Астана қаласындағы ауқымды мәселелер туралы материал

Менің қаламдағы ауқымды проблема

Қазіргі таңда экология мәселесі тек жаһандық деңгейде емес, сонымен қатар әрбір қала тұрғынының күнделікті өміріне тікелей әсер ететін өзекті тақырыпқа айналды. Осы орайда мен тұрып жатқан Астана қаласында да қоршаған ортаның жағдайы алаңдаушылық тудырады. Астанадағы ауа сапасының төмендеуі мен ластану деңгейінің артуы – қаламыздағы ең ауқымды әрі маңызды проблемалардың бірі. Бұл мәселе тұрғындардың денсаулығына қауіп төндіріп, қаланың өмір сүру сапасына кері әсерін тигізуде. Менің ойымша, Астана қаласындағы экологиялық жағдай – ауа ластануы, көлік санының артуы және көмірмен жылытудың кең таралуы салдарынан күрделеніп отыр; бұл мәселені шешу үшін кешенді шаралар қажет.

Астанадағы ауа сапасының төмендеуі – экологиялық мәселенің басты көрінісі.

Ауа ластануы жыл сайын күрделеніп келеді, әсіресе қыс мезгілінде. Себебі жеке үйлер мен жылу электр станциялары көмірмен жылытылып, атмосфераға зиянды қалдықтар таратады. Мәселен, Экология министрлігінің мәліметінше, Астана ауасының ластану деңгейі қауіпсіз шекті деңгейден жиі асып кетеді.Бұл көрсеткіштер экологиялық жағдайдың қаншалықты нашарлағанын көрсетеді және тұрғындардың денсаулығына нақты қауіп төндіреді.Сол себепті, таза ауа – қала өмірінің сапасын анықтайтын басты факторлардың бірі болып отыр.

Көлік санының артуы – қаланың экологиялық жағдайына қосымша салмақ түсіріп отыр. Соңғы жылдары жеке автокөліктер саны күрт өсті, бұл қала көшелеріндегі кептелістермен қатар ауаға таралатын газ қалдықтарының көлемін ұлғайтады. Мысалы, әрбір көлік күніне шамамен 4-5 кг зиянды зат шығарады, бұл мыңдаған көлік бар мегаполис үшін өте жоғары көрсеткіш. Анализ жасап қарасақ, егер тұрғындар қоғамдық көлікті жиірек пайдаланса немесе электрокөлікке көшсе, бұл мәселенің бір бөлігін азайтуға болар еді. Сондықтан да экологияны жақсарту – тек биліктің емес, әрбір азаматтың жауапкершілігі.

Экологиялық мәселелерден тұрғындардың денсаулығы да зардап шегуде. Ауа сапасының төмендігі тыныс алу органдарының ауруларын, аллергияларды және жалпы иммунитеттің әлсіреуін туғызады. Дәрігерлердің айтуынша, балалар мен қарттар арасында өкпе және жүрек-қан тамырлары ауруларына шалдыққандардың саны артып келеді. Бұл тек медициналық емес, әлеуметтік мәселе де, себебі денсаулығы нашар тұрғын – жұмысқа жарамсыз, белсенді емес қоғам мүшесіне айналады. Демек, экология тек табиғат…