Астана инновациялық идеялар қаласы тақырыбындағы эссе

Қажымұқан ауылы, №4 мектеп

«Астана – инновациялық идеялар қаласы»

(эссе)

Бастауыш сынып мұғалімі:Қондыбаева Э.Б

2017-2018 оқу жылы

Бүгінде әлеуметтік даму биігіне ұмтылған өркениетті елдерде «ақылды» қалалар қалыптастыру дәстүрі әлемдік үрдіске айналған. Бұл үрдісті ұстанған елдердің басты мақсаты қалалардың тұрмыстық қызмет көрсету сапасын барынша дамыту арқылы тұрғындардың өмір сүру дәрежесін биік деңгейге көтеру болып табылады. «Ақылды» қалалар қатарына экономикалық, экологиялық және әлеуметтік ахуалы тұрақты, қызмет көрсету инфрақұрылымы дамыған қалалар жатады. Өз кезегінде «ақылды» қала жобасына қосылған қалаларға дарынды мамандар және озық технологиялар мен инновациялар көптеп тартылады. Қазіргі таңда әлем жұртшылығы көз тіккен ЭКСПО-2017 халықаралық көрмесін жоғары деңгейде өткізіп жатқан елордамыз Астана осы талаптар биігінен көрінуде.

Осыған байланысты Мемлекет басшысы елорданың даму бағдарламалары қаралатын дәстүрлі кеңестің 2012 жылғы 22 сәуірдегі отырысында Астананы болашақ қаласы ретінде дамытудың «Smart City» – «Ақылды қала» халықаралық форматының «Smart Astana» жобасын 2017 жылға дейін іс жүзіне асыру міндетін күн тәртібіне қойған болатын. Міне, осы бір келелі міндетті орындау мақсатында Астана қаласының әкімдігі «Smart Astana» тұғырнамасы аясында алдымен екі ірі қанатқақты жобаны – «Қауіпсіз қала – Астана қаласының тіршілік қызметін кешенді қамтамасыз ету жүйесі» (ТҚКҚЖ) және «Интеллектуалды көлік жүйесі» (ИКЖ) жобаларын іс жүзіне асыруды қолға алды. «Smart Astana» жобасының басты мақсаты елорда тұрғындарының тұрмыс дәрежесін, әл-ауқатын арттыру, Астана қаласының инфрақұрылымын жақсарту және одан әрі жаңғырту, қоғамдық қауіпсіздік дәрежесін арттыру болып табылады. Бұл заманауи жобаның негізгі операторы «Astana Innovations» АҚ болып табылады. «Smart Astana» жобасының үлгісіне мынандай алты тұғырнамаға негізделген еуропалық «ақылды» қалаларды дамыту моделі алынған: ақылды экономика, ақылды басқару, ақылды өмір сүру деңгейі, ақылды жұмылу, ақылды адамдар және ақылды қоршаған орта. Астана қаласының әкімдігі қ