Ата-аналар жиналысын өткізуге арналған жұмыс материалы 3 сынып

Ақтөбе қаласындағы

№64 ЖББ орта мектебінің

2 «Б» сыныбында өткен

ата- аналар жиналысының

13.01.2018жыл.

Сыныптағы барлық ата-аналар саны 24

Қатысты: 23 ата-ана

Хаттамасы

Жиналыста қаралған мәселелер:

1.Баяндама «Жеке тұлғаның қалыптасуында мектеп пен ата-ана қатынасының ролі»

2. Смартфон, асыл бұйымдар мектепке тағып келмеу

3. 2-тоқсандағы оқушылардың тәртібі мен үлгерімі туралы айту. 2-тоқсан қорытындысы.Қалыптастырушы, жиынтық бағалаулармен таныстыру, табельге қол қою.

Жиналыстың мақсаты:1.Ата-ананың баласы жайлы көбірек білуіне,қазіргі заман талабына сай көз қарас қалыптасуына төселдіру.Балаларға жауапкершілікпен қарауға шақыру.Баланың бүгінгі істеген қадамы ертеңгі тұлға ретінде қалыптасуына үлкен әсер ететініне атап өту. 2.Смартфон, асыл бұйымдардың балаға кері әсерін түсіндіру. Қалыптастырушы бағалаумен таныстыру.

Бірінші мәселе бойынша класс жетекшіТ.Б.Избасарова Жеке тұлғаның қалыптасуында мектеп пен ата-ана қатынасының ролі тақырыбында баяндама оқыды.

Баяндама оқу

Мектеп - өскелең ұрпақты тәрбиелеу жүйесіндегі шешуші буын. Оның жас ұрпақты тәрбиелеудегі рөлі өте зор. Еліміздің жастары мектеп арқылы өмірге жолдама алады. Мектеп еш уақытта отбасынан, қоғамнан бөлініп, автономиялық мекеме болған емес. Сондықтан оның іс-әрекеті отбасымен, жұртшылықпен, еңбек ұжымдарымен тығыз байланысты. Міне, мектептің үлкен тәрбиелік қызметі осында.

Мектеп тәрбиеге байланысты қоғамдық күштерді ұйымдастыру және біріктіру рөлін атқарады, Ол ішкі тәрбие процесін атқарып қана қоймайды, мөлтек аудандарда, кәсіпорындарда жүргізілетін тәрбие жұмысының мақсатқа бағыттылығын қамтамасыз етеді. Осы тұрғыдан мектеп — балалармен тәрбие жұмысын ұйымдастырып, жеке адамның дамуында және қалыптасуында әр түрлі факторлардың ықпалын үйлестіріп, біріктіретін орталық. Мектепте іс-әрекеттің ең бастысы - тәрбие түрлерінің (дүниетіным, еңбек, мінез-құлық, әстетикалық дене тәрбиесі) мақсаттары мен міндеттері жүзеге асырылады.

Мектеп басшылығымен жүргізілетін тәрбие жұмыстарының формалары көп. Олар: ата-аналармен жұмыс: сынып жетекшілерінің және мұғалімдердің отбасымен жұмысы; сыныптан және мектептен тыс тәрбие жұмыстары. Осы жұмыстарға мектеп басшылық жасайды, көмектеседі, тиісті адамдармен, ұйымдармен бірігіп іске асыруды қамтамасыз етеді.

Тәрбие жүйесінде, әсіресе, жеке адамның жоғары моральдық қасиеттерін қалыптастыруда, адамгершілік сезімін, эстетикалық талғамын дамытуда қоғамдық тәрбие алатын орны ерекше.