Әсемдікке талпыныс №7 сабағына 6-сынып материалы

Пәні: Өзін-өзі тану

Тақырыбы: Әсемдікке талпыныс

Құндылық: Дұрыс әрекет. Қасиеттер: қарапайымдылық, сұлулық, кішіпейілділік

Мектебі: №221 негізгі орта мектебі Сыныбы: 6

Пән мұғалімі: Сейтова Гүлзада Пернебекқызы

Сабақтың мақсаты: оқушыларға адамның қарапайымдылығының маңыздылығын ұғындыру арқылы дұрыс әрекет құндылығының мәнін ашу.

Ресурстар (материалдар, дереккөздер

Сабақтың міндеттері:

Білімділік: оқушыларға адамның қарапайымдылығының, кішіпейілділігінің мәнін түсіндіру;

Дамытушылық: оқушыларды өз мүмкіндіктерінің мәнін тануға, өзін-өзі түсінуге бағыттау арқылы мінез сұлулығына баулу.

Тәрбиелік: оқушыларды қарапайымдылық, сұлулық, кішіпейілділікке тәрбиелеу.

Сабақтың барысы

І. Ұйымдастыру кезеңі 5 Т ережесін еске түсіру.

Тыныштық сәті «Нұрға бөлеу»

5 Т ережесі

Нұрға бөлеу

ІІ. Үй тапсырмасын пысықтау

Ұлыма хат Немат Келімбетов

Өзіндік көзқарасы бар адамға тән қасиеттер қандай деп санайсыңдар?

Сен өзіңді өзіндік көзқарасы бар деп санайсың ба?

Ішкі сұлулық пен сыртқы сұлулықты қалай түсінесіңдер? Оларды жетілдіруге бола ма? Қалай?

Дұрыс әрекет құндылығы адамның қандай қасиеттері арқылы көрініс табады?

Жан сұлулығы дегенді қалай түсінесің? Жаны сұлу адамды қалай сипаттар едің?

Өткенді еске түсіру

Сұрақ -жауап

ІІІ. Дәйексөз

Адамның бойындағысының бәрі де: жүзі де, киген киімі де, жаны да, ойлары да әсем болуы керек. А.П.Чехов

Дәйексөздің мағынасын қалай түсіндіңдер?

(Дәйексөзді оқушылар қайталайды және ұлдарға , қыздарға қайталатады)

2 рет ұл

2рет қыздар қайталайды.

Дәптерге жазады

Әңгімелеу Мұғалім сыйы

Ішкі сұлулық пен сыртқы сұлулық (Аңыз)

Баяғы өткен заманда бір патша базардан екі құл сатып алыпты. Құлдарының бірі сиықсыз, тістері шірік әрі аузы сасық екен, ал екіншісі болса келбетті, маржандай тістері бар, әрі аузынан хош иіс шыққан жағымды адам екен. Патша келбетті құлын сыйға бөлеп, моншаға жібереді. Аузы сасыған екінші құлды қасына шақырып:

- Сені ұнатып-ақ едім, бірақ ана моншаға кеткен досың сен туралы көп жаман нәрселер айтты. Сен де қаласаң маған оның жаман тұстарын айтып бер, - дейді.

Құл болса жолдасына шаң жуытпай, ол туралы еш жаман сөз айтпады. Патша қалай тырысса да, мақтаудан басқа ештеңе айтқыза алмапты.

Екінші құлы моншадан қайтып келгенде, патша оны да сынамақ болып қасына шақыртты. Біраз мақтау сөз айтқан соң: