Астана әсемдік қала тақырыбындағы материал

«Өзін-өзі тану» пәнімен интеграцияланған бейнелеу өнері пәні сабағының жоспары

Мектеп: №126 Б. Майлин атындағы жалпы орта мектебі Мерзімі: 15.01.2019 жыл Мұғалім: Амирбекова Гүлназ

Сынып: 4 «а» Оқушы саны: 25 оқушы Тақырыбы: Астана-әсемдік қала Құндылық: Дұрыс әрекет Қасиеттер: Ақиқат, дұрыс әрекет, сүйіспеншілік

Сабақтың мақсаты:

Оқушыларды Қазақстан республикасының астаналарының тарихымен

таныстыру , жаңа астананың көрікті жерлері туралы білімдерін кеңейту

Сабақтың міндеттері:

Астананың мемлекетіміздің биік мәртебесі, жоғары дәрежесі, елдік пен

тұтастықтың, бірліктің тұтқасы екендігін таныту.

Оқушыларды Отанды қорғап, Астанамызды құрметтеуге тәрбиелеу.

Ресурстар: (материалдар)

Сыртқы интеграция: (Өзің-өзі тану сабағының әдістемелік тәсілдерін қолдану)

Тыныс алуға зейін қою.

Мұғалім: Сіздердің аяқ-қолдарыңызды айқастырмай, түзу отыруларыңызды өтінемін. Біз қазір тыныс алу жаттығуын жасаймыз. Тыныс алуға зейін қою кезінде, біздің ақылымыз тынышталады. Тыныс алу кезінде тыныштық пен ризашылық қабылдаймыз. Тынысты шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз ... , арқамызды тік ұстаймыз ... , қолдарыңызды тізелеріңіздің үстіне қоюға болады ... .

Тыныс аламыз ... , тыныс шығарамыз. (9-10 рет)

«Білесің бе, Елорданың тарихын?»

- Алтыншы маусым қандай күн?

Дұрыс айтасыңдар, балалар! Қазақстанның тарихи даму барысында астана қызметін атқарған қалалар:

1920-1924жылдары Орынбор қаласы

1924-1929жылдары Қызылорда (Ақмешіт) қаласы

1929-1997 жылдары Алматы қаласы

1997 жылдан бастап Астана

Қазақ АССР-і атанып бөлінді. 1920-1925 жылдары Орынбор қаласы астана болды. 1925 жылы әкімшілік орталық Орынбордан Ақмешітке көшірілді. Ақтың бояуы ұнамаған большевиктер Ақмешітті Қызылорда деп өзгертті. 1929 жылдан 1997 жылға дейін Республика астанасы Алматы болды. Үш ғасыр бойы бодандықта болған жұртымыз Алматыда өз тәуелсіздігін алды. Ата Заңын қабылдап, мемлекеттік рәміздерді белгіледі. 1994 жылы Республика Парламенті Қазақстан астанасын Ақмолаға көшіру туралы ұйғарым жасап, одан кейін Республика Президентінің "Қазақстан Республикасының астанасы туралы" Жарғысы шықты. Осы құжаттарға сәйкес 1997 жылдың 10-ші желтоқсанында Қазақстанның астанасы Ақмолаға көшірілді. Жаңа астананы дүние жүзіне таныстыру рәсімі 1998 жылдың 10 маусымында болды.

Қазіргі уақытта Астана қаласы- Қазақстанның саяси және мәдени орталығы.Бұл қаланың тарихы көне замандардан басталатынын К.Ақышев бастаған Қазақстан ғалымдары дәлелдеді.Бұл тарихи ескерткіш Бозоқты көлінің шығыс жағалауын алып жатыр. Ескерткіштің жалпы көлемі және қоршаған ауыл шаруашылық аумағы- 30 гектар.

Бұл күнде осы қалашықтың орнына жақын жерден еліміздің астанасы- Астана қаласы бой көтерді. Астана қаласына сән беріп тұрған көптеген көрікті ғимараттар бар. Айта кететін болсақ , Бәйтерек, Нұр астана мешіті, спорт алаңы т.б. Нұр-Астана мешіті (ағылш. Nur-Astana Mosque), Астана қаласында орналасқан мешіт. «Нұр Астана» мешіті 2005 жылдың 2 наурызында ашылды. Мешіт Астана қаласындағы Есіл районында орналасқан. Мешіттің іргетасы 2002 жылы қаланған болатын. Бәйтерек (монументі) Есіл өзенінің сол жағалауында бой көтерген зәулім «Бәйтеректің» биіктігі 97 м (Астана қаласының елорда статусына ие болған жылға байланысты таңдалған), диаметрі 27 м; Астананың орталығында көкке бой созып тұрған «Бәйтерек» – қазіргі Қазақстанның нышан-символы, қазақ халқының қайта өрлеуі мен түлеуінің, мемлекеттілігінің, биіктік пен тереңдіктің, кеңдіктің белгісі, дархандықтың көрінісі іспетті. Ол елорданың халық көп баратын жерінің бірі.«Хан Шатыр» - Қазақстанның астанасы Астана қаласындағы ірі ойын-сауық және сауда-саттық орталығы (Астананың жаңа символы) 2010 жылы 6-шілдеде Астана күніне орай ашылған. Хан Шатыр, әлемдегі шатыр түрді құрылыстардың ең орасан зоры болып, және Қазақстандағы сауда орталықтарының е

Ақ Орда резиденциясы — Қазақстан Республикасы Президентінің Резиденциясы.

Астана қаласы Есілдің сол жағалауындағы жаңа әкімшілік орталығының аумағында 2001 ж. қыркүйек айында салына бастады. Ғимараттың жалпы көлемі 36 720 m2. Қазақстан Республикасы Президентінің Ақ ордасының ресми тұсаукесері 2004 ж. желтоқсанның 24 күні өтті. Ғимарат қазіргі заманғы құрылыстың ең таңдаулы әдістерін қолдана отырып, монолит құйматастан салынған. Шатырсүмбіні қоса есептегендегі ғимараттың биіктігі 80 м. Қасбеттің қаптамасы қалыңдығы 20—40 см. болатын итальян мәрмәрынан жасалған. Ғимарат жер бетінде 5 және жер астындағы 2 қабаттан тұрады, оның ішінде жер бетіндегі 1-қабаттың биіктігі 10 м., қалған қабаттардың биіктігі 5 м.

. «Отан Ана» кешені. Жоңғар шапқыншылығы мен Ұлы Отан Соғысы кезінде ерлікпен қаза тапқан жандардың құрметіне салынған. Ұзындығы 24 метрді құрайтын мемориал ортасында граниттен тұрғызылған таста алтын шара ұстаған әйел бейнеленген. Қолындағы шара тыныштық пен гүлденудің белгісі. Барельефтің оң жағында кеңес әскерлері, ал сол жағында жоңғар шапқыншылығында қаһармандық танытқан қазақ батырлары бейнеленген. Төменгі жақта мәңгілік алау орналасқан.

«Кім көп біледі?». Берілген сұрақтарға әр топ қол көтеріп жауап беру.

1. Қазақстан тарихында неше астана болды? (төрт)

2. Орынбордан астана қай қалаға ауысты? (Қызылорда

3. Қазақстанның алғашқы астанасы қай қала? (Орынбор)

4.Астана Алматыдан қай қалаға көшірілді? (Астана)

5.Астана қаласының бұрынғы атауы? (Ақмола)

6.Астана қаласының бұрынғы атауы? (Ақмола)

7.Ақмоланы Астана деп атауға жарлық қай жылы шықты. (1998.6.05.)

8. Астана қай өзеннің бойында орналасқан? (Есіл)

Ән тыңдау:» Көк тудың желбірегені»

«Бұл қай ғимарат?»

1. Хан шатыры –

Сұрақ: Бұл қандай ғимарат, қай қалада?

2. Бейбітшілік пен келісім сарайы

Сұрақ: Бұл қандай ғимарат, қай қалада?

Сурттер

Стикерлер

Слайд

Парақшалар

Ішкі интеграция:

«Қылқалам» Берілген тақырыпқа сурет салу

Тақырыптар:

1.Астана елдің –жүрегі.

2. Тәуелсіздік түндігі – Астана

3. Астана- әлемдік қала

4. Киелі менің Елордам.

Тамаша өлең таңдайға татып балдай, Өз тілінде жыр оқу бақыт қандай! Жан-дүниең жарқырап сала берер, Ағарып келе жатқан атып таңдай- деп ақын жырлағандай, келесі кезегіміз мәнерлеп оқу . Әр топтан бір оқушы шығып өздері жаттаған өлеңдерін мәнерлеп, жатқа айту.

«Ұйқасын тап»

1-топ: Жайнай бер, жаңа Астанам,

Ертегідей ғажап бас қалам.

2-топ: Мынау менің Астанам,

20-ға толған жас қалам.

3-топ: Астанам – асқарымдай көрінесің,

Өлең боп көкірегімнен өрілесің,

3-топ : Астана - ару қала, аппақ қала,

Көрінген көкжиектен асқақ дара,

Ән : Атамекен.

Сабақты қорытындылау

Н.Ә.Назарбаетың сөзімен аяқтау:

«Астана- бұл менің төл перзентім.Әр адам, тегінде өз қаласын сүйетін шығар.Ал біз- астаналақтар өзіміздің жас қаламызды үш есе артық сүйеміз, өйткені оның құрылысын тақыр жерден бастадық.Мұндағы әрбір жаңа ғимарат біздің жүрегімізден шыққан, өйткені олар туған сәтінен бастап біздің көз алдымызда…

Ал, балалар, астана туралы көптеген өлеңдер оқып, ойларыңды ортаға салдыңдар, көп рахмет. Астанамыздың мерейі үнемі асқатай берсін! Елімізді қорғап, қастерлеу, әрқайсымыздың міндетіміз, парызымыз екенін ұмытпайық!

Үй тапсырмасы: Астананың ғимараттарын салу

Бағалау Оқыту үшін бағалау және оқуды бағалау

Кері байланыс «Басбармақ»

«Өзін-өзі тану» пәнімен интеграцияланған әдебиеттік оқу пәні сабағының жоспары

Мектеп: №126 Б. Майлин атындағы жалпы орта мектебі Мерзімі: 12.12.2017 жыл Мұғалім: Серикбаева Раушан Дуйсенбаевна Сынып: 3 «а» Оқушы саны: 25 оқушы Тақырыбы: Т. Айбергенов «Ақ қыс» Құндылық: Ақиқат, сүйіспеншілік, дұрыс әрекет Қасиеттер: тек жақсы сөздерді айту, бәрін жақсы көру арқылы шындықты айту

Сабақтың мақсаты: Ақынның қыс бейнесін суреттеуіне қарап, өлеңдегі кейіпкердің көңіл-күйін іздеуге, лириканы түсінуге мүмкіндік беру.

Ақынның қыс мезгілін – ақ қолғапқа, іздерді – рояльдың ақ пернелеріне, сықырлаған қар дыбысын – аппақ әуенге теңеуі арқылы оқушылардың қиялын, ой - өрісін дамыту.

Сабақтың міндеттері:

1.Өлеңдегі қыс бейнесін басқа ақындардың қысымен салыстыру.

2. Табиғаттың сұлулығын тану

3.Табиғат құбылыстары арқылы оқушыны шындыққа қарым-қатынасының қалыптасуына жағдай жасау.

Ресурстар: (материалдар, көздері)

Сыртқы интеграция (Өзін-өзі тану сабағының әдістемелік тәсілдерін қолдану)

Сабақтың барысы:

І. Психологиялық ахуал

Қайырлы күн, досым!

Қайырлы күн болсын.

Сейсенбінің сәті

Қуанышқа толсын!

Біздің алар бағамыз

Тек «5» қана болсын.

ІІ. Қызығушылықты ояту «Ой қозғау» 1. «Үсті – басы – ақ ... , түсі ... , Басқан жері ... келіп қалды.» 2. - Қыстың сәні не? 3. – Қысқы табиғат құбылыстарын ата. - Боран, қар, бұршақ, шық, мұз, т.б 4. Жұмбақ шешуЖайған жастық сөгілді,Аппақ мамық төгілді. (Қар)5. Жаңылтпашты жаңылмай айт.Қарға қара, Қар ақ...Қар жамылған дала ақ.Дарақ та ақ, Тал ақ,Тағы не ақ? Санап, жаңылысты Қанат.

ІІІ Мағынаны тану

1. Төлеген Айбергенов – қазақ кеңес ақыны. 1937 жылы қарақалпақ елінің Қоңырат ауданында дүниеге келген.

2. Абай Құнанбаевтың «Қыс» өлеңі мен Төлеген Айбергеновтың «Ақ қыс» өлеңін салыстыру. « Венн диаграммасы»

● Т. Айбергенов.1937 - 1967жж. Қарақалпақ елінің Қоңырат деген жерінде дүниеге келген.● Ұқсастықтары: Ақын. Қыс мезгіліне байланысты өлеңдері бар. Өлеңдері теңеу түрінде● А. Құнанбаев 1845-1904 ж. ж. қазақ елінің ұлы ақыны3. Өлең мазмұны бойынша жұмыс

Тапсырма бойынша ақын көзіне көрінген ақ заттарды өлеңнен теріп айту.

Олар: ақ қолғап, ақ қыс, аппақ сәукеле, аппақ тау, төбе, рояльдің ақ тілі, ақ әлем, аппақ әуен.

Ақындардың портреттері

«Венн диаграммасы»

Ішкі интеграция (жалпыадамзаттық құндылықтарды сабақ мазмұнына интеграциялау)

1.Қыс, қар деген сөздердің әрбір әрпіне бірнеше сын есім тауып жазу керек. (қыс мезгіліне байланысты.)Қ – қаһарлы, қызықты Қ - қуаныштыЫ – ызғарлы, ылғалды А - аппақС – суық, салқын Р – рақат

2. « Ақ » сөзіне синоним сөздерді ата.

3. VII қысқы Азия ойындары туралы мәлімет беріп өту. Азия ойындарының ұраны: Мақсаты бірдің – рухы бір.- Ал біздің ұранымыз не?- Оқып, білім алу, тәрбиелі, жақсы азамат атану.4. «Адасқан әріптер» ойыныЕККОХЙ – ХОККЕЙ УАҚЫР - ҚЫРАУ АЛАҚҚА – АҚҚАЛА ЗҰМ – МҰЗ ЖҢАА ЛЖЫ – ЖАҢА ЖЫЛ ЫҒҢАШ – ШАҢҒЫ АНША – ШАНА СТААНА – Астана МАЛЫТА – АЛМАТЫ ЫМЕШКТН - ШЫМКЕНТ

Сергіту сәті Биші болам Аппақ көйлек киемін Қос етегі бүрмелі. Кестелеген жиегін Кең даланың гүлдері.

5. «Бес жолды өлең»

1-жолда-өлең тақырыбы (негізінен зат есім)

2-жолда-тақырыпқа сипаттама (екі сын есім)

3-жолда- әрекет (тақырыпқа қатысы бар үш етістік)

4-жолда- сезім (тақырыпқа автордың қарым-қатынасын білдіретін төрт сөз)

5-жолда- бірінші жолдың синонимі (зат есім)

1-жол. Қыс. 2-жол. Аппақ, таңғажайып. 3-жол. Құшақтайды, сақылдайды, омбылайды. 4-жол. Айнала әдемі,қызықты екен (Көз тоймайтын ғажайып әлем) 5-жол. Табиғат.

Сабақтың қорытынды сәті

Үй тапсырмасы: Өлеңді жаттау

Бағалау Оқыту үшін бағалау және оқуды бағалау

Кері байланыс «Басбармақ»

Парақшалар

Стикерлер

«Өзін-өзі тану» пәнімен интеграцияланған қазақ тілі пәні сабағының жоспары

Мектеп: №126 Б. Майлин атындағы жалпы орта мектебі Мерзімі: 15.02.2018 жыл Мұғалім: Серикбаева Раушан Дуйсенбаевна Сынып: 3 «а» Оқушы саны: 25 оқушы Тақырыбы: Негізгі және туынды зат есім Құндылық: Дұрыс әрекет Қасиеттер: Ақиқат, дұрыс әрекет, сүйіспеншілік