Астана – Отанымыздың жүрегі, бастауышқа ғылыми жұмыс

№4 негізгі мектебі

Астана – Отанымыздың

жүрегі

Орындаған : Аманжолова Жансая 5 сынып оқушысы

Жетекшісі: Қондыбаева Эльмира Байузаковна бастауыш сынып мұғалімі

2018 жыл

«Астана – Отанымыздың жүрегі,

тәуелсіздігіміздің тірегі»

Н.Ә.Назарбаев

1999 жылы ЮНЕСКО-ның шешімімен Астана «Әлем қаласы» атағына ие болды.

Астана – сәулеті келіскен алып шаһар. Бас қаладағы ең ғажайып, әсем мұнара – Бәйтерек. Тіршілік иелеріне тірек, сүйеніш, қорған, пана деген ұғымды білдіретін алып мұнара еліміздің символына айналған. Гүлденген Астанамыз, түрленген жас қаламыз – елдік пен тұтастықтың ғажайып үлгісі.

Кіріспе

Бозоқ – Дешті Қыпшақ астанасы

Ата Түріктің ортаншы ұлы Бозоқ Ұлы Даланың орталық бөлігі саналатын Сарыарқаға ордасын тікті. Бозоқ қаласы X-XІ ғасырларда тұрғызылған және Дешті Қыпшақтың көшпелі тайпаларынан шыққан әміршінің тұрағы, ордасы болған дейді. Қаланың тарихында екінші кезең Қыпшақ хандығының (Х-ХІғ.) далада күшею кезеңіне келеді. Қыш кірпіштерден және ағаштан үйлер салды. Алаңдар ортасында киіз үйлер тұрды. Осы орынды игерудің үшінші кезеңі алтын орда дәуірінде (XIII-XIV ғ) басталды және жаңа мерзімге дейін жалғасты.

Ақмола бекінісі 1822 жылы Александр Бірінші Сібір қырғыздары туралы жарғы қабылдайды. Ақмола аумағында көшіп жүрген орта жүз қайта құрылған Омбы облысының құрамына кіріп, әкімшілік өңірлер мен ауылдарға бөлінеді. 1830 жылы 28 мамырда Ақмола бекінісін салу туралы мәселе шешіледі.

Целлинниктер қиылысы

Ақмола облысындағы бірінші мешіт. Тәуелсіздік айнасы

Ақмола. Кубриннің үйі.

Тың игеру: Ақмола тарихының келесі бір кезеңі — тың жерлерді игеру жылдары. Бүкіл одақтың жастары Никита Сергеевич Хрущевтің орасан күрделі ойын іске асыру үшін жолға шықты. 1954 жылдың екінші наурызында еріктілердің бірінші эшалоны Алматыдан, ал бесінші наурызда Мәскеуден келді.

Тарихи деректерге сүйенетін болсақ, 1953–1958 жылдар аралығында, Ақмола облысына 270 мың адам келген.

Жаңа Астана

1992 жылы Целиноград қайта Ақмола атана бастады. Ал 1994 жылғы 6 шілдеде Қазақстан Республикасы Жоғары кеңесінің астананы Алматыдан Ақмолаға көшіру туралы қаулысы қабылданады.

1998 жылы 6 мамырда жаңа елорданың атауы Астана болып өзгертілді. 1998 жылы 10 шілде Қазақстанның жаңа елордасы — Астананың халықаралық тұсауы кесілді.

Иә, Астана – Елбасының төл перзенті. Елбасы – Астананың авторы һәм сәулетшісі.

Астана – Н.Ә.Назарбаевтың туындысы

Көшбасшылығында – көрегендік, саясатында – сұңғылалық бар біздің Президенттің Астана жөніндегі бастамасы ажарлы Арқа төсін үміт пен сенімнің символына айналдырды. Оның айғағы – Астана! Ал, Астананың авторы – Тәуелсіздік дәуірінің көшбасшысы Нұрсұлтан Назарбаев.

Астана – қазақ елі болашағының қаласы. Мәдениеттің ошағы, ғылым мен білімнің ордасы. Еліміздің көгілдір туы желбіреген тәуелсіздігіміздің ордасы.

Жас Астана болса, жыл сайын жайнап көркейе түсуде. Бас-аяғы он жылдың ішінде әлем жұртшылығы таныған айбыны аскақ шаһарлардың қатарына қосылды. Елордамыз ел кіндігі Арқа төрінде ту тіккелі бері тәуелсіз республикамыздың өрлеуі мен өркендеуінің басты нышанына айналды.

Астананың айшықты жылдары