Ата-ана мен ұжымның бірлескен жұмыс бағыттары

Жангелдин ауданы әкімдігі білім бөлімінің «Балдырған» бөбекжай-балабақшасы МКҚК

Баяндама

Тақырыбы: Ата-анамен ұжым арасындағы біріккен жүйелі жұмыс бағыттары

Психолог: Әнуарбек Ж.Ә.

2018ж

Қазіргі заман талабына сай оқу-тәрбие үрдісін ұйымдастыру, әр баланы қайталанбас жеке тұлға ретінде қабылдап, оның жан-жақты дамуын зерттей отырып, оқытып-тәрбиелеу сол баланың ата-анасының қатысуынсыз іске аспайтындығы бәрімізге мәлім. Осындай күрделі, жауапкершілігі мол міндеттерді іске асыруда ата-аналардың рөлі зор. Бала алғашқы тәрбие негізін отбасынан алады. Отбасы ұлттық тәрбие себуші субстанция. Осыған орай ата-аналармен біріккен жұмыс мынадай негізгі ұстанымдарымен құрылады: бірлік, жүйелілік, әр балаға және әр отбасыға жекелей тұрғыдан қарау, ата-аналардың бір-біріне сенімі мен өзара көмегі. Осы аталған ұстанымдарды жүзеге асыруда мекеме тәрбиеші-педагогтары жылдық жоспарда көрсетілген «Ата-аналармен біріккен жұмыс бағыттары» сызбасына сүйенеді. Осы көрсетілген бағыттардың мақсат-міндеттері төмендегі жұмыс түрлері негізінде жүзеге асырылады. Олар: ата-аналарды балабақша-бөбекжаймен таныстыру, топтық жиналыстар өткізу, ата-аналар конференциясы, дөңгелек үстел, тренингтер, педагогикалық кеңеске қатыстыру, педагогикалық әңгімелер кеші, көрнекі-насихаттық жұмыстар. Ата-аналармен жүргізілетін қарым-қатынас түрлері: жазбалар, күнделіктер, балалардың қатысуымен және олар жоқ кез

Ата-аналарды балабақша-бөбекжаймен таныстыру. Мұндай таныстыру жұмысы бір рет жыл басында жүргізіледі. Мақсаты: ата-аналарды өз балаларының бідім және тәрбие алатын ортасымен таныстыру. Яғни, сол ортаның материалдық-техникалық базасымен және оқу-әдістемелік қамтамасыздану дәрежесімен, педагогикалық ұжыммен, қосымша мамандармен таныстыру арқылы олардың оң көзқарастарын қалыптастыру. Достық қарым-қатынас құру.

Ата-аналармен топтық жиналыстар өткізу. Мақсаты: топтың әлеуметтік жағдайымен таныстыра отырып, бала дамуына байланысты заттық дамытушы ортаны құруға ат салысуға жұмылдыру. Топ балаларының жетістіктерімен ата-аналарды ақпараттандыру. Сонымен қоса, топтың түрлі мәселелерін шешу қарастырылады.

Ата-аналар конференциясы. Конференцияда түрлі жағдаяттарды модельдеу арқылы белгілі бір тақырып бойынша ата-аналарға балабақша-бөбекжайдың тыныс-тіршілігін таныстыруға мүмкіндік береді.

Ата-аналармен дөңгелек үстел. Дөңгелек үстел еркін ашық әңгімелесуге бағытталған. Бұл ата-аналардың ашылып әңгімелесулеріне мүмкіндік береді. Тақырыптар тәрбиешінің қалауымен немесе ата-аналардың сұранысымен талдануы мүмкін.

Тренингтер. Ата-аналар мен бала арасындағы жақындықты қалыптастыру. Қарым-қатынастың ерекшеліктерін психологиялық жаттығулар арқылы көрсету.