Астана – әсемдік қала, бастауыш сыныпқа сабақ жоспары

«Өзін-өзі тану» пәнімен интеграцияланған бейнелеу өнері пәні сабағының жоспары

Мектеп: №126 Б. Майлин атындағы жалпы орта мектебі Мерзімі: 15.01.2019 жыл Мұғалім: Серикбаева Раушан Дуйсенбаевна Сынып: 4 «а» Оқушы саны: 25 оқушы Тақырыбы: Астана-әсемдік қала Құндылық: Сүйіспеншілік Қасиеттер: Бәрін жақсы көру, тек жақсы және қажетті заттарды ғана айту, басқалардан жақсылықты іздеу.

Сабақтың мақсаты:

Оқушыларды Қазақстан Республикасының астаналарының тарихымен

таныстыра отырып, сүйіспеншілік құндылығының мәнін ашуарқылы жаңа астананың көрікті жерлері туралы білімдерін кеңейту.

Сабақтың міндеттері:

1.Астананың мемлекетіміздің биік мәртебесі, жоғары дәрежесі, елдік пен тұтастықтың, бірліктің тұтқасы екендігін таныту.

2. Отанымыздың астаналары туралы оқып-білуге деген қызығушылықтарын арттыру.

3.Оқушыларды бәрін жақсы көру арқылы Отанды жақсы көріп және отанымызға байланысты қажетті заттарды ғана айтуға, басқалардан осындай жақсылықты іздеуге тәрбиелеу.

Ресурстар: (материалдар)

Сыртқы интеграция (Өзін-өзі тану сабағының әдістемелік тәсілдерін қолдану)

Ішкі интеграция (жалпыадамзаттық құндылықтарды сабақ мазмұнына интеграциялау)

5 « Т » ережесін қадағалау

Тыныс алуға зейін қою.

Мұғалім: Сіздердің аяқ-қолдарыңызды айқастырмай, түзу отыруларыңызды өтінемін. Біз қазір тыныс алу жаттығуын жасаймыз. Тыныс алуға зейін қою кезінде, біздің ақылымыз тынышталады. Тыныс алу кезінде тыныштық пен ризашылық қабылдаймыз. Тынысты шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз ... , арқамызды тік ұстаймыз ... , қолдарыңызды тізелеріңіздің үстіне қоюға болады ... .

Тыныс аламыз ... , тыныс шығарамыз. (9-10 рет)

Қызығушылықты ояту мақсатында Елорданың тарихы туралы білімдерін байқау.

«Білесің бе, Елорданың тарихын?»

- Алтыншы маусым қандай күн?

Қазақстанның тарихи даму барысында астана қызметін атқарған қалалар:

1920-1924 жылдары Орынбор қаласы

1924-1929 жылдары Қызылорда (Ақмешіт) қаласы

1929-1997 жылдары Алматы қаласы

1997 жылдан бастап Астана

Қазақ АССР-і атанып бөлінді. 1920-1925 жылдары Орынбор қаласы астана болды. 1925 жылы әкімшілік орталық Орынбордан Ақмешітке көшірілді. Ақтың бояуы ұнамаған большевиктер Ақмешітті Қызылорда деп өзгертті. 1929 жылдан 1997 жылға дейін Республика астанасы Алматы болды. Үш ғасыр бойы бодандықта болған жұртымыз Алматыда өз тәуелсіздігін алды. Ата Заңын қабылдап, мемлекеттік рәміздерді белгіледі. 1994 жылы Республика Парламенті Қазақстан астанасын Ақмолаға көшіру туралы ұйғарым жасап, одан кейін Республика Президентінің "Қазақстан Республикасының астанасы туралы" Жарғысы шықты. Осы құжаттарға сәйкес 1997 жылдың 10-ші желтоқсанында Қазақстанның астанасы Ақмолаға көшірілді. Жаңа астананы дүние жүзіне таныстыру рәсімі 1998 жылдың 10 маусымында болды.

Қазіргі уақытта Астана қаласы- Қазақстанның саяси және мәдени орталығы. Бұл қаланың тарихы көне замандардан басталатынын К.Ақышев бастаған Қазақстан ғалымдары дәлелдеді. Бұл тарихи ескерткіш Бозоқты көлінің шығыс жағалауын алып жатыр. Ескерткіштің жалпы көлемі және қоршаған ауыл шаруашылық аумағы- 30 гектар.

Бұл күнде осы қалашықтың орнына жақын жерден еліміздің астанасы- Астана қаласы бой көтерді. Астана қаласына сән беріп тұрған көптеген көрікті ғимараттар бар. Айта кететін болсақ , Бәйтерек, Нұр астана мешіті, спорт алаңы т.б. Нұр-Астана мешіті (ағылш. Nur-Astana Mosque), Астана қаласында орналасқан мешіт. «Нұр Астана» мешіті 2005 жылдың 2 наурызында ашылды. Мешіт Астана қаласындағы Есіл районында орналасқан. Мешіттің іргетасы 2002 жылы қаланған болатын.

Бәйтерек (монументі) Есіл өзенінің сол жағалауында бой көтерген зәулім «Бәйтеректің» биіктігі 97 м (Астана қаласының елорда статусына ие болған жылға байланысты таңдалған), диаметрі 27 м; Астананың орталығында көкке бой созып тұрған «Бәйтерек» – қазіргі Қазақстанның нышан-символы, қазақ халқының қайта өрлеуі мен түлеуінің, мемлекеттілігінің, биіктік пен тереңдіктің, кеңдіктің белгісі, дархандықтың көрінісі іспетті. Ол елорданың халық көп баратын жерінің бірі.

«Хан Шатыр» - Қазақстанның астанасы Астана қаласындағы ірі ойын-сауық және сауда-саттық орталығы (Астананың жаңа символы) 2010 жылы 6-шілдеде Астана күніне орай ашылған. Хан Шатыр, әлемдегі шатыр түрді құрылыстардың ең орасан зоры болып, және Қазақстандағы сауда орталықтарының ең үлкені, әрі бірегей сырт пішінімен айшықталады.

Ақ Орда резиденциясы — Қазақстан Республикасы Президентінің Резиденциясы.

Астана қаласы Есілдің сол жағалауындағы жаңа әкімшілік орталығының аумағында 2001 ж. қыркүйек айында салына бастады. Ғимараттың жалпы көлемі 36 720 m2. Қазақстан Республикасы Президентінің Ақ ордасының ресми тұсаукесері 2004 ж. желтоқсанның 24 күні өтті. Ғимарат қазіргі заманғы құрылыстың ең таңдаулы әдістерін қолдана отырып, монолит құйматастан салынған. Шатырсүмбіні қоса есептегендегі ғимараттың биіктігі 80 м. Қасбеттің қаптамасы қалыңдығы 20- 40 см. болатын итальян мәрмәрынан жасалған. Ғимарат жер бетінде 5 және жер астындағы 2 қабаттан тұрады, оның ішінде жер бетіндегі 1-қабаттың биіктігі 10 м., қалған қабаттардың биіктігі 5 м.

. «Отан Ана» кешені. Жоңғар шапқыншылығы мен Ұлы Отан Соғысы кезінде ерлікпен қаза тапқан жандардың құрметіне салынған. Ұзындығы 24 метрді құрайтын мемориал ортасында граниттен тұрғызылған таста алтын шара ұстаған әйел бейнеленген. Қолындағы шара тыныштық пен гүлденудің белгісі. Барельефтің оң жағында кеңес әскерлері, ал сол жағында жоңғар шапқыншылығында қаһармандық танытқан қазақ батырлары бейнеленген. Төменгі жақта мәңгілік алау орналасқан.

«Кім көп біледі?». Берілген сұрақтарға әр топ қол көтеріп жауап беру.

1. Қазақстан тарихында неше астана болды? (төрт)

2. Орынбордан астана қай қалаға ауысты? (Қызылорда

3. Қазақстанның алғашқы астанасы қай қала? (Орынбор)

4.Астана Алматыдан қай қалаға көшірілді? (Астана)

5.Астана қаласының бұрынғы атауы? (Ақмола)

6.Астана қаласының бұрынғы атауы? (Ақмола)

7.Ақмоланы Астана деп атауға жарлық қай жылы шықты. (1998.6.05.)

8. Астана қай өзеннің бойында орналасқан? (Есіл)

Ән тыңдау: «Көк тудың желбірегені»

«Бұл қай ғимарат?»

1. Хан шатыры –

Сұрақ: Бұл қандай ғимарат, қай қалада?

2. Бейбітшілік пен келісім сарайы

Сұрақ: Бұл қандай ғимарат, қай қалада?

Шығармашылыққа баулу.

«Қылқалам»

Берілген тақырыпқа сурет салу

Тақырыптар:

1.Астана елдің –жүрегі.

2. Тәуелсіздік түндігі – Астана

3. Астана- әлемдік қала

4. Киелі менің Елордам.

Тамаша өлең таңдайға татып балдай, Өз тілінде жыр оқу бақыт қандай! Жан-дүниең жарқырап сала берер, Ағарып келе жатқан атып таңдай- деп ақын жырлағандай, келесі кезегіміз мәнерлеп оқу .

Әр топтан бір оқушы шығып өздері жаттаған өлеңдерін мәнерлеп, жатқа айту.

«Ұйқасын тап»

1-топ: Жайнай бер, жаңа Астанам,

Ертегідей ғажап бас қалам.

2-топ: Мынау менің Астанам,

20-ға толған жас қалам.

3-топ: Астанам – асқарымдай көрінесің,

Өлең боп көкірегімнен өрілесің,

3-топ : Астана - ару қала, аппақ қала,

Көрінген көкжиектен асқақ дара.

«Бес жолды өлең» әдісі

Ән : «Атамекен»

Сабақты қорытындылау

Н.Ә.Назарбаетың сөзімен аяқтау:

«Астана- бұл менің төл перзентім.Әр адам, тегінде өз қаласын сүйетін шығар.Ал біз- астаналақтар өзіміздің жас қаламызды үш есе артық сүйеміз, өйткені оның құрылысын тақыр жерден бастадық.Мұндағы әрбір жаңа ғимарат біздің жүрегімізден шыққан, өйткені олар туған сәтінен бастап біздің көз алдымызда…

Ал, балалар, Астана туралы көптеген өлеңдер оқып, ойларыңды ортаға салдыңдар, көп рахмет. Астанамыздың мерейі үнемі асқатай берсін! Елімізді қорғап, қастерлеу, әрқайсымыздың міндетіміз, парызымыз екенін ұмытпайық!

Үй тапсырмасы: Астананың ғимараттарын салу

Бағалау Оқыту үшін бағалау және оқуды бағалау

Кері байланыс «Басбармақ»

Сурттер

Стикерлер

Слайд

Парақшалар

Слайд

Талдау: Өзін-өзі тану сабағының әдістемелік тәсілдерін қолдану арқылы бейнелеу өнері сабағында оқушылармен жалпыадамзаттық құндылықтардың бірі сүйіспеншілікті сабақ мазмұнына кіріктірдім.

Оқушылар Отанымыздың тарихы, Астана туралы мағлұмат алып, алған білімдері бойынша бойларында сүйіспеншілік құндылығының мәнін ашуарқылы жаңа астананың көрікті жерлері туралы білімдері кеңейді. Астананың көрікті жерлерімен танысты. Отанға деген сүйіспеншілік сезімдері арта түсті. «Атамекен» әнін орындап, өлең шумақтарын құрастырды. Астананың әсем жерлерінің суреттерін өз шығармалары арқылы суреттеп бере алды.

Пән иесі: Серикбаева Р.Д.

«Өзін-өзі тану» пәнімен интеграцияланған қазақ тілі пәні сабағының жоспары

Мектеп: №126 Б. Майлин атындағы жалпы орта мектебі Мерзімі: 18.10.2018 жыл Мұғалім: Серикбаева Раушан Дуйсенбаевна Сынып: 4 «а» Оқушы саны: 25 оқушы Тақырыбы: Жай сөйлем және құрмалас сөйлем Құндылық: Дұрыс әрекет Қасиеттер: шындықты айтуға, уәдені орындауға, ата-ананы, үлкендерді сыйлауға, тіл алғыш болуға баулу .

Сабақтың мақсаты: Оқушыларға құрмалас сөйлем туралы алғашқы мағлұмат беру..

Сабақтың міндеттері:

Құрмалас сөйлемнің екі жай сөйлемнен құралатынын аңғартып, мысалдар арқылы айтылуындағы айырмашылықтарына көз жеткізу.

Жай сөйлемдерден құрмалас сөйлемдер жасаужәне құрмалас сөйлемдерді жай сөйлемдерге айналдыру.

Шындықты айту арқылы уәдені орындауға, ата-ананы, үлкендерді сыйлауға, тіл алғыш болуға тәрбиелеу.

Ресурстар: (материалдар)

Сыртқы интеграция: (Өзің-өзі тану сабағының әдістемелік тәсілдерін қолдану)

Тыныс алуға зейін қою.

Мұғалім: Сіздердің аяқ-қолдарыңызды айқастырмай, түзу отыруларыңызды өтінемін. Біз қазір тыныс алу жаттығуын жасаймыз. Тыныс алуға зейін қою кезінде, біздің ақылымыз тынышталады. Тыныс алу кезінде тыныштық пен ризашылық қабылдаймыз. Тынысты шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз ... , арқамызды тік ұстаймыз ... , қолдарыңызды тізелеріңіздің үстіне қоюға болады ... .

Тыныс аламыз ... , тыныс шығарамыз. (9-10 рет).

Топқа тапсырма

Жайылма сөйлемдерді сөйлем мүшелеріне талдау, байланысын сызбамен көрсету. Біз хат жаздық.ә) Сұрақтар: 1. Жалаң сөйлем дегеніміз не?2. Жайылма сөйлем дегеніміз не?б) «Ұстазды атаңдай сыйла» мақалының мағынасын түсіндір.

Жай сөйлемКүн ұзарды. Түн қысқарды.Қыс түсті. Төңіректі түгел қар басты.Құрмалас сөйлемКүн ұзарды да, түн қысқарды.Қыс түсті де, төңіректі түгел қар басты.

Шығармашылық іс-әрекет, топтық жұмыстар

Оқулықтағы тапсырмаларды орындау.

1-жаттығу Мақалды оқып, тұрлаулы мүшелерді тап.

Өнер-ағып жатқан бұлақ,

Білім-жанып тұрған шырақ.

Бақыт кілті-еңбек.

2-жаттығу Сурет бойынша мамандық иелері аспазшы мен сатушы туралы

әңгіме құрастыру

3-жаттығу Жұмбақты шеш, жатқа жаз.

Бейнесі суда дірілдейді,

Қармаққа бірақ ілінбейді.

4- жаттығу Құрмалас сөйлемдердің жалғасын тауып жаз.

«Бір күні Жамандық жаяу келе жатса, (артынан бір кісі қуып жетіпті.) Екуі жөн сұасып, и( қайда бара жатқанын білісіпті).Ол келген Жақсылық екен. Сонда Жамандық тұрып:

Жақсылық, мені атыңа мінгестіре кетші,-депті.

Жақсылық: