Бала, балабақша және тәрбие ата-аналармен жұмыс

Дүниенің ең тамаша туындысы-тамаша тәрбие алып шыққан адам.

Бүгін өсіп келе жатқан сәбилер ертеңіміздің жалғасы. Әрбір психолог , педагог, әрбір ата-ана, бала дамуының психологиялық ерекшеліктерін білмесе, балаға үлгі өнеге көрсете алмаса, баланың өсуіне жағдай жасамаса, онда тәрбиелі жан-жақты дамыған бала тәрбиелеу екіталай. Әр бала сезімтал, байқағыш болып келеді. Олардың әр сұрағына дұрыс жауап беру, оны түсіндіру, ой-өрісін ұштау баршамыздың парызымыз.

Кейде балаға талап қоямыз да, оны орындауға жағдай жасамай, әрі нәтижесін қадағаламай жатамыз. Жасыратыны жоқ кейбір ата-ана баланың еңбегіне немқұрайлы қарайды. Үй тірлігіне қатысты шаруаға араластырмайды, баланың жан-жақты дамуына көңіл бөлмейді. Бала бір жұмысты істеймін десе, «бұзасың», «бүлдіресің» деп ештеңеге жолатпайды. Сөйтіп баланың көрсем, білсем, үйренсем деген ынтасын тежейді. Осыдан бала жалқау, тілазар болып шығады. Үлкендер баланың сұрақтарына ерінбей жауап беріп, қызықтыратын, еліктіретін әрекет жасаса, ол кез келген тапсырманы орындауға құштар келеді. Баланы ренжіту, ырқынан тыс нәрсені күштеп орындату дұрыс емес. Мұндай әрекет баланы ызақор, жасқаншақ, ашуланшақ, өз-өзіне сенімсіз етеді.

Қазіргі таңда біздің елімізде, балаларды дамытатын, қосымша сабақтар беретін орталықтар ашылып жатыр. Олардың әрқайсысының пайдасы орасан көп. Мектеп ішінде де шағын орталықтарымыз бар. Ата-аналар кейде, жұмыс болғандықтан, баланы балабақшаға бере салдық деп жатады. Ол қате пікір, әр ата-ана осы мекемеде баламның зейіні, ойы, қабілеттері дамысын, дарындылығы айқындалсын деп қарауы қажет.Бала балабақшаға барғанда тұлғаның дамуы ретінде көптеген жетістіктерге жетіп жатады.Балаларымыз балабақшадан көп нәрсені үйренеді. Ақыл –ой жағынан да, дене дамуы жағынан да, жетіліп, эмоциялары мен сезімдері одан әрі дами бастайды. Ең алдымен тәрбиеші балаларға балалармен қарым-қатынас жасауды үйретеді. Жеке тұлға дамуының алғашқы баспалдағы мектеп жасына дейінгі кезеңде қалыптасатындықтан, баланың таным қабілеттерінің дамуы осы шақтан бастап қаланады. Француз ғалымы Жан Пиаженің зерттеуіне сүйенсек, 4-5 жастағы балалар сөзбен берілген заттар мен құбылыстардың сипат-белгілерін, қасиеттерін ойша қорытып, өз сөздерімен айтумен бірге сөздің мән мағынасын түсінетін деңгейде болады. Яғни бала 4-5 жаста күрделі емес жұмбақтарды шешіп, кейбір мақал-мәтелдердің мәнін түсіне алады. Сәбилік кезеңде қабылдау

Бала жаңадан үйренген, көріп-білген, мәліметтерден кешке шаршайды. Сондықтан бала үйде жақсы тынығу үшін ата-ана жағдай жасау керек. Бала күні бойы ата-анасын көрмейтіндіктен, кешкісін баланызбен азғана…