаың, олардың да жүрегі нұрға толсын. Осы нұр бүкіл әлемге: барлық адамдарға, жан –жануарларға, өсімдіктерге, барлық тірі жанға таралсын .Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын.... Нұр менің ішімде.... Мен нұрмын....

Осындай Нұр, Махаббат және Тыныштық күйінек отыра тұрыңыз. ..

Енді осы нұрды жүрегіңізге орналастырыңыз.

Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет

Үй тапсырмасын тексеру. 6 бет оқу. (Отау үй)

Кейіпкердің сұрағына қалай жауап берер едіңдер?

Өмірдің мәні неде деп ойлайсыңдар?

Адам өмірінің мәні уақыт өткен соң өзгеруі мүмкін бе?

Әдістемелік нұсқаулық

Баяу әуен

Дәйексөз

Өмір деген тұрады: Таң мен кештен,

Ғұмырлы екі араны жанмен кешкен.

Құпия, жұмбақ, сырлы дүниеге,